Home / Tag Archives: Dil

Tag Archives: Dil

Agar Main Hadh Se Guzar Jaaun Toh Mujhe Maaf Kar Dena..

Agar main hadh se guzar jaaun toh mujhe maaf kar dena,
tere dil mein utar jaaun toh mujhe maaf kar dena..

Raaste mein tujhe dekh kar tere deedaar ki khaatir,
pal bhar ke liye thehar jaaun toh mujhe maaf kar dena..

Yun hi gussey mein aa kar daant dena toh meri aadat hai,
daant ke agar seene se laga lun toh mujhe maaf kar dena..

Apne jazbaat se likhi hui shokh tehreer,
tere naam kar jaaun toh mujhe maaf kar dena..

Teri pal bhar ki judaai mujhe jeene nahin deti,
tere bin jo mar jaaun toh mujhe maaf kar dena..

Agar aisa main kuchh kar jaaun toh mujhe maaf kar dena !

Kisi Ka Tha Woh Fusun, Jo Kiya.. Kiya Maine!

Midhat ul Akhtar Poetry

Kisi ka tha woh fusoon, jo kiya.. kiya maine!
woh hosh tha ki junoon, jo kiya.. kiya maine! 

Jo ho chuka wahi kaafi hai dil dukhaane ko,
ab aur kuchh na karun, jo kiya.. kiya maine!

Mere wajood mein shaamil rahe hain kitne wajood,
toh phir ye kaise kahun, jo kiya.. kiya maine!

Har ek sawaal pe kitnon ke naam niklenge,
koi jawaab na dun, jo kiya.. kiya maine!

Bahut azeem hai dushman karega kaun yaqeen,
kisi ka naam na lun, jo kiya.. kiya maine!

Khuda ka shukr na bandon ka shukriya waajib,
isi fareb mein hun, jo kiya.. kiya maine!!

Dekh Lo Har Taraf Dararen Hain..

Two (2) Line Sad Urdu Poetry

Dekh lo har taraf daraar’en hain ,
Dil hua hai makaan mitti ka …!

 

Two Line Poetry Collection

 

Dil Ne Hazaar Baar Usey Saaf Kar Diya..

Two Line Sad Poetry

Dil ne hazaar baar usey saaf kar diya,
Lekin tumhari yaad ke jaale nahin gaye …!

Two (2) Line Poetry Collection

Sad Poetry Collection

Subscribe us for two line sad shayari, ghazals, nazms, poems, shair, urdu poets. 

Tu Mere Dil Pe Haath Toh Rakh..

Two (2) Line Love Poetry

Tu mere dil pe haath toh rakh,
main tere haath pe dil na rakh dun toh kehna …!

Two Line Poetry Collection  Love Poetry Collection

Subscribe us for all types two line urdu shayari, ghazals, poems, urdu poets, nazms, urdu poets. 

Raat Ek Khwab Hum Ne Dekha Hai..

Bashir Badr Poetry

Raat ek khwaab hum ne dekha hai,
phool ki pankhudi ko chooma hai.

Dil ki basti puraani dilli hai,
jo bhi guzra hai uss ne loota hai.

Hum toh kuchh der hans bhi lete hain,
dil humesha udaas rehta hai.

Koi matlab zaroor hoga miyaan,
yun koi kab kisi se milta hai.

Tum agar mil bhi jaao toh bhi humen,
hashar tak intezaar karna hai.

Paisa haath ka mail hai baba,
zindagi chaar din ka mela hai. !!

Bashir Badr Poetry Collection

Subscribe us for bashir badr shayari, ghazals, poems, nazms, urdu poetry, shair, urdu poets. 

Ye Dil Kabhi Na Mohabbat Mein Kamyaab Hua..

Bekhud Dehlvi Poetry

Ye dil kabhi na mohabbat mein kaamyaab hua,
mujhe kharaab kiya, aap bhi kharaab hua.

Ajal mein, zeest mein, turabat mein, hashr mein zaalim
tere sitam ke liye main hi intekhaab hua.

Nigaah-e mast ko saaqi ki kaun de ilzaam,
mera naseeb ki ruswa mera shabaab hua.

Humaare ishq ki dus – bees ne bhi daad na di,
kisi ka husn zamaane mein intekhaab hua.

Fanaa ka daava hazaaron ko tha zamaane mein,
habaab* ne mujhe dekha toh aab* aab hua. !!

*[ Habaab=bulbulaa, bubble | Aab=paani, water ]

Bekhud Dehlvi Poetry Collection

Subscribe us for Bekhud Dehlvi Shayari, Urdu Poetry, Ghazals, Poems, Nazms, Shair, Sad, Love, Life.

Zakhm Yun Muskura Kar Khilte Hain..

Bashir Badr Poetry

Zakhm yun muskura kar khilte hain,
jaise woh dil ko chhoo kar gujre hain.

Dard ka chaand aansuon ke taare,
dil ke aangan mein aaj utre hain.

Raakh ke dher jaise sard makaan,
chaand un badliyon mein rehte hain.

Aaino ka koi qasoor nahin,
un mein apne hi photo hote hain.

Gaur se dekh khaak tanha nahin,
saath phoolon ke rang udte hain.

Un se raat ki khabar suno saahab,
badr’ ji raat raat ghume hain. !!

Bashir Badr Poetry Collection

Subscribe us for bashir badr shayari , urdu poetry , nazms , poetry, ghazals , poems , shair.

Zakhm Jhele Dagh Bhi Khaye Bahut..

Meer Taqi Meer Poetry

Zakhm jhele daagh bhi khaaye bahut,
dil laga kar hum toh pachhtaaye bahut.

Jab na tab jagah se tum jaaya kiye,
hum toh apni or se aaye bahut.

Dair se su-e-haram aaya na tuk,
hum mizaaj apna idhar laaye bahut.

Phool gul shams-o-qamar saare hi the,
par humen un mein tumhin bhaaye bahut.

Gar buka iss shor se shab ko hai toh,
rowenge sone ko hum-saaye bahut.

Woh jo nikla subh jaise aaftaab,
rashk se gul phool murjhaaye bahut.

‘Meer’ se poochha jo main aashiq ho tum,
ho ke kuchh chupke se sharmaaye bahut. !!

– Click here for Meer Taqi Meer poetry collection

Dil Se Teri Nigaah Jigar Tak Utar Gayi..

Mirza Ghalib Poetry

Dil se teri nigaah jigar tak utar gayi,
donon ko ek adaa mein razamand kar gayi.

Shaq ho gaya hai seena khusha lazzat-e-faraagh,
takleef-e-parda-daari-e-zakhm-e-jigar gayi.

Woh baada-e-shabaana ki sarmastiyaan kahan,
uthiye bas ab ki lazzat-e-khwaab-e-sehar gayi.

Udti phire hai khaak meri ku-e-yaar mein,
baare ab aey hawa hawas-e-baal-o-par gayi.

Dekho toh dil farebi-e-andaaz-e-naqsh-e-paa,
mauj-e-khiraam-e-yaar bhi kya gul katar gayi.

Har bul-hawas ne husn-parasti shi.aar ki,
ab aabroo-e-shewa-e-ahl-e-nazar gayi.

Nazzare ne bhi kaam kiya waan naqaab ka,
masti se har nigaah tere rukh par bikhar gayi.

Farda-o-di ka tafraqa yak baar mit gaya,
kal tum gaye ki hum pe qayaamat guzar gayi.

Maara zamaane ne ‘asadullaah khan’ tumhen,
woh walwale kahan woh jawaani kidhar gayi. !!

– Click here for Mirza Ghalib Poetry collection