Home / Tag Archives: Daur

Tag Archives: Daur

Har Janam Mein Usi Ki Chahat The..

Bashir Badr Poetry

Har janam mein usi ki chaahat the,
hum kisi aur ki amaanat the.

Uss ki aankhon mein jhilmilaati hui,
hum ghazal ki koi alaamat the.

Teri chaadar mein tan samet liya,
hum kahan ke daraaz qaamat the.

Jaise jungle mein aag lag jaaye,
hum kabhi itne khoobsurat the.

Paas reh kar bhi door door rahe,
hum naye daur ki mohabbat the.

Is khushi mein mujhe khyaal aaya,
ghum ke din kitne khoobsurat the.

Din mein in jugnuon se kya lena,
ye diye raat ki zaroorat the. !!

Bashir Badr Poetry Collection

Subscribe us for bashir badr poems, urdu poetry, shayari, nazms, poetry, shair, ghazals, shairy.

Mujh Ko Aayega Kisi Roz Manaane Wala..

Shanti Saba Poetry

Mujh ko aayega kisi roz manaane waala,
Itna zaalim toh nahin,  rooth ke jaane waala.

Aaj ke daur mein ummeed e wafa kis se rakhein,
dhoop mein baithaa hai khud pedd lagaane waala.

Daane daane ko woh mohtaaj nazar aata hai,
tha jo haath ki lakeerein bataane waala. !!

Urdu poetry lovers ! Subscribe us for all type Urdu Poetry, Poems, Shayari, Ghazals.