Home / Tag Archives: Aitbaar

Tag Archives: Aitbaar

Saja Kar Apni Hi Aankh Hazaar Chehron Pe..

Four (4) Lines Urdu Poetry

Saja kar apni hi aankh hazaar chehron pe,
kiya hai maine sadaa aitbaar chehron pe.
Main teri bazm mein kis kis se dushmani leta?
likha tha naam tera be’shumaar chehron pe …!

4 Lines Poetry Collection

– Subscribe our Urdu Poetry Blog for Ghazals, Nazms, Poems, Shairy, Shayari.

Ye Na Thi Humari Qismat Ki Wisaal e Yaar Hota..

Mirza Ghalib Poetry

Ye na thi humari qismat ki wisaal-e-yaar hota,
agar aur jeete rahte yehi intezaar hota.

Tere waade par jeeye hum toh ye jaan jhooth jaana,
ki khushi se mar na jaate agar aitbaar hota.

Teri naazuki se jaana ki bandha tha ahd boda,
kabhi tu naa tod sakta agar ustuwaar hota.

Koi mere dil se poochhe tere teer-e-neem-kash ko,
ye khalish kahan se hoti jo jigar ke paar hota.

Ye kahan ki dosti hai ki bane hain dost naaseh,
koi chaarasaaz hota koi ghumgusaar hota.

Rag-e-sang se tapakta woh lahoo ki phir na thamta,
jise ghum samajh rahe ho ye agar sharaar hota.

Kahun kis se main ki kya hai shab-e-ghum buri bala hai,
mujhe kya bura tha marna agar ek baar hota.

Hue mar ke hum jo ruswa hue kyon na gharq-e-dariya,
na kabhi janaaza uthta na kahin mazaar hota.

Usey kaun dekh sakta ki yagaana hai woh yakta,
jo dui ki boo bhi hoti toh kahin do-chaar hota.

Ye masaail-e-tasawwuf ye tera bayaan ‘ghalib
tujhe hum wali samajhte jo na baada-khwaar hota. !!

–  Click here for Mirza Ghalib Poetry collection

Aa Ki Meri Jaan Ko Qaraar Nahin Hai..

Mirza Ghalib Poetry

Aa ki meri jaan ko qaraar nahin hai,
taaqat-e-bedaad-e-intezaar nahin hai.

Dete hain jannat hayaat-e-dahar ke badle,
nashsha ba-andaaza-e-khummaar nahin hai.

Giriya nikaale hai teri bazm se mujh ko,
haaye ki rone pe ikhtiyaar nahin hai.

Hum se abas hai gumaan-e-ranjish-e-khaatir,
khaak mein ushshaaq ki ghubaar nahin hai.

Dil se utha lutf-e-jalwa-haa-e-maani,
ghair-e-gul aaina-e-bahaar nahin hai.

Qatl ka mere kiya hai ahad toh baare,
waae ! agar ahad ustuwaar nahin hai.

Tune kasam mai-kashi ki khaai hai ‘ghalib’
teri kasam ka kuchh aitbaar nahin hai. !!

– Click here for Mirza Ghalib Poetry collection

Marhala Raat Ka Jab Aayega..

Qateel Shifai Poetry

Marhala raat ka jab aayega,
jism saaye ko taras jaayega.

Chal padi rasm jo kaj-fahmi ki,
baat kya phir koi kar paayega.

Sach se katraaye agar log yahan,
lafz mafhoom se katraayega.

Aitbaar uss ka humesha karna,
woh toh jhoothi bhi kasam khaayega.

Tu na hogi toh phir aye shaam-e-firaaq,
kaun aa kar humen behalaayega.

Hum usey yaad bahut aayenge,
jab usey bhi koi thukraayega.

Kaayenaat uss ki meri zaat mein hai,
mujh ko kho kar woh kise paayega.

Na rahe jab woh bhale din bhi ‘qateel
ye zamaana bhi guzar jaayega. !!

– Click Here For Qateel Shifai Poetry, Poems Collection

Main Chaand Hun, Insaan Nahin..

Sad Boy- boy in night- boy and moon

Raat ka aakhri pehar tha,
Mujh se chaand ne keha..
Humnasheen Alwida!
Mujh ko neend aa rahi hai,
Kal mileinge isi jagah ..!

Main sun kar muskura diya,
Usko batla diya..
Jaane wale lout’te nahin,
Tum nahin aaoge.
Mujhe hai yaqeen.. !

Meri baat sun ke woh ruk gaya,
Aur kehne laga..
Tum se wada karun,
Phir poora na karun,..
Aisa mumkin nahin.. !
Sun aye humnasheen!
Main Chaand hun, Insaan nahin …!

Aankh Se Lahoo Na Bahaaya Kar..

Aankh se lahoo na bahaaya kar,
aye dil usey kabhi toh bhool jaya kar.
Dekhna woh ek din tujhe chhod jaayega,
na tu usey itna sataaya kar.
Itna aitbaar bhi achha nahi hota,
usey har ek baat na bataaya kar.
Shiddat-e ghum se seena phatt jaayega,
aankh se kuchh aansu bahaya kar.
Uss jaisa tujhe kahin mil nahi sakta,
hazaar baar roothe, hazaar baar manaaya kar .!!

 

Jab Usne Wada Kiya, Hum Ne Aitbaar Kiya..

Saboot ye hai mohabbat ki saada lohi ka,

Jab usne wada kiya, hum ne aitbaar kiya …!