Home / Tag Archives: Hasrat Shayari

Tag Archives: Hasrat Shayari

Namaabar Apna Hawaaon Ko Banaane Waale..

Namaabar apna hawaaon ko banaane waale,
ab na aayenge plat kar kabhi jaane waale.

Kya milega tujhe bikhre hue khwaabon ke siwa,
ret par chaand ki tasweer banaane waale.

Maikade band hue dhoond raha hun tujh ko,
tu kahan hai mujhe aankhon se pilaane waale.

Tu pighal jaaye koi mom ka putla toh nahin,
khud na jal jaaye tujhe haath lagaane waale.

Sab ne pehna tha bade shouq se kaaghaz ka libaas,
jis qadar log the baarish mein nahaane waale.

Mar gaye hum toh ye qatbe pe likha jaayega.
so gaye aap zamaane ko jagaane waale.

Dar-o-deewar pe hasrat si barasti hai ‘qateel
jaane kis desh gaye pyaar nibhaane waale. !!

Qateel Shifai

Namaabar Apna Hawaaon Ko Banaane Waale..
2 (40%) 1 vote

Ek Aazaar Hui Jaati Hai Shohrat Hum Ko..

Ek aazaar hui jaati hai shohrat hum ko,
khud se milne ki bhi milti nahin fursat hum ko.

Roshni ka ye musaafir hai raah-e-jaan ka nahin,
apne saaye se bhi hone lagi wehshat hum ko.

Aankh ab kis se tahayyur ka tamasha maange,
apne hone pe bhi hoti nahin hairat hum ko.

Ab ke ummeed ke shole se bhi aankhen na jali,
jaane kis mod pe le aayi mohabbat hum ko.

Kaun si rut hai zamaane humen kya maloom,
apne daaman mein liye phirti hai hasrat hum ko.

Zakhm ye wasl ke marham se bhi shayad na bhare,
hijr mein aisi mili ab ke masaafat hum ko.

Daagh-e-isyaan toh kisi taur na chhupte ‘amjad
dhaanp leti na agar chaadar-e-rahmat hum ko. !!

Amjad Islam Amjad

Ek Aazaar Hui Jaati Hai Shohrat Hum Ko..
Please Rate this poetry!

Aur Hain Kitni Manzilen Baaqi..

Aur hain kitni manzilen baaqi,
jaan kitni hai jism mein baaqi.

Zinda logon ki bood-o-baash mein hain,
murda logon ki aadaten baaqi.

Uss se milna woh khwaab-e-hasti mein,
khwaab maadoom hasraten baaqi.

Beh gaye rang-o-noor ke chashme,
rah gayi un ki rangaten baaqi.

Jin ke hone se hum bhi hain aye dil,
shehar mein hain woh sooraten baaqi.

Woh toh aa ke ‘munir jaa bhi chuka,
ek mehak si hai baagh mein baaqi. !!

Munir Niazi

Aur Hain Kitni Manzilen Baaqi..
5 (100%) 2 votes

Usey Waapas Bula Lena..

woh ladki

Meri basti ke logon ne sitaare tooTte dekhe,
toh rabb se ye dua maangi..
khudaya ab ke saawan mein bhaley barsaat kam dena,
koi soughaat mat dena,
magar itna karam karna..
usey waapas bula lena..

Ki jis ke qehqahe banjar nighaahen shaad karti thi,
ki jis ke lams dhadkan ko naya ek saaz dete the !

Usey maloom tha choupaal par baithe,
buzurgon ki kahaani mein..
kahan par muskurana hai.. kahan par sar jhukana hai !

Usey ehsaas tha,
udti patang ki dor toote toh,
zameen se dekhti hasarat bhari aankhen,
bahut afsoorda hoti hain,
hawa ko dosh deti hain !

Na woh koi patang sa tha,
ki jis ki dor tooti thi,
na woh choupaal pe baithe buzurgon ki kahaani tha !

Woh jo bhi tha,
usey basti ka har chehra
musalsal yaad karta hai..
sitaare jab bhi tooTte hain,
yahi fariyaad karta hai..
usey waapas bula lena,
usey waapas bula lena …!!

Usey Waapas Bula Lena..
4.7 (93.33%) 3 votes

Kya Bahut Jaroori Tha Ab Tera Judaa Hona..??

p 11

Khwaab posh aankhon mein,
aansuon ka bhar jana..

Hasraton ke saahil par,
titaliyon ka mar jana..

Habs ki hawaaon mein,
khushbuon ka darr jana..

Dard la-dawa hona..

Kya bahut zaroori tha,
ab tera juda hona ..?

Kya Bahut Jaroori Tha Ab Tera Judaa Hona..??
4.5 (90%) 2 votes