Home / Tag Archives: Barsaat

Tag Archives: Barsaat

Shabnam Ke Aansoo Phool Par, Ye Toh Wahi Qissa Hua..

Bashir Badr Poetry

Shabnam ke aansoo phool par ye toh wahi qissa hua,
aankhen meri bheegi hui chehra tera utra hua.

Ab in dinon meri ghazal khushboo ki ek tasveer hai,
har lafz ghunche ki tarah khil kar tera chehra hua.

Shayad usey bhi le gaye achchhe dinon ke qaafile,
is bagh mein ek phool tha teri tarah hansta hua.

Har cheez hai bazaar mein is haath de us haath le,
izzat gayi, shohrat gayi, rushwa hue, charcha hua.

Mandir gaye, masjid gaye, peeron faqeeron se mile,
ek us ko paane ke liye kya kya kiya, kya kya hua.

Anmol moti pyar ke duniya chura kar le gayi,
dil ki haveli mein koi darwaza tha toota hua.

Barsaat mein deewar-o-dar ki saari tahreeren mitin,
dhoya bahut mita nahin taqdeer ka likha hua. !!

Bashir Badr Poetry Collection

Subscribe us for latest urdu poetry, ghazals, urdu poets, poems, nazms, shairy, shair, shayari.

Ye Bhi Kya Shaam e Mulaqat Aai..

Nasir Kazmi Poetry

Ye bhi kya shaam-e-mulaaqaat aayi,
lab pe mushkil se teri baat aayi.

Subh se chup hain tere hijr-naseeb,
haaye kya hoga agar raat aayi.

Bastiyaan chhod ke barse baadal,
kis qayaamat ki ye barsaat aayi.

Koi jab mil ke hua tha rukhsat,
dil-e betaab wahi raat aayi.

Saaya-e-zulf-e-butaan mein ‘nasir
ek se ek nayi raat aayi. !!

Nasir Kazmi Poetry Collection

Subscribe us for Nasir Kazmi Poems, Urdu poetry, Urdu Poets, Nazms, Ghazals, Shayari, Shairy.