Home / Tag Archives: chaand-shayari

Tag Archives: chaand-shayari

Zameen Pe Chaand Utarta Dikhaai Deta Hai..

Zameen pe chaand utarta dikhaai deta hai,
tera khyaal bhi tujh sa dikhaai deta hai.

Jo saath le kar chala tha hazaar hungaame,
woh shakhs aaj akela dikhaai deta hai.

Hawa chali toh andheron ki aag tezz hui,
har ek khwaab pighalta dikhaai deta hai.

Bade ajeeb hain ye dard-o ghum ke rishte bhi,
ki jis ko dekhiye apna dikhaai deta hai.

Badalte jaate hain alfaaz soortein apni,
chalo toh ye bhi tamaasha dikhaai deta hai.

Diyaar-e shoq ho ya dasht-e baikraan jaami,
kahan kahan koi tanha dikhaai deta hai. !!

Chaand Nikle Kisi Jaanib Teri Zebaai Ka..

Chaand nikle kisi jaanib teri zebaai ka,
rang badle kisi soorat shab-e tanhaai ka.

Daulat-e labb se phir aye khusraw-e-sheereen-dahnaan,
aaj arzaan ho koi harf shanasaai ka.

Garmi-e rashk se har anjuman-e-gul-badanaan,
Tazkira chhede teri pairhan aaraai ka.

Sehan-e gulshan mein kabhi aye shah-e-shamshaad-qadan,
phir nazar aaye saleeqa teri raanai ka.

Ek barr aur maseeha-e-dil-e-dil-zadgaan,
koi wada koi iqraar maseehaai ka.

Deeda-o dil ko sambhaalo ki sar-e-shaam-e-firaaq,
saaz-o saamaan baham pahuncha hai ruswaai ka. !!

->  Faiz Ahmed Faiz

Tu Kabhi Dekh Toh Rote Hue Aa Kar Mujh Ko..

Tu kabhi dekh toh rote hue aa kar mujh ko,
rokna padta hai aankhon se samandar mujh ko.

Iss mein aawara-mizazi ka koi dakhl nahin,
dasht-o sehra mein firaata hai muqaddar mujh ko.

Ek tooti hui kashti ka musaafir hun main,
haan nigal jayega ek roz samundar mujh ko.

Iss se badh kar meri tauheen-e anaa kya hogi,
ab gadaagar bhi samjhte hain gadaagar mujh ko.

Zakhm chehre pe, lahoo aankhon mein,  seena chhalni,
zindagi ab toh odhaa de koi chaadar mujh ko.

Meri aankhon ko woh binaai ataa kar maula,
ek aansu bhi nazar aaye samundar mujh ko.

Koi iss baat ko maane ki na maane lekin,
chaand lagta hai tere maathe ka jhoomar mujh ko.

Dukh toh ye hai mera dushman hi nahin hai koi,
ye mere bhai hain kehte hain jo baabar mujh ko.

Mujh se aangan ka andhera bhi nahin mit paaya,
aur duniya hai ki kehti hai ‘Munawwar’  mujh ko. !!

Oss Padi Thi Raat Bahut Aur Kohra Tha Garmaaish Par..

Oss padi thi raat bahut aur kohra tha garmaaish par,
saili si khamoshi mein aawaaz suni farmaaish par,

Faasle hain bhi aur nahin bhi naapa taula kuchh bhi nahin,
log ba-zidd rahte hain phir bhi rishton ki paimaaish par.

Munh moda aur dekha kitni door khade the hum dono,
aap lade the hum se bas ek karwat ki gunjaaish par.

Kaaghaz ka ek chaand laga kar raat andheri khidki par,
dil mein kitne khush the apni furqat ki aaraish par.

Dil ka hujra kitni baar ujdaa bhi aur basaaya bhi,
saari umar kahan thehra hai koi ek rihaaish par.

Dhoop aur chhanv baant ke tum ne aangan mein deewaar chuni,
kya itna aasaan hai zinda rahna iss aasaaish par.

Shayad teen nujoomi meri maut pe aa kar pahunchenge,
aisa hi ek baar hua tha isaa ki paidaaish par. !!

Woh Khat Ke Purze Udaa Raha Tha..

Woh khat ke purze udaa raha tha,
hawaaon ka rukh dikha raha tha.

Bataaun kaise woh behta dariya,
jab aa raha tha toh ja raha tha.

Kuchh aur bhi ho gaya numaaya,
main apna likha mita raha tha.

Dhuaan dhuaan ho gayi thi aankhen,
charaagh ko jab bujha raha tha.

Munder se jhuk ke chaand kal bhi,
padosiyon ko jaga raha tha.

Ussi ka imaan badal gaya hai,
kabhi jo mera khuda raha tha.

Woh ek din ek ajnabi ko,
meri kahaani suna raha tha.

Woh umar kam kar raha tha meri,
main saal apne badhaa raha tha.

Khuda ki shayad razaa ho iss mein,
tumhara jo faisla raha tha. !!

Suna Hai Woh Chaand Se Guftgu Karta Hai Raat Bhar..

girl-and-moon-talking-watching-girl-love

Suna hai woh chand se guftgu karta hai raat bhar,
tanha baith kar meri baaton ko sochta hai raat bhar..

Jab paas the toh humari qadar na jaani uss ne,
ab milne ki dua maangta hai raat bhar..

Aye chaand usey kah de..

