Home / Tag Archives: Haath

Tag Archives: Haath

Charwaha Bhedon Ko Le Kar Ghar Ghar Aaya Raat Hui..

Bashir Badr Poetry

Charwaha bhedon ko le kar ghar ghar aaya raat hui,
tu panchhi dil tera pinjra, pinjre mein ja raat hui.

Koi humen haathon pe utha kar bistar mein rakh deta hai,
duniya waale ye kahte hain sooraj dooba raat hui.

Shehar, makaan, dukaanon waale sab parde kirnon ne lapete,
khatm hua sab khel tamasha ja ab ghar ja raat hui.

Soorkh sunehra saafa bandhe shahzada ghode se utra,
kaale ghar se kambal odhe jogi nikla raat hui.

Shaam ke saaye zindaan ki deewaren oonchi karne lage,
phool sa dil lohe ke panje mein phir aaya raat hui.

Kis ki khatir dhoop ke gajre in shaakhon ne pahne the,
jungle jungle roye meera koi na aaya raat hui. !!

Bashir Badr Poetry Collection

Subscribe us for shayari, urdu poets, ghazals, nazms, poetry, shairy.

Koi Na Jaan Saka Woh Kahan Se Aaya Tha – Bashir Badr

Bashir Badr Poetry

Koi na jaan saka woh kahan se aaya tha,
aur uss ne dhoop se baadal ko kyon milaaya tha.

Ye baat logon ko shayad pasand aayi nahin,
makaan chhota tha lekin bahut saj aaya tha.

Woh ab wahan hain jahan raaste nahin jaate,
main jis ke saath yahan pichhle saal aaya tha.

Suna hai uss pe chahkne lage parinde bhi,
woh ek paudha jo hum ne kabhi lagaya tha.

Chiraagh doob gaye Kapkapaaye honthon par,
kisi ka haath humare labon tak aaya tha.

Badan ko chhod ke jaana hai aasman ki taraf,
samandaron ne humen ye sabaq padhaya tha.

Tamaam umar mera dum issi dhuen mein ghuta,
woh ek chiraagh tha maine usey bujhaya tha. !!

Bashir Badr Poetry Collection

Subscribe us for bashir badr shayari, ghazals, poems, shair, nazms, urdu poets. 

Tu Mere Dil Pe Haath Toh Rakh..

Two (2) Line Love Poetry

Tu mere dil pe haath toh rakh,
main tere haath pe dil na rakh dun toh kehna …!

Two Line Poetry Collection  Love Poetry Collection

Subscribe us for all types two line urdu shayari, ghazals, poems, urdu poets, nazms, urdu poets. 

Ab Toh Kuchh Aur Bhi Andhera Hai..

Hafeez Jalandhari Poetry

Ab toh kuchh aur bhi andhera hai,
ye meri raat ka sawera hai.

Rahzanon se toh bhaag nikla tha,
ab mujhe rahbaron ne ghera hai.

Aage aage chalo tabar waalo,
abhi jungle bahut ghanera hai.

Qaafila kis ki pairwi mein chale,
kaun sab se bada lootera hai.

Sar pe raahi ke sarbaraahi ne,
kya safaai ka haath phera hai.

Surma-aalood khushk aansuon ne,
noor-e-jaan khaak par bikhera hai.

Raakh raakh ustukhwaan safed safed,
yehi manzil yehi basera hai.

Aey meri jaan apne jee ke siwa,
kaun tera hai kaun mera hai.

So raho ab ‘hafeez’ ji tum bhi,
ye nayi zindagi ka dera hai. !!

Hafeez Jalandhari Poetry Collection

Subscribe us for hafeez jalandhari shayari, poetry, ghazals, poems, urdu poets, nazms, shair. 

Mujh Ko Aayega Kisi Roz Manaane Wala..

Shanti Saba Poetry

Mujh ko aayega kisi roz manaane waala,
Itna zaalim toh nahin,  rooth ke jaane waala.

Aaj ke daur mein ummeed e wafa kis se rakhein,
dhoop mein baithaa hai khud pedd lagaane waala.

Daane daane ko woh mohtaaj nazar aata hai,
tha jo haath ki lakeerein bataane waala. !!

Urdu poetry lovers ! Subscribe us for all type Urdu Poetry, Poems, Shayari, Ghazals.

Yun Haath Nahin Aata Woh Gauhar e Yak Dana..

Allama Iqbal Poetry

Yun haath nahin aata woh gauhar-e-yak-daana,
yak-rangi-o-aazaadi-e-himmat-e-mardaana.

Ya sanjar-o-tughral ka aain-e-jahangeeri,
ya mard-e-qalandar ke andaaz-e-mulookaana.

Ya hairat-e-faaraabi ya taab-o-tab-e-roomi,
ya fikar-e-hakeemaana ya jazb-e-kaleemaana.

Ya aqal ki roobaahi ya ishq-e-yadul-laahi,
ya heela-e-afrangi ya hamla-e-turkaana.

Ya shar-e-musalmaani ya dair ki darbaani,
ya naara-e-mastaana kaaba ho ki but-khaana.

Ameeri mein faqeeri mein shaahi mein ghulaami mein,
kuchh kaam nahin banta be-juraat-e-randaana. !!

