Home / Tag Archives: adaa

Tag Archives: adaa

Kuchh Iss Ada Se Usne Poochha Mera Mizaaj..

Two Line Urdu Poetry

Kuchh is adaa se uss ne poochha mera mizaaj,
kehna pada ki shukr hai parwar-digaar ka …! 

Two Line Urdu Poetry

Subscribe us for two line urdu shayari, shair, ghazals, nazms, poems, poets. 

Dil Se Teri Nigaah Jigar Tak Utar Gayi..

Mirza Ghalib Poetry

Dil se teri nigaah jigar tak utar gayi,
donon ko ek adaa mein razamand kar gayi.

Shaq ho gaya hai seena khusha lazzat-e-faraagh,
takleef-e-parda-daari-e-zakhm-e-jigar gayi.

Woh baada-e-shabaana ki sarmastiyaan kahan,
uthiye bas ab ki lazzat-e-khwaab-e-sehar gayi.

Udti phire hai khaak meri ku-e-yaar mein,
baare ab aey hawa hawas-e-baal-o-par gayi.

Dekho toh dil farebi-e-andaaz-e-naqsh-e-paa,
mauj-e-khiraam-e-yaar bhi kya gul katar gayi.

Har bul-hawas ne husn-parasti shi.aar ki,
ab aabroo-e-shewa-e-ahl-e-nazar gayi.

Nazzare ne bhi kaam kiya waan naqaab ka,
masti se har nigaah tere rukh par bikhar gayi.

Farda-o-di ka tafraqa yak baar mit gaya,
kal tum gaye ki hum pe qayaamat guzar gayi.

Maara zamaane ne ‘asadullaah khan’ tumhen,
woh walwale kahan woh jawaani kidhar gayi. !!

– Click here for Mirza Ghalib Poetry collection

Ab Ke Tajdeed-e Wafa Ka Nahi Imkaan Janaan..

Ab ke tajdeed-e-wafa* ka nahi imkaan* janaa,
yaad kya tujh ko dilaayen tera paimaan janaa.

Yun hi mausam ki adaa dekh ke yaad aaya hai,
kis qadar jald badal jaate hain insaan janaa.

Zindagi teri ataa thi so tere naam ki hai,
hum ne jaise bhi basar ki tera ehsaan janaan.

Dil ye kehta hai ki shayad hai fasurda* tu bhi,
dil ki kya baat karein dil toh hai nadaan janaan.

Awwal awwal ki mohabbat ke nashe yaad toh kar,
be-piye bhi tera chehra tha gulishtaan janaan.

Aakhir aakhir toh ye aalam hai ki ab hosh nahi,
ragg-e meena sulag uthi ki ragg-e-jaan janaan.

Muddaton se yahi aalam na tawaqqo na umeed,
dil pukaare hi chala jata hai janaan janaan.

Hum bhi kya sada the hum ne bhi samajh rakha tha,
ghum-e-dauran se juda hai ghum-e-janaan janaan.

Ab ke kuchh aisi saji mehfil-e-yaraan janaan,
sar-ba-zaanu hai koi sar-ba-girebaan janaan.

Har koi apni hi aawaaz se kaanp uthta hai,
har koi apne hi saaye se hiraasaan janaan.

Jis ko dekho wahi zanzeer-ba-paa lagta hai,
shehar ka shehar hua daakhil-e-zindaan janaan.

Ab tera zikar bhi ghazal mein shayad hi aaye,
aur se aur hue dard ke unwaan janaan.

Hum ki roothi hui rutt ko bhi mana lete the,
hum ne dekha hi na tha mausam-e-hijraan janaa.

Hosh aaya toh sabhi khwaab the raiza raiza,
jaise udte hue auraaq-e-pareshaan* janaa. !!

*[ Tajdeed-e-wafa=Renewal Of Faith,
Imkaan=possibility , Fasurda=Disappointed
Auraaq-e-pareshaan=scattered pages ]

 

Mitti Mein Daba De Ki Juda Ho Nahi Sakta..

Mitti mein daba de ki juda ho nahi sakta,
ab iss se jyada main tera ho nahi sakta.

Dehleez pe rakh di hain kisi shakhs ne aankhen,
roshan kabhi itna toh diyya ho nahi sakta.

Bas tu meri aawaaz se aawaaz mila de,
phir dekh iss shehar mein kya ho nahi sakta.

Aye mout mujhe tune musibat se nikala,
sayyaad samjhaata tha riha ho nahi sakta.

Iss khaak-e badan ko pahuncha de wahan bhi,
kya itna karam baad-e saba ho nahi sakta.

Peshaani ko sajde bhi ataa kar mere moula,
aankhon se toh ye qarz adaa ho nahi sakta.

Darbaar mein jana mera dushwar bahut hai,
jo shakhs qalandar ho gadaa ho nahi sakta. !!

 

Kitni Mushkil Se Kati Kal Ki Meri Raat Na Poochh..

Kitni mushkil se kati kal ki meri raat na poochh,
Dil se nikli hui honthon mein dabi baat na poochh.

Woh kis adaa se mere saamne se guzra abhi,
Kis tarha maine sambhale mere jazbaat na poochh.

Waqt jo badle toh insaan badal jaate hain,
kya nahi dikhlaate yeh gardish-e halaat na poochh.

Woh kisi ka ho bhi gaya aur mujhe khabar na hui,
Kis tarha usne chhudaya hai mujh se haath na poochh.

Iss tarhan pal mein mujhe begana kar diya usne,
Kis tarhan apno se khaayi hai maine maat na poochh.

Ab tera pyaar nahi hai toh sanam kuchh bhi nahi,
Kitni mushkil se bani thi dil ki kayenaat na poochh. !