Home / Tag Archives: aag

Tag Archives: aag

Is Waqt Wahan Kaun Dekhne Jaaye..

Two (2) Line Urdu Poetry

Iss waqt wahan kaun dhuaan dekhne jaaye,
akhbaar mein padh lenge kahan aag lagi thi ..!

Two  Line Urdu Poetry Collection

Subscribe us for  2 line urdu shayari, poetry, shair, ghazals, nazms, poems, shairy. 

Har Janam Mein Usi Ki Chahat The..

Bashir Badr Poetry

Har janam mein usi ki chaahat the,
hum kisi aur ki amaanat the.

Uss ki aankhon mein jhilmilaati hui,
hum ghazal ki koi alaamat the.

Teri chaadar mein tan samet liya,
hum kahan ke daraaz qaamat the.

Jaise jungle mein aag lag jaaye,
hum kabhi itne khoobsurat the.

Paas reh kar bhi door door rahe,
hum naye daur ki mohabbat the.

Is khushi mein mujhe khyaal aaya,
ghum ke din kitne khoobsurat the.

Din mein in jugnuon se kya lena,
ye diye raat ki zaroorat the. !!

Bashir Badr Poetry Collection

Subscribe us for bashir badr poems, urdu poetry, shayari, nazms, poetry, shair, ghazals, shairy.

Ho Gayi Hai Peer Parvat Si Pighalni Chahiye..

Dushyant Kumar Poetry

Ho gayi hai peer parvat si pighalni chahiye,
iss himaalay se koi ganga nikalni chahiye.

Aaj ye deewaar pardon ki tarah hilne lagi,
shart lekin thi ki ye buniyaad hilni chahiye.

Har sadak par, har gali mein, har nagar, har gaaon mein,
haath lahraate hue har laash chalni chahiye.

Sirf hungaama khada karna mera maksad nahin,
meri koshish hai ki ye soorat badalni chahiye.

Mere seene mein nahin toh tere seene mein sahi,
ho kahin bhi aag, lekin aag jalni chahiye. !!

Dushyant Kumar Poetry Collection

Subscribe us for Dushyant Kumar , All types Urdu Poetry Poems, Urdu Legend Poets .

 

Bastiyan Dhoondh Rahi Hain Unhen Veeraanon Mein..

Firaq Gorakhpuri Poetry

Bastiyaan dhoondh rahi hain unhen veeraanon mein,
wehshaten badh gayi had se tere deewaanon mein.

Jis jagah baith gaye aag laga kar uthe,
garmiyaan hain kuchh abhi sokhta-saamaanon mein.

Wehshaten bhi nazar aati hain sar-parda-e-naaz,
daamanon mein hai ye aalam na garebaanon mein.

Ek rangeeni zaahir hai gulistaan mein agar,
ek shaadaabi-e-pinhaan hai bayaabaanon mein.

Ye jo har ghuncha-o-gul mein hai ek andaaz-e-junoon,
kuchh bayaabaan nazar aaye hain garebaanon mein.

Ab na woh raat jab ummeeden bhi kuchh thi tujh se,
ab na woh baat ghum-e-hijr ke afsaanon mein.

Tabke waada-e-mauhoomki tafseel ‘firaq
shab-e-furqat kahin kaTti hai in afsaanon mein. !!

– Click Here For Firaq Gorakhpuri Poetry Collection

Siddharth Ki Ek Raat..

Koi patta bhi nahin hiltaa, na pardon mein hai jumbish
phir bhi kaanon mein bahut tez hawaaon ki sadaa hai.

Kitne oonche hain ye mehraab mehal ke
aur mehraabon se ooncha woh sitaaron se bhara thaal falak ka
kitna chhota hai mera qad..
farsh par jaise kisi harf se ek nuqta gira ho
sainkadon samton mein bhatka hua mann thehre zara
dil dhadakta hai toh bas daudti taapon ki sadaa aati hai..

Roshni band bhi kar dene se kya hoga andhera?
sirf aankhen hi nahin dekh sakengi ye chaugarda,
main agar kaanon mein kuchh thoons bhi lun..
roshni chinta ki toh zehn se ab bujh nahin sakti
khud-kushi ek andhera hai, upaaye toh nahin
khidkiyaan saari khuli hain toh hawa kyon nahin aati?
neeche sardi hai bahut aur hua tund hai shayad
door darwaaze ke baahar khade woh santari donon
shaam se aag mein bas sookhi hui tehniyon ko jhonk rahe hain.

Meri aankhon se woh sookha hua dhaancha nahin girta
jism hi jism toh tha, rooh kahan thi uss mein
kodh tha uss ko, tapediq tha? na jaane kya tha?
ya budhaapa hi tha shayad..
pasliyaan sookhe hue kekaron ke shaakhche jaise
rath pe jaate hue dekha tha
chattaanon se udhar..
apni laathi pe gire ped ki maanind khada tha..

Phir yakaa-yak ye hua
saarthi, rok nahin paaya tha, munh-zor samay ki taapen
rath ke pahiye ke tale dekha tadap kar isey thanda hote!
khud-kushi thi? woh samarpan tha? woh durghatna thi?
kya tha?

Sabz shaadaab darakhton ke wajood
apne mausam mein toh bin maange bhi phal dete hain
sookh jaate hain toh sab kaat ke
iss aag mein hi jhonk diye jaate hain.

Jaise darwaaze pe aamaal ke woh donon farishte
shaam se aag mein bas
sookhi hui tahniyon ko jhonk rahe hain. !!

Gulzar

Ab Ke Yun Dil Ko Saza Di Hum Ne..

Sad boy in memories

Ab ke yun dil ko saza di hum ne,
Uss ki har baat bhula di hum ne.

Ek ek phool bahut yaad aaya,
Shakh-e gul jab woh jala di hum ne.

Aaj tak jis pe woh sharmaate hain,
Baat woh kab ki bhula di hum ne.

Shehar-e jahan raakh se aabaad hua,
Aag jab dil ki bujha di hum ne.

Aaj phir yaad bahut aaya woh,
Aaj phir uss ko dua di hum ne.

Koi toh baat hai uss mein ‘Faiz
Har khushi jis pe luta di hum ne. !!

 -> Faiz Ahmed Faiz

Ek Parwaaz Dikhaayi Di Hai..

Sad girl in evning

Ek parwaaz dikhaayi di hai,
Teri aawaaz sunaayi di hai.

Sirf ek safha palat kar usne,
Saari baaton ki safaai di hai.

Phir wahin laut ke jana hoga,
Yaar ne kaisi rihaai di hai.

Jis ki aankhon mein kaati thi sadiyaan,
Uss ne sadiyon ki judaai di hai.

Zindagi par bhi koi zor nahin,
Dil ne har cheez paraayi di hai.

Aag mein kya kya jala hai shab bhar,
Kitni khush-rang dikhaai di hai. !!