Home / Tag Archives: Dard

Tag Archives: Dard

Phir Wohi Raat, Wohi Dard, Wohi Khamoshi..

Two Line Urdu Raat Poetry

Phir wohi raat, wohi dard, wohi khaamoshi..
itna sannata hai ki kaan phatey jaate hain …! 

Raat Poetry Colection

– Subscribe our Urdu Poetry Blog for Ghazals, Shairy, Nazms, Poems, Shaayri, Poets.

Zakhm Yun Muskura Kar Khilte Hain..

Bashir Badr Poetry

Zakhm yun muskura kar khilte hain,
jaise woh dil ko chhoo kar gujre hain.

Dard ka chaand aansuon ke taare,
dil ke aangan mein aaj utre hain.

Raakh ke dher jaise sard makaan,
chaand un badliyon mein rehte hain.

Aaino ka koi qasoor nahin,
un mein apne hi photo hote hain.

Gaur se dekh khaak tanha nahin,
saath phoolon ke rang udte hain.

Un se raat ki khabar suno saahab,
badr’ ji raat raat ghume hain. !!

Bashir Badr Poetry Collection

Subscribe us for bashir badr shayari , urdu poetry , nazms , poetry, ghazals , poems , shair.

Humara Dard Humari Dukhi Aawaz Se Lade..

Bashir Badr Poetry

Humara dard humari dukhi aawaz se lade,
sulgati aag kabhi sirfiri hawa se lade.

Main jaanta hun ki aakhir kya hoga,
akela pataa agar raat bhar hawa se lade.

Mere azeez mujhe qatal kar ke phenk aate,
bhala hua ki mere lab meri sada se lade.

Siyaah barf mein thithuri hai qaaynaat meri,
koi sitaara uthe toot kar khala se lade.

Humare shehar mein kya ho gaya tha jis ke liye,
bashir’ rote rahe raat bhar khuda se lade. !!

Bahir Badr Poetry Collection

Subscribe us for Bashir Badr Shayari, Urdu Poetry, Ghazals, Poems, Nazms, Shair, Urdu Poets.

Ab Jo Koi Poochhe Bhi Toh Us Se Kya Sharh e Haalaat Karen..

Faiz Ahmed Faiz Poetry

Ab jo koi poochhe bhi toh uss se kya sharh-e-haalaat karen,
dil thehre toh dard sunaayen dard thame toh baat karen.

Shaam hui phir josh-e-qadah ne bazm-e-harifaan roshan ki,
ghar ko aag lagaayen hum bhi roshan apni raat karen.

Qatl-e-dil-o-jaan apne sar hai apna lahoo apni gardan pe,
mohr-ba-lab baithe hain kis ka shikwa kis ke saath karen.

Hijr mein shab bhar dard-o-talab ke chaand sitaare saath rahe,
subh ki veerani mein yaaro kaise basar auqaat karen. !!

– Faiz Ahmed Faiz

Warasta Us Se Hain Ki Mohabbat Hi Kyon Na Ho,,

Mirza Ghalib Poetry

Waarasta uss se hain ki mohabbat hi kyon na ho,
keeje humare saath adaawat hi kyon na ho.

Chhoda na mujh mein zof ne rang ikhtilaat ka,
hai dil pe baar naqsh-e-mohabbat hi kyon na ho.

Hai mujh ko tujh se tazkira-e-ghair ka gila,
har-chand bar-sabil-e-shikaayat hi kyon na ho.

Paida hui hai kehte hain har dard ki dawaa,
yun ho toh chaara-e-ghum-e-ulfat hi kyon na ho.

Daala na bekasi ne kisi se muaamla,
apne se kheenchta hun khajaalat hi kyon na ho.

Hai aadmi bajaa-e-khud ek mahshar-e-khyaal,
hum anjuman samajhte hain khalwat hi kyon na ho.

Hungama-e-zabuni-e-himmat hai infiaal,
haasil na kije dahr se ibrat hi kyon na ho.

Waarastagi bahaana-e-begaangi nahin,
apne se kar na ghair se wehshat hi kyon na ho.

MiTta hai faut-e-fursat-e-hasti ka ghum koi,
umr-e-aziz sarf-e-ibaadat hi kyon na ho.

Uss fitna-khu ke dar se ab uthte nahin ‘asad
uss mein humare sar pe qayaamat hi kyon na ho. !!

Mirza Ghalib

Anokhi Waza Hai Saare Zamaane Se Niraale Hain..

Allama Iqbal Poetry

Anokhi waza hai saare zamaane se niraale hain,
ye aashiq kaun si basti ke yaa rab rehne waale hain.

Ilaaj-e-dard mein bhi dard ki lazzat pe marta hun,
jo the chaalon mein kaante nok-e-sozan se nikaale hain.

Phalaa-phoola rahe yaa rab chaman meri umeedon ka,
jigar ka khoon de de kar ye boote hum ne paale hain.

Rulaati hai mujhe raaton ko khaamoshi sitaaron ki,
niraala ishq hai mera niraale mere naale hain.

Na poochho mujh se lazzat khaanamaan-barbaad rehne ki,
nasheman sainkadon maine bana kar phoonk daale hain.

Umeed-e-hoor ne sab kuchh seekha rakha hai waaiz ko,
ye hazrat dekhne mein seedhe-saadhe bhole-bhaale hain.

Mere ashaar aey ‘iqbal’ kyon pyaare na hon mujh ko,
mere toote hue dil ke ye dard-angez naale hain. !!

– Click here for Allama Iqbal Poetry collection

Dard Se Mere Hai Tujh Ko Beqaraari Haaye Haaye..

