Home / Tag Archives: Andhera

Tag Archives: Andhera

Badh Rahi Hai Andheron Ki Saltanat Chaar Soo..

Two (2) Line Urdu Poetry

Badh rahi hai andheron ki saltanat chaar soo,
dekho woh aa rahi hai ujaalon ki fauj haari hui …! 

Two Line Poetry Collection

Main Hun Raat Ka Ek Baja Hai..

Nasir Kazmi Poetry

 Main hun raat ka ek baja hai,
 khaali rasta bol raha hai. 

 Aaj toh yun khaamosh hai duniya,
 jaise kuchh hone waala hai.

 Kaisi andheri raat hai dekho ,
 apne aap se dar lagta hai.

 Aaj toh shehar ki ravish ravish par ,
 patton ka mela sa laga hai.

 Aao ghaas pe sabhaa jamaayen,
 maikhana toh band pada hai.

 Phool toh saare jhadh gaye lekin,
 teri yaad ka zakhm haraa hai.

 Tune jitna pyar kiya tha,
 dukh bhi mujhe utna hi diya hai.

 Ye  bhi hai ek tarah ki mohabbat,
 main tujh se  tu mujh se juda hai.

 Ye teri manzil woh mera rasta,
 tera mera saath hi kya hai.

 Maine toh eroothna, k baat kehi thi,
 kya tu sach-much rooth gaya hai.

 Aisa gaahak kaun hai jis ne,
 sukh de kar dukh mol liya hai.

 Tera rasta takte takte,
 khet gagan ka sookh chala hai.

 Khidki khol ke dekh toh baahar,
 der se koi shakhs khada hai.

 Saari basti so gayi ‘nasir
 tu ab tak kyon jaag raha hai. !!

Nasir Kazmi Poetry Collection

Subscribe us for nasir kazmi shayari, ghazals, urdu poets, nazms, poems, shairy, hindi, english font.

 

Ab Toh Kuchh Aur Bhi Andhera Hai..

Hafeez Jalandhari Poetry

Ab toh kuchh aur bhi andhera hai,
ye meri raat ka sawera hai.

Rahzanon se toh bhaag nikla tha,
ab mujhe rahbaron ne ghera hai.

Aage aage chalo tabar waalo,
abhi jungle bahut ghanera hai.

Qaafila kis ki pairwi mein chale,
kaun sab se bada lootera hai.

Sar pe raahi ke sarbaraahi ne,
kya safaai ka haath phera hai.

Surma-aalood khushk aansuon ne,
noor-e-jaan khaak par bikhera hai.

Raakh raakh ustukhwaan safed safed,
yehi manzil yehi basera hai.

Aey meri jaan apne jee ke siwa,
kaun tera hai kaun mera hai.

So raho ab ‘hafeez’ ji tum bhi,
ye nayi zindagi ka dera hai. !!

Hafeez Jalandhari Poetry Collection

Subscribe us for hafeez jalandhari shayari, poetry, ghazals, poems, urdu poets, nazms, shair. 

Khandani Rishton Mein Raqaabat Bahut Hai..

Bashir Badr Poetry

Khaandaani rishton mein aksar raqaabat hai bahut,
ghar se nikalo toh ye duniya khubsoorat hai bahut.

Apne kaalez mein bahut maghroor jo mash-hoor hai,
dil mera kehta hai uss ladki mein chaahat hai bahut.

Un ke chehre chaand taaron ki tarah roshan hue,
jin ghareebon ke yahan husn-e kifaayat hai bahut.

Hum se ho nahin sakti duniya ki duniyadaariyan,
ishq ki deewar ke saaye mein raahat hai bahut.

Dhoop ki chaadar mere sooraj se kehna bhej de,
ghurbaton ka daur hai jaadon ki shiddat hai bahut.

Un andheron mein jahan sehami hui thi ye zameen,
raat se tanha lada, jugnu mein himmat hai bahut. !!

Bashir Badr Poetry Collection

Subscribe us for Bashir Badr Shayari, Urdu Poetry, Poems, Nazms, Ghazals, Urdu Legend Poets.

Mujhe Tumhari Nigaahon Pe Aitmaad Nahin..

Saghar Siddiqui Poetry

Mujhe tumhari nigaahon pe aitmaad nahin,
mere qareeb na aao bada andhera hai …!