Gaya waqt laut kar nahin aata,
kyon khud ko aziyyat mein dalta hai raat bhar …!!

Suna Hai Log Usey Aankh Bhar Ke Dekhte Hain..

Painting of beautiful women- ahmad faraz shayari- poetry picture- beautiful painting

Suna hai log usey aankh bhar ke dekhte hain,
so uss ke shehar mein kuchh din thehar ke dekhte hain.

Suna hai rabt hai uss ko kharaab haalon se,
so apne aap ko barbaad kar ke dekhte hain.

Suna hai dard ki gaahak hai chashm-e naaz uss ki,
so hum bhi uss ki gali se guzar ke dekhte hain.

Suna hai uss ko bhi hai sher-o shayari se shaghaf,
so hum bhi mojzey apne hunar ke dekhte hain.

Suna hai bole toh baaton se phool jhadte hain,
ye baat hai toh chalo baat kar ke dekhte hain.

Suna hai raat usey chaand takta rehta hai,
sitaare baam-e falak se utar ke dekhte hain.

Suna hai din ko usey titliyan staati hain,
suna hai raat ko jugnu thehar ke dekhte hain.

Suna hai hashr hain uss ki ghazaal si aankhein,
suna hai uss ko hiran dasht bhar ke dekhte hain.

Suna hai raat se badh kar hain kaakulen uss ki,
suna hai shaam ko saaye guzar ke dekhte hain.

Suna hai uss ki siyaah chashmagi qayamat hai,
so uss ko surma-farosh aah bhar ke dekhte hain.

Suna hai uss ke labbon se ghulaab jalte hain,
so hum bahaar pe ilzaam dhar ke dekhte hain.

Suna hai aaina timsaal hai jabeen uss ki,
jo saada dil hain usey ban sanwar ke dekhte hain.

Suna hai jab se hamaail hai uski gardan mein,
mizaaj aur hi laal-o gouhar ke dekhte hain.

Suna hai chashm-e tasawwur se dasht-e imkaan mein,
palang zaaviye uss ki kamar ke dekhte hain.

Suna hai uss ke badan ki taraash aisi hai,
ki phool apni qabaayen katar ke dekhte hain.

Woh sarv-qadd hai magar be-gul-e-muraad nahin,
ki uss shajar pe shagoofe samar ke dekhte hain.

Bas ek nigaah se lut,ta hai qaafila dil ka,
so raah-rawan-e-tamanna bhi dar ke dekhte hain.

Suna hai uss ke shabistaan se mutassil hai bahisht,
makeen udhar ke bhi jalwe idhar ke dekhte hain.

Ruke toh gardishein uska tawaaf karti hain,
chale toh uss ko zamaane thehar ke dekhte hain.

Kise naseeb ki be-pairhan usey dekhe,
kabhi kabhi dar-o deewar ghar ke dekhte hain.

Kahaniyan hi sahi sab mubalghe hi sahi,
agar woh khwaab hai tabeer kar ke dekhte hain.

Ab uss ke shehar mein thehrein ki kooch kar jayen,
Faraz aao sitaare safar ke dekhte hain. !!

Yun Chup Rehna Theek Nahin Koi Meethi Baat Karo..

Yun chup rehna theek nahin koi meethi baat karo,
mor, chakore, papeeha, koyal sab ko maat karo.

Saawan toh mann bagiya se bin barse beet gaya,
raas mein doobe naghme ki ab tum barsaat karo.

Hijar ki ek lambi manzil ko jane wala hun,
apni yaadon ke kuchh saaye mere saath karo.

Main kirnon ki kaliyan chun kar sejj bana lunga,
tum mukhde ka chaand jalaao roshan raat karo.

Pyaar buri shayy nahin hai lekin phir bhi ‘Qateel
gali gali taqseem na tum apne jazbaat karo. !!

Main Chaand Hun, Insaan Nahin..

Sad Boy- boy in night- boy and moon

Raat ka aakhri pehar tha,
Mujh se chaand ne keha..
Humnasheen Alwida!
Mujh ko neend aa rahi hai,
Kal mileinge isi jagah ..!

Main sun kar muskura diya,
Usko batla diya..
Jaane wale lout’te nahin,
Tum nahin aaoge.
Mujhe hai yaqeen.. !

Meri baat sun ke woh ruk gaya,
Aur kehne laga..
Tum se wada karun,
Phir poora na karun,..
Aisa mumkin nahin.. !
Sun aye humnasheen!
Main Chaand hun, Insaan nahin …!

Woh Mehfil Mein Nahin Khulta Hai Tanhaai Mein Khulta Hai..

Woh mehfil mein nahin khulta hai tanhaai mein khulta hai,
Samundar kitna gehra hai ye gehraai mein khulta hai.

Jab uss se guftgoo kar li toh phir shajra nahin puchha,
Hunar bakhiyaa-giri ka turpaayi mein khulta hai.

Humare sath rehta hai woh din bhar ajnabi ban kar,
Humesha chaand humse shab ki tanhaai mein khulta hai.

Meri aankhen jahan bhi khulen woh paas hote hain,
Ye darwaaza humesha uski angnaai mein khulta hai.

Meri tauba khadi rehti hai sehmi ladkiyon jaisi,
Bharam taqwe ka uski ek angdaai mein khulta hai.

Faqat zakhmon se takleefein kahan maloom hoti hain,
Puraani kitni chotein hain ye purwaai mein khulta hai. !!