Home / Tag Archives: badnaam

Tag Archives: badnaam

Dil Ki Baat Labon Par Laa Kar Ab Tak Hum Dukh Sahte Hain..

Habib Jalib Poetry

Dil ki baat labon par laa kar ab tak hum dukh sehte hain,
hum ne suna tha iss basti mein dil waale bhi rahte hain.

Beet gaya saawan ka mahina mausam ne nazren badli,
lekin in pyaasi aankhon mein ab tak aansoo bahte hain.

Ek humein aawaara kehna koi bada ilzaam nahin,
duniya waale dil waalon ko aur bahut kuchh kehte hain.

Jis ki khaatir shehar bhi chhoda jis k liye badnaam hue,
aaj wahi hum se begaane begaane se rahte hain.

Woh jo abhi rahguzar se chak-e-gareban guzra tha,
uss aawara deewane ko ‘jalib’ ‘jalib’ kehte hain. !!

– Click Here For Habib Jalib Poetry, Poems  Collection