Home / Poets / Ahmad Faraz / Hum Toh Khush The Ki Chalo Dil Ka Junoon Kuchh Kam Hai..

Hum Toh Khush The Ki Chalo Dil Ka Junoon Kuchh Kam Hai..

Hum toh khush the ki chalo dil ka junoon kuchh kam hai,
ab jo aaraam bahut hai toh sukoon kuchh kam hai.

Rang-e girya ne dikhayi nahin agli si bahaar,
ab ke lagta hai ki aamezish-e khoon kuchh kam hai.

Ab tera hijr musalsal hai toh ye bhed khula,
ghum-e dil se ghum-e duniya ka fusoon kuchh kam hai.

Uss ne dukh saare zamaane ka mujhe bakhs diya,
phir bhi laalach ka taqaaza hai kahun kuchh kam hai.

Raah-e duniya se nahin dil ki guzargaah se aa,
faasla garche zyada hai pe yun kuchh kam hai.

Tune dekha hi nahin mujh ko bhale waqton mein,
ye kharaabi ki main jis haal mein hun kuchh kam hai.

Aag hi aag mere qarya-e tann mein hai ‘faraz
phir bhi lagta hai abhi soz-e daroon kuchh kam hai. !!

Hum Toh Khush The Ki Chalo Dil Ka Junoon Kuchh Kam Hai..
5 (100%) 3 votes

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Begunaahi Ki Saza Kaat Raha Hoon..

Be’gunaahi ki sazaa kaat raha hoon, bas itna hi kaha tha ki wahan laash padi …

Leave a Reply

Your email address will not be published.