Ek Roz Iss Tarah Bhi Mere Baazuon Mein Aa..

Teri Baahon mein, Srk-katrina romance

 

Ek Roz Iss Tarah Bhi Mere Baazuon Mein Aa,
Mere Aadab Ko Teri Hayaa Ki Khabar Na Ho …!

Aakhir Dil Ki Baatein Kahan Kare Koi..

Shehar Mein Shor Ghar Mein Tanhai,

Aakhir Dil Ki Baatein Kahan Kare Koi …?

Aadatan Tumne Kar Diye Waade..

Sad,bewafa, hasrat,waade

 

Aadatan Tumne Kar Diye Waade,
Aadatan Hum Ne Aitbaar Kiya..

Teri Raahon Mein Baarha Ruk Kar,
Hum Ne Apna Hi Intezaar Kiya..

Ab Na Maangenge Zindagi Ya Rabb,
Ye Gunaah Hum Ne Ek Baar Kiya …!!

 

Ek Shakhs Kar Reha Hai Abhi Tak Wafa Ka Zikar..

Seena Dehak Reha Hai Toh Kya Chup Rahe Koi, 
Kyon Cheekh Cheekh Kar Na Gala Chheel Le Koi..

 
Sabu Hua Sukoon-e Dil-o Jaan Kahin Nahi, 
Rishton Mein Dhoondta Hai Toh Dhundha Kare Koi..

 
Tark-e Talluqat Koi Masla Nahi, 
Ye Toh Woh Raasta Hai Ki Bas Chal Pade Koi..

 
Deewaar Jaanta Tha Jise Main Woh Dhool Thi, 
Ab Mujh Ko Aitamaad Ki Daawat Na De koi..

 
Main Khud Ye Chahta Hun Ki Halaat Hon Kharab, 
Mere Khilaaf Zehar Ugalta Phirey Koi.. 
Aye Shakhs Ab Toh Mujh Ko Sabhi Kuchh Hai Qabool,
Ye Bhi  Qabool Hai Ki  Tujhe Chheen Le Koi.. 
Haan Theek Hai Main Apni Ana Ka Mareez Hun,
Aakhir Mere Mizaaj Mein Kyon Dakhal De Koi.. 
Ek Shakhs Kar Reha Hai Abhi Tak Wafa Ka Zikar, 
Kaash Iss Zubaan-Daraaz Ka Munh Noch Le Koi …!! 

Shaikh Saahab se Rasm-o Raah Na Ki..

Shaikh saahab se rasm-o-raah na ki
shukr hai zindagii tabaah na ki

Tujh ko dekhaa toh ser-e chashm hue
tujh ko chaahaa toh aur chaah na ki

tere dast-e-sitam kaa ajz nahii.n
dil hii kaafir thaa jis ne aah na kii

They shab-e hijr kaam aur bahut
hum ne fikr-e dil-e tabaah na ki

Kaun qaatil bachaa hai shehar mein ‘Faiz
jis se yaaron ne rasm-o raah na ki …!!

-> Faiz Ahmed Faiz

Khud Bhi Roya Bahut Rula Ke Mujh Ko..

Weeping girl hugs, woh bahut roya

 

Tha Bahut Khush Jo Bhula Ke Mujh Ko ,
Aaj Roya Galey Laga Ke Mujh Ko ,
Usne Pehla Sawaal Ye Puchha ..

“Tum Ko Kaisa Laga Ganwa Ke Mujh Ko.” ?

Zindagi Ne Toh Azmaaya Hai,
Dekh Lo Tum Bhi Aazma Ke Mujh Ko,

Usne Raasta Badal Liya Apna,
Pyar Ki Raah Par Chala Ke Mujh Ko,

De Gaya Umar Bhar Ke Aansoo ,
Jo Kabhi Hansta Tha, Hansa Ke Mujh Ko ,

Ajeeb Shakhs Tha Jaate Hue Woh ,
Khud Bhi Roya Bahut Rula Ke Mujh Ko ,

Mujh Ko Patthar Bana Ke Kehta Hai..

“ Jaan Dekho Na Muskura Ke Mujh Ko.” ….!!

Darta Hun Mere Sarr Pe Sitaare Na Aa Giren..

Darta Hun Mere Sarr Pe Sitaare Na Aa Giren,
Chalta Hun Aasmaan Ki Taraf Dekhta Hua …!