Sabhi Jazbaat Khayalat Badal Jaate Hain..

Urdu Poetry

Sabhi jazbaat khyaalaat badal jaate hain,
yun mohabbat mein ye din raat badal jaate hain.

Pyaar toh un ko bhi hum se hai magar jaane kyon,
hum karen baat toh woh baat badal jaate hain.

Aarzoo toh hai ki izhaar-e-mohabbat kar dun,
lafz chunta hun toh lamhaat badal jaate hain.

Kitni nafrat thi kabhi pehle mohabbat se humein.
ho mohabbat toh khyaalaat badal jaate hain.

Ek sa waqt mohabbat mein kahan rehta hai,
gardish-e-waqt se haalaat badal jaate hain. !!

____________________________________

Read All Urdu Legend Poet’s Poetry

Mujhe Tumhari Nigaahon Pe Aitmaad Nahin..

Saghar Siddiqui Poetry

Mujhe tumhari nigaahon pe aitmaad nahin,
mere qareeb na aao bada andhera hai …!

Click Here For Saghar Siddiqui Poetry Collection

Pasand Aaya Humen Bahut Pesha..

Jaun Elia Poetry 

Pasand aaya humen bahut  peshaa,
khud hi apne gharon ko dhaane ka …!

Click Here For Jaun Elia Poetry Collection

Woh Ghazal Padhne Mein Lagta Bhi Ghazal Jaisa Tha..

Munawwar Rana Poetry

Woh ghazal padhne mein lagta bhi ghazal jaisa tha,
sirf ghazlen nahin lehja bhi ghazal jaisa tha.

Waqt ne chehre ko bakhshi hai kharaashen warna,
kuchh dinon pehle ye chehra bhi ghazal jaisa tha.

Tum se bichchda toh pasand aa gayi betarteebi,
iss se pehle mera kamra bhi ghazal jaisa tha.

Koi mausam bhi bichchad kar humein achchha na laga,
waise paani ka barasna bhi ghazal jaisa tha.

Neem ka ped tha, barsaat thi aur jhoola tha,
gaaon mein guzra zamana bhi ghazal jaisa tha.

Woh bhi kya din the tere paaon ki aahat sun kar,
dil ka seene mein dhadakna bhi ghazal jaisa tha.

Ek ghazal dekhti rehti thi dareeche se mujhe,
sochta hun woh zamana bhi ghazal jaisa tha.

Kuchh tabiyat bhi ghazal kehne pe amaada thi,
kuchh tera phoot ke rona bhi ghazal jaisa tha.

Mera bachpan tha, mera ghar tha, khilone the mere,
sar par maa-baap ka saaya bhi ghazal jaisa tha.

Narm-o-naazuk sa, bahut shokh sa, sharmeela sa,
kuchh dinon pehle toh ‘rana’ bhi ghazal jaisa tha. !!

Click Here For Munawwar Rana Poetry Collection

Bichhar Ke Phir Milenge Hum Yaqeen Kitna Tha..

Urdu Four (4) Line Poetry

Bichhad ke phir milenge hum, yaqeen kitna tha..
tha toh ek khwaab, haseen kitna tha.

Mere zawaal se pehle woh mujh ko chhod gaya,
haseen toh tha hi, zaheen kitna tha. !!

Click Here For Four (4) Lines Poetry Collection

Zamana Tere Muqaddar Mein Hijr Likh Dega..

Urdu Four (4) Lines Poetry

Zamana tere muqaddar mein hijr likh dega,
kisi se bhool kar bhi zikr-e-wisaal mat karna.

Taaluqaat ki taasheer ho na jaaye kahin,
meri judaaiyon ka itna malaal mat karna. !!

 Click Here For Four (4) Lines Poetry

Patthar Tha Magar Barf Ke Golon Ki Tarah Tha..

Urdu Sad Poetry

Patthar tha magar barf ke golon ki tarah tha,
ek shakhs andheron mein ujaalon ki tarah tha.

Khwaabon ki tarah tha na khyaalon ki tarah tha,
woh ilm-e riyaazi ke sawaalon ki tarah tha.

Uljha hua aisa ki kabhi hall ho na paaya,
suljha hua aisa ki misaalon ki tarah tha.

Woh mil toh gaya tha magar apna hi muqaddar,
shatranj ki uljhi hui chaalon ki tarah tha.

Woh rooh mein khushboo ki tarah ho gaya tahleel,
jo door bahut chaand ke haalon ki tarah tha. !!

Click Here For  Urdu Poems (Nazms) Collection