Aa Jayen Hum Nazar Jo Koi Dum Bahut Hai Yan..

Meer Taqi Meer Poetry

Aa jaayen hum nazar jo koi dum bahut hai yan,
mohlat humen bisaan-e-sharar kam bahut hai yan.

Yak lehza seena-kobi se fursat humen nahin,
yaani ki dil ke jaane ka maatam bahut hai yan.

Haasil hai kya siwaaye taraai ke dahr mein,
uth aasmaan tale se ki shabnam bahut hai yan.

Maail-baghair hona tujh abroo ka aib hai,
thi zor ye kamaan wale kham-cham bahut hai yan.

Hum rah-rawaan-e-raah-e-fana der reh chuke,
waqfa bisaan-e-subh koi dum bahut hai yan.

Iss but-kade mein maani ka kis se karen sawaal,
aadam nahin hai soorat-e-aadam bahut hai yan.

Aalam mein log milne ki gon ab nahin rahe,
har-chand aisa waisa toh aalam bahut hai yan.

Waisa chaman se saada nikalta nahin koi,
rangeeni ek aur kham-o-cham bahut hai yan.

ejaaz-e-iswi se nahin behas ishq mein,
teri hi baat jaan mujassam bahut hai yan.

Mere halaak karne ka ghum hai abas tumhen,
tum shaad zindagaani karo ghum bahut hai yan.

Dil mat laga rukh-e-araq-aalood yaar se,
aaine ko utha ki zameen nam bahut hai yan.

Shaayad ki kaam subh tak apna khinche na ‘meer
ahwaal aaj shaam se darham bahut hai yan. !!

– Click here for Meer Taqi Meer poetry collection

Aa Jayen Hum Nazar Jo Koi Dum Bahut Hai Yan..
Please Rate this poetry!

Umar Bhar Hum Rahe Sharabi Se..

Meer Taqi Meer Poetry

Umar bhar hum rahe sharaabi se,
dil-e-pur-khoon ki ek gulaabi se.

Jee dhaha jaaye hai sehar se aah,
raat guzregi kis kharaabi se.

Khilna kam kam kali ne sikha hai,
uss ki aankhon ki neem-khwaabi se.

Burqa uthte hi chaand sa nikla,
daagh hun uss ki be-hijaabi se.

Kaam the ishq mein bahut par ‘meer
hum hain faarigh hue shitaabi se. !!

– Click here for Meer Taqi Meer poetry collection

Umar Bhar Hum Rahe Sharabi Se..
Please Rate this poetry!

Zamana Sakht Kam Azaar Hai Ba-jaan e Asad..

Mirza Ghalib Poetry

Zamana sakht kam-azaar hai ba-jaan-e-asad,
wagarna hum toh tawaqqo zyada rakhte hain.

Tan-e-ba-band-e-hawas dar nadaada rakhte hain,
dil-e-z-kaar-e-jahaan uftaada rakhte hain.

Tameez-e-zishti-o-neki mein laakh baaten hain,
ba-aks-e-aaina yak-fard-e-saada rakhte hain.

Ba-rang-e-saaya humen bandagi mein hai tasleem,
ki daagh-e-dil ba-jabeen-e-kushaada rakhte hain.

Ba-zaahidaan rag-e-gardan hai rishta-e-zunnaar,
sar-e-ba-paa-e-buut-e-na-nihaada rakhte hain.

Muaaf-e-be-huda-goi hain naasehaan-e-azeez,
dil-e-ba-dast-e-nigaare nadaada rakhte hain.

Ba-rang-e-sabza azeezaan-e-bad-zabaan yak-dast,
hazaar tegh-e-ba-zahr-aab-daada rakhte hain.

Adab ne saunpi humen surma-saai-e-hairat,
z-ban-e-basta-o-chashm-e-kushaada rakhte hain. !!

Click here for Mirza Ghalib Poetry collection

Zamana Sakht Kam Azaar Hai Ba-jaan e Asad..
Please Rate this poetry!

Ze Bas Ki Mashq e Tamasha Junoon Alaamat Hai..

Mirza Ghalib Poetry

Ze-bas ki mashq-e-tamasha junoon alaamat hai,
kushad-o-bast-e-mizhah sili-e-nadaamat hai.

Na jaanun kyonki mite daagh-e-ta.an-e-bad-ahdi,
tujhe ki aaina bhi warta-e-malaamat hai.

Ba-pech-o-taab-e-hawas silk-e-aafiyat mat tod,
nigaah-e-ajz sar-e-rishta-e-salaamat hai.

Wafa muqaabil-o-daava-e-ishq be-buniyaad,
junoon-e-sakhta-o-fasl-e-gul qayaamat hai. !!

– Click here for Mirza Ghalib Poetry collection

Ze Bas Ki Mashq e Tamasha Junoon Alaamat Hai..
Please Rate this poetry!