– Click here for Allama Iqbal Poetry collection

Dekhna Qismat Ki Aap Apne Pe Rashk Aa Jaaye Hai..

Mirza Ghalib Poetry

Dekhna qismat ki aap apne pe rashk aa jaaye hai,
main usey dekhun bhala kab mujh se dekha jaaye hai.

Haath dho dil se yehi garmi gar andeshe mein hai,
aabgina tundi-e-sahaba se pighala jaaye hai.

Ghair ko ya rab woh kyon kar mana-e-gustaakhi kare,
gar hayaa bhi uss ko aati hai toh sharma jaaye hai.

Shauq ko ye lat ki har dum naala kheenche jaaiye,
dil ki woh haalat ki dum lene se ghabra jaaye hai.

Door chashm-e-bad teri bazm-e-tarab se waah waah,
naghma ho jaata hai waan gar naala mera jaaye hai.

Garche hai tarz-e-taghaful parda-daar-e-raaz-e-ishq,
par hum aise khoye jaate hain ki woh pa jaaye hai.

Uss ki bazm-aaraaiyaan sun kar dil-e-ranjur yaan,
misl-e-naqsh-e-mudda-e-ghair baitha jaaye hai.

Ho ke aashiq woh pari-rukh aur naazuk ban gaya,
rang khulta jaaye hai jitna ki udta jaaye hai.

Naqsh ko uss ke musawwir par bhi kya kya naaz hain,
kheenchta hai jis qadar utna hi khinchta jaaye hai.

Saaya mera mujh se misl-e-dood bhaage hai ‘asad’
paas mujh aatish-ba-jaan ki kis se thehra jaaye hai. !!

– Click here for Mirza Ghalib Poetry collection

Dard Se Mere Hai Tujh Ko Beqaraari Haaye Haaye..

Mirza Ghalib Poetry

Dard se mere hai tujh ko beqaraari haaye haaye,
kya hui zaalim teri ghafalat-shiaari haaye haaye.

Tere dil mein gar na tha aashob-e-ghum ka hausala,
tune phir kyon ki thi meri ghum-gusaari haaye haaye.

Kyon meri ghum-khwaargi ka thujh ko aaya tha khyaal,
dushmani apani thi meri dost-daari haaye haaye.

Umar bhar ka tune paimaan-e-wafa baandha toh kya,
umar ko bhi toh nahin hai paayedaari haaye haaye.

Zehar lagti hai mujhe aab-o-hawa-e-zindagi,
Yaani tujh se thi ise na-saazgaari haaye haaye.

Ghulfeshaani haaye naaz-e-jalwa ko kya ho gaya,
khaak par hoti hai teri laala-kaari haaye haaye.

Sharm-e-ruswaayi se jaa chhupna naqaab-e-khaak mein,
khatm hai ulfat ki tujh par parda-daari haaye haaye.

Khaak mein naamoos-e-paimaan-e-muhabbat mil gayi,
uth gayi duniya se raah-o-rasm-e-yaari haaye haaye.

Haath hi tegh-aazmaa ka kaam se jaata raha,
dil pe ek lagne na paaya zakhm-e-kaari haaye haaye.

Kis tarah kaate koi shab-haaye-taar-eh-barshigaal,
hai nazar khoo-karda-e-akhtar-shumaari haaye haaye.

Gosh mahjoor-e-payaam-o-chashm mahroom-e-jamaal,
ek dil tis par ye naa-ummeed-waari haaye haaye.

Ishq ne pakda na tha ‘ghalib’ abhi wehshat ka rang,
rah gaya tha dil mein jo kuchh zauq-e-khaari haaye haaye.

Gar museebat thi toh ghurbat mein utha lete ‘asad’
meri dehli hi mein honi thi ye khwaari haaye haaye. !!

– Click here for Mirza Ghalib Poetry collection

Ek Dariya Tha Aur Kinaara Tha..

Ek dariya tha aur kinaara tha,
mera gaaon bahut hi pyaara tha.

Chhat tapakti thi baarishon mein kabhi,
ghar tha kachcha, magar humara tha.

Haath sar par kisi ka hone se,
dil ko dharas si thi, sahara tha.

Chhod kar sab wahan chale aaye,
hum ko deewangi ne maara tha.

Dil jo saawan mein mil ke dhadke the,
ek tumhaara tha, ek humara tha..

Le chal phir mujhe wahin,
maine bachpan jahan guzaara tha. !!

Mahrukh Zaidi.

Namaabar Apna Hawaaon Ko Banaane Waale..

Namaabar apna hawaaon ko banaane waale,
ab na aayenge plat kar kabhi jaane waale.

Kya milega tujhe bikhre hue khwaabon ke siwa,
ret par chaand ki tasweer banaane waale.

Maikade band hue dhoond raha hun tujh ko,
tu kahan hai mujhe aankhon se pilaane waale.

Tu pighal jaaye koi mom ka putla toh nahin,
khud na jal jaaye tujhe haath lagaane waale.

Sab ne pehna tha bade shouq se kaaghaz ka libaas,
jis qadar log the baarish mein nahaane waale.

Mar gaye hum toh ye qatbe pe likha jaayega.
so gaye aap zamaane ko jagaane waale.

Dar-o-deewar pe hasrat si barasti hai ‘qateel
jaane kis desh gaye pyaar nibhaane waale. !!

Qateel Shifai