Home / Ghazals / Har Ek Baat Pe Kehte Ho Tum Ki Tu Kya Hai..

Har Ek Baat Pe Kehte Ho Tum Ki Tu Kya Hai..

Mirza Ghalib Poetry

Har ek baat pe kehte ho tum ki tu kya hai,
tumhin kaho ki ye andaaz-e-guftgoo kya hai.

Na shole mein ye karishma na barq mein ye adaa,
koi bataao ki woh shokh-e-tund-khoo kya hai.

Ye rashk hai ki woh hota hai hum-sukhan tum se,
wagarna khauf-e-bad-aamozi-e-adoo kya hai.

Chipak raha hai badan par lahoo se pairaahan,
humari jeb ko ab haajat-e-rafoo kya hai.

Jalaa hai jism jahan dil bhi jal gaya hoga,
kuredate ho jo ab raakh justjoo kya hai.

Ragon mein daudte phirne ke hum nahin qaayal,
jab aankh se hi na tapka toh phir lahoo kya hai.

Woh cheez jis ke liye hum ko ho bahisht azeez,
siwaaye baada-e-gulfaam-e-mushk-boo kya hai.

Piun sharaab agar khum bhi dekh lun do chaar,
ye sheesha-o-qadah-o-kooza-o-suboo kya hai.

Rahi na taaqat-e-guftaar aur agar ho bhi,
toh kis ummeed pe kahiye ki aarzoo kya hai.

Bana hai shaah ka musaahib phire hai itraata,
wagarna shehar mein ‘ghalib’ ki aabroo kya hai. !!

– Click here for Mirza Ghalib Poetry collection

Har Ek Baat Pe Kehte Ho Tum Ki Tu Kya Hai..
5 (100%) 2 votes

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

One comment

  1. Bilal yousaf islam

    The great poet of urdu language whose contribution can not be ignored. The urdu poetry will be of no value without Mirza Ghalib and allama iqbal a great poet and philospher of east….. who awkened the Muslim youth through his great poetry….. may Allah shower His blessing on Allama iqbal…….

Leave a Reply

Your email address will not be published.

Comment moderation is enabled. Your comment may take some time to appear.