Usne Har Cheez Badal Di Apni..

Two (2)  Line Poetry

Uss ne har cheez badal di apni,
jism ka ghaao puraana rakha …!!

Two (2) Line Poetry Collection

Subscribe us for two line urdu poetry, shayari, shair.

 

Usne Har Cheez Badal Di Apni..
Please Rate this poetry!

Kahan Toh Tay Tha Chiragan Har Ek Ghar Ke Liye..

Dushyant Kumar Poetry

Kahan to tay tha chiragan har ek ghar ke liye,
kahan chirag mayassar nahin shehar ke liye.

Yahan darakhton ke saaye mein dhoop lagti hai,
chalo yahan se chalen aur umar bhar ke liye.

Na ho kameez toh ghutnon se pet dhak lenge,
ye log kitne munaasib hain iss safar ke liye.

Khuda nahin na sahi, aadmi ka khwaab sahi
koi haseen nazara toh hai nazar ke liye.

Ve mutmaeen hain ki ptthar pighal nahin sakta,
main beqraar hun aawaaz mein asar ke liye.

Tera nizaam hai sil de zabaan-e shayar ko,
ye ehtiyaat zaroori hai iss bahar ke liye.

Jiyen toh apne bagheeche mein gulmohar ke taley,
maren toh ghair ki galiyon mein gulmohar ke liye. !!

Dushyant Kumar Poetry Collection

Subscribe us for Dushyant Kumar Poems. Urdu Poetry, Shayari, Ghazals.

Kahan Toh Tay Tha Chiragan Har Ek Ghar Ke Liye..
Please Rate this poetry!

Ho Gayi Hai Peer Parvat Si Pighalni Chahiye..

Dushyant Kumar Poetry

Ho gayi hai peer parvat si pighalni chahiye,
iss himaalay se koi ganga nikalni chahiye.

Aaj ye deewaar pardon ki tarah hilne lagi,
shart lekin thi ki ye buniyaad hilni chahiye.

Har sadak par, har gali mein, har nagar, har gaaon mein,
haath lahraate hue har laash chalni chahiye.

Sirf hungaama khada karna mera maksad nahin,
meri koshish hai ki ye soorat badalni chahiye.

Mere seene mein nahin toh tere seene mein sahi,
ho kahin bhi aag, lekin aag jalni chahiye. !!

Dushyant Kumar Poetry Collection

Subscribe us for Dushyant Kumar , All types Urdu Poetry Poems, Urdu Legend Poets .

 

Ho Gayi Hai Peer Parvat Si Pighalni Chahiye..
Please Rate this poetry!

Ye Sara Jism Jhuk Kar Bojh Se Duhra Hua Hoga..

Dushyant Kumar Poetry

Ye saara jism jhuk kar bojh se duhra hua hoga,
main sajde mein nahin tha aap ko dhokha hua hoga.

Yahan tak aate aate sookh jaati hain sabhi nadiyaan,
mujhe maloom hai paani kahan thehra hua hoga.

Ghazab ye hai ki apni maut ki aahat nahin sunte,
woh sab ke sab pareshaan hain wahan par kya hua hoga.

Tumhare shehar mein ye shor sun sun kar toh lagta hai,
ki insaanon ke jungle mein koi haanka hua hoga.

Kayi faake bita kar mar gaya jo uss ke baare mein,
wo sab kehte hain ab, aisa nahin, aisa hua hoga.

Yahan toh sirf goonge aur bahre log baste hain,
khuda jaane wahan par kis tarah jalasa hua hoga.

Chalo ab yaadgaaron ke andheri kothri kholen,
kam-az-kam ek woh chehra toh pehchaana hua hoga. !!

Dushyant Kumar Poetry Collection

Subscribe us For Dushyant Kumar Poetry, All types Urdu Poetry.. Urdu legend Poets Poetry.

Ye Sara Jism Jhuk Kar Bojh Se Duhra Hua Hoga..
Please Rate this poetry!

In Tez Hawaon Mein Kahan Jaoge Mohsin..

Mohsin Naqvi Poetry

In tez hawaaon mein kahan jaaoge mohsin ?
raaton ko toh paagal bhi nikalte nahin ghar se …!
Subscribe us for Mohsin Naqvi Two Line Poetry & Ghazals. Urdu Poetry, Shayari, Nazms, Poems.
In Tez Hawaon Mein Kahan Jaoge Mohsin..
Please Rate this poetry!

Agar Hum Kahen Aur Woh Muskura Dein..

Sudarshan Faaqir Poetry

Agar hum kahen aur woh muskura den,
hum un ke liye zindgaani luta den.

Har ek mod par hum ghumon ko sazaa den,
chalo zindagi ko mohabbat bana den.

Agar khud ko bhoole toh kuchh bhi na bhoole,
ki chaahat mein un ki khuda ko bhula den.

Kabhi ghum ki aandhi jinhen chhoo na paaye,
wafaaon ke hum woh nasheman bana den.

Qayaamat ke deewaane kehte hain hum se,
chalo un ke chehre se parda hata den.

Saza den, silaa den, bana den, mitaa den
magar woh koi faislaa toh sunaa den. !!

Sudarshan Faakir Poetry Collection

Subscribe us for Urdu Poetry. Legend Urdu Poets Poetry.

Agar Hum Kahen Aur Woh Muskura Dein..
Please Rate this poetry!

Tere Baghair Adhuri Hai Shayari Meri..

Aankhen Poetry

Tere baghair adhoori hai shayari meri,
teri aankhon se chura kar main sher likhta hun …!

Aankhen Poetry Collection

Two (2) Line Poetry

Poetry Lovers, Subscribe us for all type Urdu Poetry.

 

Tere Baghair Adhuri Hai Shayari Meri..
Please Rate this poetry!