Home / Tag Archives: hasti

Tag Archives: hasti

Tumhare Paas Hun Lekin Jo Doori Hai, Samajhta Hun..

Sad Love Poetry

Tumhare paas hun lekin jo doori hai, samajhta hun..
tumhare bin meri hasti adhoori hai, samajhta hun…

Tumhen main bhool jaaunga ye mumkin nahin hai lekin,
tumhin ko bhoolna sab se zaroori hai, samajhta hun .!!

Sad Poetry Collection

Subscribe us for urdu shayari, ghazals, poems, poets, shair. 

Aam Hukm e Sharaab Karta Hun..

Meer Taqi Meer Poetry

Aam hukm-e-sharaab karta hun,
mohtasib ko kabaab karta hun.

Tuk to reh aey bina-e-hasti tu,
tujh ko kaisa kharaab karta hun.

Behas karta hun ho ke abjad-khwaan,
kis qadar be-hisaab karta hun.

Koi bujhti hai ye bhadak mein abas,
tishnagi par itaab karta hun.

Sar talak aab-e-tegh mein hun gharq,
ab ta.iin aab aab karta hun.

Jee mein phirta hai  ‘meer’  woh mere,
jaagta hun ki khwaab karta hun. !!

– Click here for Meer Taqi Meer Poetry Collection

Ishq Mujh Ko Nahin Wehshat Hi Sahi..

Mirza Ghalib Poetry

Ishq mujh ko nahin wehshat hi sahi,
meri wehshat teri shohrat hi sahi.

Qat.a keejiye na taalluq hum se,
kuchh nahin hai toh adaawat hi sahi.

Mere hone mein hai kya ruswaai,
ye woh majlis nahin khalwat hi sahi.

Hum bhi dushman toh nahin hain apne,
ghair ko tujh se mohabbat hi sahi.

Apni hasti hi se ho jo kuchh ho,
aagahi gar nahin ghaflat hi sahi.

Umar har-chand ki hai barq-e-khiraam,
dil ke khoon karne ki fursat hi sahi.

Hum koi tark-e-wafa karte hain,
na sahi ishq museebat hi sahi.

Kuchh toh de aey falak-e-naa-insaaf,
aah-o-fariyaad ki rukhsat hi sahi.

Hum bhi tasleem ki khoo daalenge,
be–niyaazi teri aadat hi sahi.

Yaar se chhed chali jaaye ‘asad’
gar nahin wasl toh hasrat hi sahi. !!

– Click here for Mirza Ghalib Poetry collection