Home / Tag Archives: daad

Tag Archives: daad

Ye Dil Kabhi Na Mohabbat Mein Kamyaab Hua..

Bekhud Dehlvi Poetry

Ye dil kabhi na mohabbat mein kaamyaab hua,
mujhe kharaab kiya, aap bhi kharaab hua.

Ajal mein, zeest mein, turabat mein, hashr mein zaalim
tere sitam ke liye main hi intekhaab hua.

Nigaah-e mast ko saaqi ki kaun de ilzaam,
mera naseeb ki ruswa mera shabaab hua.

Humaare ishq ki dus – bees ne bhi daad na di,
kisi ka husn zamaane mein intekhaab hua.

Fanaa ka daava hazaaron ko tha zamaane mein,
habaab* ne mujhe dekha toh aab* aab hua. !!

*[ Habaab=bulbulaa, bubble | Aab=paani, water ]

Bekhud Dehlvi Poetry Collection

Subscribe us for Bekhud Dehlvi Shayari, Urdu Poetry, Ghazals, Poems, Nazms, Shair, Sad, Love, Life.