Home / Dard Bhari Shayari / Kisne Sang-e Khaamoshi Pheinka Bhare Bazaar Par..

Kisne Sang-e Khaamoshi Pheinka Bhare Bazaar Par..

Kis ne sang-e khaamoshi pheinka bhare bazaar par,
Ek sukoot-e-marg* taari hai darr-o deewaar par.

Tune apne zulf ke saaye mein afsaane kahe,
Mujh ko zanjeeren mili hain jurrat-izhaar par.

Shaakh-e uriyaan par khila ek phool iss andaaz se,
Jis tarah taaza lahoo chamke nayi talwaar par.

Sangdil ahbaab ke daaman mein ruswaai ke phool,
Maine dekha hai naya manzar faraaz-e-daar* par.

Ab koi tohmat bhi wajah-e karb-e ruswaai nahi,
Zindagi ek umar se chup hai tere israar par.

Main sar-e maqtal hadees zindagi kehta raha,
Ungliyan uthti rahi ‘mohsin mere kirdaar par. !!

*[ Sukoot-e-marg=silence of death,
Faraaz-e-daar=elevated ]

Mohsin Naqvi

Kisne Sang-e Khaamoshi Pheinka Bhare Bazaar Par..
4.8 (95%) 4 votes

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Jis Ki Qismat Hi Dar-ba Dar Thehre..

Mohsin Naqvi Poetry Jis ki qismat hi dar-ba dar thahre, woh bujha chaand kis ke …

Leave a Reply

Your email address will not be published.