Click Here For Saghar Siddiqui Poetry Collection

Patthar Tha Magar Barf Ke Golon Ki Tarah Tha..

Urdu Sad Poetry

Patthar tha magar barf ke golon ki tarah tha,
ek shakhs andheron mein ujaalon ki tarah tha.

Khwaabon ki tarah tha na khyaalon ki tarah tha,
woh ilm-e riyaazi ke sawaalon ki tarah tha.

Uljha hua aisa ki kabhi hall ho na paaya,
suljha hua aisa ki misaalon ki tarah tha.

Woh mil toh gaya tha magar apna hi muqaddar,
shatranj ki uljhi hui chaalon ki tarah tha.

Woh rooh mein khushboo ki tarah ho gaya tahleel,
jo door bahut chaand ke haalon ki tarah tha. !!

Click Here For  Urdu Poems (Nazms) Collection

Darakht Sookh Gaye Ruk Gaye Nadi Naale..

Habib Jalib Poetry

Darakht sookh gaye ruk gaye nadi naale,
ye kis nagar ko rawaana hue ghar waale.

Kahaaniyan jo sunaate the ahd-e-rafta ki,
nishaan woh gardish-e-ayyaam ne mita daale.

Main shehar shehar phira hun issi tamanna mein,
kisi ko apna kahun koi mujh ko apna le.

Sadaa na de kisi mahtaab ko andheron mein,
laga na de ye zamaana zabaan par taale.

Koi kiran hai yahan toh koi kiran hai wahan,
dil-o-nigaah ne kis darja rog hain paale.

Hamin pe un ki nazar hai hamin pe un ka karam,
ye aur baat yahan aur bhi hain dil waale.

Kuchh aur tujh pe khulengi haqeeqaten ‘jalib
jo ho sake toh kisi ka fareb bhi kha le. !!

– Click Here For Habib Jalib Poetry, Poems  Collection

Woh Chaandni Ka Badan Khushbuon Ka Saaya Hai..

sad-girl-women-on-beach-in-evening-painting-artpic-bashir-badr-poetry-shayari

Woh chaandni ka badan khushbuon ka saaya hai,
bahut azeez humen hai, magar paraaya hai.

Utar bhi aao kabhi aasmaan ke zeene se,
tumhen khuda ne humare liye banaya hai.

Kahaan se aayi ye khushboo, ye ghar ki khusboo hai
iss ajnabi ke andhere mein kaun aaya hai.

Mehak rahi hai zameen chaandni ke phoolon se,
khuda kisi ki mohabbat pe muskuraya hai.

Usey kisi ki mohabbat ka aitbaar nahin,
usey zamaane ne shayad bahut sataaya hai.

Tamaam umar mera dum uss ke dhuen se ghuta,
woh ek chiraagh tha maine usey bujhaya hai. !!

Bashir Badr

Apne Honthon Par Sajana Chahta Hun..

qateel shifai poetry- couple- art picture- couple painting- poetry picture- girl looking in boy's eyes

Apne honthon par sajana chahta hun,
aa tujhe main gungunana chahta hun.

Koi aansoo tere daaman par gira kar,
boond ko moti banana chahta hun.

Thak gaya main karte karte yaad tujh ko,
ab tujhe main yaad aana chahta hun.

Chhaa raha hai sari basti mein andhera,
roshani do ghar jalana chahta hun.

Aakhiri hichki tere jaano pe aaye,
mout bhi shayrana chahta hun. !!

Qateel Shifai

Labon Par Uske Kabhi Baddua Nahin Hoti..

Maa

Labon par uske kabhi bad’dua nahin hoti,
bas ek maa hai jo kabhi khafa nahin hoti.

Iss tarah mere gunaahon ko woh dho deti hai,
maa bahut gusse mein hoti hai toh ro deti hai.

Maine rote hue ponchhe the kisi din aansoo,
muddaton maa ne nahin dhoya dupatta apna.

Abhi zinda hai maa meri mujhe kuchh bhi nahin hoga,
main jab ghar se nikalta hun dua bhi saath chalti hai.

Jab bhi kashti meri sailaab mein aa jaati hai,
maa dua karti hui khwaab mein aa jaati hai. !!

Read All Poems – Munawwar Rana Maa