Mirza Ghalib Poetry

Dard se mere hai tujh ko beqaraari haaye haaye,
kya hui zaalim teri ghafalat-shiaari haaye haaye.

Tere dil mein gar na tha aashob-e-ghum ka hausala,
tune phir kyon ki thi meri ghum-gusaari haaye haaye.

Kyon meri ghum-khwaargi ka thujh ko aaya tha khyaal,
dushmani apani thi meri dost-daari haaye haaye.

Umar bhar ka tune paimaan-e-wafa baandha toh kya,
umar ko bhi toh nahin hai paayedaari haaye haaye.

Zehar lagti hai mujhe aab-o-hawa-e-zindagi,
Yaani tujh se thi ise na-saazgaari haaye haaye.

Ghulfeshaani haaye naaz-e-jalwa ko kya ho gaya,
khaak par hoti hai teri laala-kaari haaye haaye.

Sharm-e-ruswaayi se jaa chhupna naqaab-e-khaak mein,
khatm hai ulfat ki tujh par parda-daari haaye haaye.

Khaak mein naamoos-e-paimaan-e-muhabbat mil gayi,
uth gayi duniya se raah-o-rasm-e-yaari haaye haaye.

Haath hi tegh-aazmaa ka kaam se jaata raha,
dil pe ek lagne na paaya zakhm-e-kaari haaye haaye.

Kis tarah kaate koi shab-haaye-taar-eh-barshigaal,
hai nazar khoo-karda-e-akhtar-shumaari haaye haaye.

Gosh mahjoor-e-payaam-o-chashm mahroom-e-jamaal,
ek dil tis par ye naa-ummeed-waari haaye haaye.

Ishq ne pakda na tha ‘ghalib’ abhi wehshat ka rang,
rah gaya tha dil mein jo kuchh zauq-e-khaari haaye haaye.

Gar museebat thi toh ghurbat mein utha lete ‘asad’
meri dehli hi mein honi thi ye khwaari haaye haaye. !!

– Click here for Mirza Ghalib Poetry collection

Dil e Naadaan Tujhe Hua Kya Hai..

Mirza Ghalib Poetry

Dil-e-naadaan tujhe hua kya hai,
aakhir iss dard ki dava kya hai.

Hum hain mushtaaq aur woh bezaar,
Yaa ilaahi ye maajra kya hai.

Main bhi munh mein zabaan rakhta hun,
kaash poochho ki muddaa kya hai.

Jab ki thujh bin nahin koi maujood,
phir ye hungaama aey khuda kya hai.

Ye pari chehra log kaise hain,
ghamza-o-ishwa-o-adaa kya hai.

Shikan-e-zulf-e-ambareen kyon hai,
nigah-e-chashm-e-surma sa kya hai.

Sabza-o-gul kahan se aaye hain,
abr kya cheez hai hawa kya hai.

Hum ko un se wafa ki hai ummeed,
jo nahin jaante wafa kya hai.

Haan bhala kar tera bhala hoga,
aur darwesh ki sada kya hai.

Jaan tum par nisaar karta hun,
main nahin jaanta dua kya hai.

Maine mana ki kuchh nahin ‘ghalib’
muft haath aaye toh bura kya hai. !!

– Click here for Mirza Ghalib Poetry collection

Nigaahon Mein Chamak Dil Mein Khushi Mehsoos Karta Hun..

Qateel Shifai Poetry

Nigaahon mein chamak dil mein khushi mehsoos karta hun,
ki tere bas mein apni zindagi mehsoos karta hun.

Thaka deti hain jab kaunain ki pahnaaiyaan mujh ko,
tere dar par pahunch kar taazgi mehsoos karta hun.

Ba-majboori muqaddar ke uffaaq se jhaankne waale,
teri aankhon mein sharmindagi mehsoos karta hun.

Jawaani ko sazaa-e-lazzat-e-ehsaas de dena,
main iss had par khuda ko aadmi mehsoos karta hun.

Shab-e-aakhir falak par timtima kar doobte taare ,
main apne saath tera dard bhi mehsoos karta hun.

Qateel’ ehbaab ko deta hun tere sulooq ki zehmat,
main apne dard mein jab bhi kami mehsoos karta hun. !!

– Click Here For Qateel Shifai Poetry, Poems Collection

Ye Mojaza Bhi Mohabbat Kabhi Dikhaaye Mujhe..

Ye mojaza bhi mohabbat kabhi dikhaaye mujhe,
ki sang tujh pe gire aur zakhm aaye mujhe.

Main apne paanv tale raundta hun saaye ko,
badan mera hi sahi dopehar na bhaaye mujhe.

Barang-e-uud milegi usey meri khushboo,
woh jab bhi chaahe bade shauq se jalaaye mujhe.

Main ghar se teri tamanna pehan ke jab niklun,
barhana shehar mein koi nazar na aaye mujhe.

Wohi toh sab se zyada hai nukta-chin mera,
jo muskura ke humesha gale lagaaye mujhe.

Main apne dil se nikaalun khyaal kis kis ka,
jo tu nahin toh koi aur yaad aaye mujhe.

Zamana dard ke sehra tak aaj le aaya,
guzaar kar teri zulfon ke saaye saaye mujhe.

Woh mera dost hai saare jahaan ko hai maaloom,
dagha kare woh kisi se toh sharm aaye mujhe.

Wo meharbaan hai toh iqraar kyon nahin karta,
woh badgumaan hai toh sau baar aazmaaye mujhe.

Main apni zaat mein neelaam ho raha hun ‘qateel
ghum-e-hayaat se keh do khareed laaye mujhe. !!

Qateel Shifai