Home / Chiraagh Shayari / Ki Hai Koi Haseen Khata Har Khata Ke Saath..

Ki Hai Koi Haseen Khata Har Khata Ke Saath..

Ki hai koi haseen khata har khata ke saath,
thoda sa pyaar bhi mujhe de do saza ke saath.

Gar doobna hi apna muqaddar hai toh suno,
doobenge hum zaroor magar na-khuda ke saath.

Lau de uthe hawa ko bhi daaman toh kya ghazab,
yun hi chiraagh uljhate rahe gar hawa ke saath.

Manzil se woh bhi door tha aur hum bhi door the,
hum ne bhi dhool udaayi bahut rahnuma ke saath.

Raqs-e-saba ke jashn mein hum tum bhi naachte,
aye kaash tum bhi aa gaye hote saba ke saath.

Ikkiswin sadi ki taraf hum chale toh hain,
fitne bhi jaag uthe hain aawaz-e-paa ke saath.

Aisa laga ghareebi ki rekha se hun buland,
poochha kisi ne haal kuchh aisi adaa ke saath. !!

Kaifi Azmi

Ki Hai Koi Haseen Khata Har Khata Ke Saath..
5 (100%) 1 vote

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Jis Ki Qismat Hi Dar-ba Dar Thehre..

Mohsin Naqvi Poetry Jis ki qismat hi dar-ba dar thahre, woh bujha chaand kis ke …

Leave a Reply

Your email address will not be published.