| Mujhe aey dost! jaa kar shehar mein apna pataa likhna.. ye tum ne gaaon kyon chhoda ?.. hui thi kya khata likhna . Ye panghat, khet aur khalihaan, nehren, gaaon ka mandir.. Wahan oonchi imaarat, kaarkhaane, roshni, dhuaan.. |
Subscribe us for hindi – urdu shayari, ghazals, poems, nazms, poets, shair.
Jahan ped par chaar daane lage,
hazaaron taraf se nishaane lage.
Hui shaam yaadon ke ek gaaon mein,
parinde udaasi ke aane lage.
Ghadi do ghadi mujh ko palkon pe rakh,
yahan aate aate zamaane lage.
Kabhi bastiyaan dil ki yun bhi basi,
dukaanen khuli kaarakhaane lage.
Wahin zard patton ka kaalin hai,
gulon ke jahan shaamiyane lage.
Padhaai likhaai ka mausam kahan,
kitaabon mein khat aane jaane lage. !!
Subscribe Us For More Bashir Badr Poetry, Urdu Poetry , Ghazals, Nazms, Shayari & Poems
Kathin tanhaaiyon se kaun khela, main akela,
bhara ab bhi mere gaaon ka mela, main akela.
Bichhad kar tujh se main shab bhar na soya, kaun roya,
ba-juz* mere ye dukh bhi kis ne jhela, main akela.
Ye be’aawaaz banjar ke baasi, ye udaasi,
ye dasht ka safar, jungle, ye bela, main akela.
Main dekhun kab talak manzar suhaane, sab puraane
wahi duniya, wahi dil ka jhamela, main akela.
Woh jis ke khauf se sehraa sidhaare log saare,
guzarne ko hai toofaan ka woh rella, main akela. !!
*[ ba-juz=exception ]
Zameen pe chal na saka aur aasmaan se bhi gaya,
kata ke Parr woh parinda udaan se bhi gaya.
Bhula diya toh bhulane ki inteha kar di,
ki ab woh shakhs mere wehm-o gumaan se bhi gaya.
Kisi ke haath se nikla hua koi teer hun main,
hadaf ko chhoo na saka jo kamaan Se bhi gaya.
Tabaah kar gayi mujh ko pakke makaan ki khwaahish,
main apne gaaon ke kacche makaan se bhi gaya.
Paraayi aag mein kooda toh kya mila mujh ko?
usey bacha na saka aur apni jaan se bhi gaya. !!
Almaari se khat uske puraane nikal aaye,
phir se mere chehre pe ye daane nikal aaye.
Maa baith ke takti thi jahan se mera raasta,
mitti ko hataate hi khazaane nikal aaye.
Mumkin hai humein gaaon bhi pehchan na paaye,
bachpan mein hi hum ghar se kamaane nikal aaye.
Aye rett ke zarre tera ehsaan bahut hai,
aankhon ko bhigone ke bahaane nikal aaye .
Cheekhein bhi yahan gaur se sunta nahi koi,
kis shehar mein tum shair sunaane nikal aaye ? ..!!
Poetry One- All in One Best Poetry in Urdu, Hindi, English World A Poetry World we always loved to live by !
