Home / Tag Archives: anjaan

Tag Archives: anjaan

Woh Meri Qasam Leta Nahin Ilzaam Samajh Kar..

Sad  Urdu Love Poetry

Woh meri kasam leta nahin ilzaam samajh kar,
aur de deta hai apni kasam inaam samaj kar..

Woh jaanta hai mujhe uss se kitni mohabbat hai,
phir bhi guftgoo karta hai anjaan samajh kar..

Maine usey apne dil ki dhadkan mein basaaya hai,
aur woh dil mein rakhta hai mujhe mehmaan samajh kar..

Agar usey hum se mohabbat nahin toh na sahi,
magar kyon ilzaam deta hai gumnaam samajh kar..

Maine apni saari khushiyaan uss ke naam kar di,
aur woh humen pyaar karta hai ehsaan samajh kar. !!

Sad Poetry Collection

Subscribe us for sad urdu shayari, ghazals, poems, shairy. 

Woh Meri Qasam Leta Nahin Ilzaam Samajh Kar..
3 (60%) 1 vote

Kam Kam Kaho Sambhal Ke Kaho Shaan Se Kaho..

Kam kam kaho sambhal ke kaho shaan se kaho,
roodaad-e-shouq zabt ke unwaan se kaho.

Iss mein kuchh apne pyaar ki izzat ka hai sawaal,
aa jaaye raah par dil-e-naadaan se kaho.

Tark-e wafa jahan mein koi jurm toh nahin,
kya tum wafa shuaar ho? imaan se kaho.

Uss dar pe ehl-e-dil ko nahin poochhta koi,
tum ek raees-e-shehar ho! darbaan se kaho.

Kyon le rahe ho hazrat-e-naaseh ka imtehaan,
jo dil ki baat hai kisi insaan se kaho.

Hum ne bana liya hai naya phir se aashiyaan,
jaao ye baat phir kisi toofaan se kaho.

Kis munh se ab ‘qateel pe dharte ho tohmaten,
ye sab hikaayaten kisi anjaan se kaho. !!

Qateel Shifai 

Kam Kam Kaho Sambhal Ke Kaho Shaan Se Kaho..
Please Rate this poetry!

Woh Aksar Mujh Se Kehti Thi..

Woh aksar mujh se kehti thi..
Wafa hai zaat aurat ki !
Magar jo mard hote hain,
Bahut bedard hote hain..
Kisi bhanwre ki soorat,
Gul ki khushbu loot jaate hain,
Suno, tum ko kasam meri..
Riwaayat tod dena tum !
Na tanha chhod ke jana,
Na ye dil tod ke jana..

Magar phir yun hua ek din,
Mujhe anjaan raaste par,
Akela chhod kar uss ne,
Mera dil tod kar uss ne,
Mohabbat chhod di uss ne!
Wafaa hai zaat aurat ki,
Riwaayat tod di uss ne …!

Woh Aksar Mujh Se Kehti Thi..
4 (80%) 1 vote

Jab Se Usne Shehar Ko Chhoda Har Raasta Sunsaan Hua..

Jab se usne shehar ko chhoda har raasta sunsaan hua,
apna kya hai saare shehar ka ek jaisa nuksaan hua.

Ye dil ye aaseb ki nagari maskan sochon wehamon ka,
soch raha hun iss nagari mein tu kab se mehmaan hua.

Sehra ki munh zor hawayein auron se mansub hui,
muft mein hum aawaara thahre muft mein ghar weeraan hua.

Mere haal pe hairat kaisi dard ke tanha shehar mein,
patthar bhi ro padte hain insaan toh phir insaan hua.

Itni der mein ujde dil par kitne mahshar beet gaye,
jitni der mein tujh ko paa kar khone ka imkaan hua.

Kal tak jis ke gird tha raqsaan ek amboh sitaaron ka,
aaj ussi ko tanha paa kar main toh bahut hairaan hua.

Uske zakhm chhupa kar rakhiye khud uss shakhs ki nazaron se,
uss se kaisa shikwa kijiye woh toh abhi nadaan hua.

Jin ashkon ki phiki lau ko hum bekaar samajhte the,
un ashkon se kitna roshan ek taarik makaan hua.

Yun bhi kam-aamez  tha mohsin woh iss shehar ke logon mein,
lekin mere saamne aa kar aur bhi kuchh anjaan hua. !!

*[ aaseb=evil spirit | mahshar=the last day | kam-aamez=less mixed
raqsaan=dancing | amboh=a crowd | taarik=dark ]

 

Jab Se Usne Shehar Ko Chhoda Har Raasta Sunsaan Hua..
4.7 (93.33%) 3 votes

Jab Bhi Ishq Hota Hai Baghawat Ho Hi Jati Hai..

Kisi Patthar Numa Dil Pe Bhi Dastak Ho Hi Jati Hai,
Ki Hasrat Jaag Jane Par Karamaat Ho Hi Jati Hai.

Kisi Anjaan Chehre Se Kisi Pur-Lutf Lamhe Mein,
Jo Karna Na Bhi Chaho Toh Mohabbat Ho Hi Jati Hai.

Kisi Khamosh Chehre Se Musalsal Ashk Behne Par,
Chhupana Bhi Agar Chaho Wazahat Ho Hi Jati Hai.

Kisi Ke Door Jane Par Umeedein Toot Jane Se,
Wafa Mein Rogg Milne Ki Shikayat Ho Hi Jati Hai.

Ye Tum Ne Bhi Suna Hoga Zamana Aise Kehta Hai,
Ki Jab Bhi Ishq Hota Hai Baghawat Ho Hi Jati Hai.. !!

Jab Bhi Ishq Hota Hai Baghawat Ho Hi Jati Hai..
4.5 (90%) 6 votes