Home / Tag Archives: Ghar

Tag Archives: Ghar

Sannata Kya Chupke Chupke Kehta Hai..

Bashir Badr Poetry

Sannata kya chupke chupke kehta hai,
saaari duniya kis ka rain basera hai.

Aasmaan ke donon konon ke aakhir,
ek sitaara tera hai, ek mera hai.

Anda machhli chhu kar jin ko paap lage,
un ka poora haath lahoo mein dooba hai.

Aahista aahista dil par dastak do,
dheere dheere dil ka darwaaja khulta hai.

Sooraj ke ghar se uske ghar tak jaana,
kitna seedha saada dhoop ka rasta hai.

Saari raat lihaafon mein royi aankhen,
sab kehte the rishta naata jhootha hai. !!

Bashir Badr Poetry Collection

Subscribe us for latest urdu poets, ghazals, poems, nazms, shayari, shairy.

Sannata Kya Chupke Chupke Kehta Hai..
Please Rate this poetry!

Chalo Ki Hum Bujhe Bujhe Se Ghar Ka Marsiya Kahen..

Mohsin Naqvi Two Line Urdu Poetry

Chalo ki hum bujhe bujhe se ghar ka marsiya kahen,
woh chaand toh utar gaya haweliyon ki aut mein …!

Mohsin Naqvi Poetry Collection 2 Line Urdu Poetry Collection

Subscribe us for latest urdu poets, ghazals, poems, shayari, hindi, english, shairy.

Chalo Ki Hum Bujhe Bujhe Se Ghar Ka Marsiya Kahen..
Please Rate this poetry!

Woh Shaakh Hai Na Phool Agar Titliyan Na Hon..

Bashir Badr Poetry

Woh shaakh hai na phool agar titliyaan na hon,
woh ghar bhi koi ghar hai jahan bachchiyan na hon.

Palkon se aansuon ki mehak aani chahiye,
khaali hai aasmaan agar badliyaan na hon.

Dushman ko bhi khuda aisa makaan na de,
taaza hawa ki jis mein kahin khidkiyaan na hon.

Main poochhta hun meri gali mein woh aaye kyon,
jis daakiye ke paas teri chitthiyaan na hon. !!

Bashir Badr Poetry Collection

Subscribe us for Bashir Badr shayari, ghazals, poems, nazms, urdu poets, shair. 

Woh Shaakh Hai Na Phool Agar Titliyan Na Hon..
Please Rate this poetry!

Sare Raah Kuchh Bhi Keha Nahin Kabhi Uss Ke Ghar Mein Gaya Nahin..

Bashir Badr Poetry

Sare –  raah kuchh bhi keha nahin kabhi uss ke ghar mein gaya nahin,
main janam janam se usi ka hun usey aaj tak ye pata nahin.

Usey paak nazron se chumna bhi ibaadaton mein shumaar hai,
koi phool laakh qareeb ho kabhi maine uss ko chhuaa nahin.

Ye khuda ki den ajeeb hai ki isi ka naam naseeb hai,
jise tune chaaha woh mil gaya, jise maine chaaha mila nahin.

Isi sheher mein kayi saal se mere kuchh qareebi azeez hain,
unhen meri koi khabar nahin, mujhe un ka koi pataa nahin. !!

Bashir Badr Poetry Collection

Subscribe us for bashir badr shayari, ghazals, nazms, poems, shair, urdu poets. 

Sare Raah Kuchh Bhi Keha Nahin Kabhi Uss Ke Ghar Mein Gaya Nahin..
Please Rate this poetry!

Kar Gayi Ghar Mera Khaali – Popular Meeruthi Mazahiya Shayari

Popular Meeruthi Poetry

Kar gayi ghar mera khaali,
Mere so jaane ke baad..
Mujh ko dhadka tha ki kuchh hoga tere aane ke baad,
Maine dono baar thaane mein likhaayi thi rapat,
Ek tere aane se pehle, ek tere jaane ke baad …!!

 

Subscribe us for Dr. Ejaz Popular Meeruthi Poetry, Mazahiya Shayari Collection, Urdu Poets, Ghazals, Nazms, Poems.

Kar Gayi Ghar Mera Khaali – Popular Meeruthi Mazahiya Shayari
3 (60%) 1 vote

Khandani Rishton Mein Raqaabat Bahut Hai..

Bashir Badr Poetry

Khaandaani rishton mein aksar raqaabat hai bahut,
ghar se nikalo toh ye duniya khubsoorat hai bahut.

Apne kaalez mein bahut maghroor jo mash-hoor hai,
dil mera kehta hai uss ladki mein chaahat hai bahut.

Un ke chehre chaand taaron ki tarah roshan hue,
jin ghareebon ke yahan husn-e kifaayat hai bahut.

Hum se ho nahin sakti duniya ki duniyadaariyan,
ishq ki deewar ke saaye mein raahat hai bahut.

Dhoop ki chaadar mere sooraj se kehna bhej de,
ghurbaton ka daur hai jaadon ki shiddat hai bahut.

Un andheron mein jahan sehami hui thi ye zameen,
raat se tanha lada, jugnu mein himmat hai bahut. !!

Bashir Badr Poetry Collection

Subscribe us for Bashir Badr Shayari, Urdu Poetry, Poems, Nazms, Ghazals, Urdu Legend Poets.

Khandani Rishton Mein Raqaabat Bahut Hai..
Please Rate this poetry!

Kahan Toh Tay Tha Chiragan Har Ek Ghar Ke Liye..

Dushyant Kumar Poetry

Kahan to tay tha chiragan har ek ghar ke liye,
kahan chirag mayassar nahin shehar ke liye.

Yahan darakhton ke saaye mein dhoop lagti hai,
chalo yahan se chalen aur umar bhar ke liye.

Na ho kameez toh ghutnon se pet dhak lenge,
ye log kitne munaasib hain iss safar ke liye.

Khuda nahin na sahi, aadmi ka khwaab sahi
koi haseen nazara toh hai nazar ke liye.

Ve mutmaeen hain ki ptthar pighal nahin sakta,
main beqraar hun aawaaz mein asar ke liye.

Tera nizaam hai sil de zabaan-e shayar ko,
ye ehtiyaat zaroori hai iss bahar ke liye.

Jiyen toh apne bagheeche mein gulmohar ke taley,
maren toh ghair ki galiyon mein gulmohar ke liye. !!

Dushyant Kumar Poetry Collection

Subscribe us for Dushyant Kumar Poems. Urdu Poetry, Shayari, Ghazals.

Kahan Toh Tay Tha Chiragan Har Ek Ghar Ke Liye..
Please Rate this poetry!