Zulmat Kade Mein Mere Shab e Ghum Ka Josh Hai..

Mirza Ghalib Poetry

Zulmat-kade mein mere shab-e-ghum ka josh hai,
ek shama hai daleel-e-sehar su khamosh hai.

Nayy muzhda-e-wisal na nazzara-e-jamaal,
muddat hui ki aashti-e-chashm-o-gosh hai.

Mayy ne kiya hai husn-e-khud-aara ko be-hijaab,
aey shauq yaan ijaazat-e-tasleem-e-hosh hai.

Gauhar ko aqd-e-gardan-e-khubaan mein dekhna,
kya auj par sitaara-e-gauhar farosh hai.

Deedar baada hausla saaqi nigaah mast,
bazm-e-khyaal maikada-e-be-kharosh hai.

Aey taaza waardaan-e-bisaat-e-hawa-e-dil,
zanhaar agar tumhen hawas-e-naae-o-nosh hai.

Dekho mujhe jo deeda-e-ibrat-nigaah ho,
meri suno jo gosh-e-nasihat-neosh hai.

Saaqi ba-jalwa dushman-e-imaan-o-aagahi,
mutrib ba-naghma rahzan tamkeen-o-hosh hai.

Yaa shab ko dekhte the ki har gosha-e-bisaat,
daaman-e-baaghbaan-o-kaf-e-gul-farosh hai.

Luft-e-khiram-e-saaqi-o-zauq-e-sada-e-chang,
ye jannat-e-nigaah woh firdaus-e-gosh hai.

Ya subh-dum jo dekhiye aa kar toh bazm mein,
nayy woh suroor-o-soz na josh-o-kharosh hai.

Daagh-e-firaaq-e-sohbat-e-shab ki jali hui,
ek shama reh gayi hai so woh bhi khamosh hai.

Aate hain ghaib se ye mazaamin khyaal mein,
‘ghalib’ sareer-e-khama nawa-e-sarosh hai. !!

Click here for Mirza Ghalib Poetry collection

Zulmat Kade Mein Mere Shab e Ghum Ka Josh Hai..
Please Rate this poetry!

Zikr Mera Ba Badi Bhi Usey Manzoor Nahin..

Mirza Ghalib Poetry

Zikr mera ba-badi bhi usey manzoor nahin,
ghair ki baat bigad jaaye toh kuchh door nahin.

Wada-e-sair-e-gulistan hai khosha taala-e-shauq,
muzhda-e-qatl muqaddar hai jo mazkoor nahin.

Shaahid-e-hasti-e-mutlaq ki kamar hai aalam,
log kahte hain ki hai par humen manzoor nahin.

Qatra apna bhi haqeeqat mein hai dariya lekin,
hum ko taqleed-e-tunuk-zarfi-e-mansoor nahin.

Hasrat aey zauq-e-kharaabi ki woh taaqat na rahi,
ishq-e-pur-arbada ki gun tan-e-ranjoor nahin.

Main jo kehta hun ki hum lenge qayaamat mein tumhen,
kis ra.uunat se woh kehte hain ki hum hoor nahin.

Zulm kar zulm agar lutf daregh aata ho,
tu taghaful mein kisi rang se maazoor nahin.

Saaf durdi-kash-e-paimana-e-jaam hain hum log,
waae woh baada ki afsharda-e-angoor nahin.

Hun zuhoori ke muqaabil mein khifaai ‘ghalib’
mere daave pe ye hujjat hai ki mash-hoor nahin. !!

– Click here for Mirza Ghalib Poetry collection

Zikr Mera Ba Badi Bhi Usey Manzoor Nahin..
Please Rate this poetry!

Ajab Nashat Se Jallad Ke Chale Hain Hum Aage..

Mirza Ghalib Poetry

Ajab nashaat se jallaad ke chale hain hum aage,
ki apne saaye se sar paanv se hai do qadam aage.

Qaza ne tha mujhe chaha kharaab-e-baada-e-ulfat,
faqat kharaab likha bas na chal saka qalam aage.

Ghum-e-zamana ne jhaadi nashaat-e-ishq ki masti,
wagarna hum bhi uthaate the lazzat-e-alam aage.

Khuda ke waaste daad uss junoon-e-shauq ki dena,
ki uss ke dar pe pahunchte hain nama-bar se hum aage.

Ye umar bhar jo pareshaniyan uthaayi hain hum ne,
tumhaare aaiyo aey turrah-ha-e-kham-ba-kham aage.

Dil-o-jigar mein pur-afshan jo ek mauja-e-khoon hai,
hum apne zom mein samjhe hue the uss ko dum aage.

Qasam janaaze pe aane ki mere khaate hain ‘ghalib
humesha khaate the jo meri jaan ki qasam aage. !!

– Click here for Mirza Ghalib Poetry collection

Ajab Nashat Se Jallad Ke Chale Hain Hum Aage..
Please Rate this poetry!