Home / Ghazals / Humare Shauq Ki Ye Inteha Thi..

Humare Shauq Ki Ye Inteha Thi..

Humare shauq ki ye inteha thi,
qadam rakha ki manzil rasta thi.

Bichhar ke daar se ban-ban phira woh,
hiran ko apni kastoori saza thi.

Kabhi jo khwaab tha woh pa liya hai,
magar jo kho gayi woh cheez kya thi.

Main bachpan mein khilone todta tha,
mere anjaam ki woh ibtida thi.

Mohabbat mar gayi mujh ko bhi ghum hai,
mere acchhe dinon ki aashna thi.

Jise main chhoo lun woh ho jaaye sona,
tujhe dekha toh jaana bad-dua thi.

Mareez-e-khwaab ko toh ab shifa hai,
magar duniya badi kadvi dawa thi. !!

Javed Akhtar

Humare Shauq Ki Ye Inteha Thi..
5 (100%) 1 vote

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Aaina Dar Aaghosh Hoon Paimaana Ba-kaf Bhi..

Aaina dar aaghosh hoon, paimaana ba-kaf bhi aey dushman-e jaan dekh zara meri taraf bhi. …

Leave a Reply

Your email address will not be published.