Home / Ghazals / Haath Khaali Hain Tere Shehar Se Jaate Jaate..

Haath Khaali Hain Tere Shehar Se Jaate Jaate..

Haath khaali hain tere shehar se jaate jaate,
jaan hoti toh meri jaan lutaate jaate.

Ab toh har haath ka patthar humen pehchaanta hai,
umar guzri hai tere shehar mein aate jaate.

Ab ke mayoos hua yaaron ko rukhsat kar ke,
jaa rahe the toh koi zakhm lagaate jaate.

Rengne ki bhi ijaazat nahin hum ko warna,
hum jidhar jaate naye phool khilaate jaate.

Main toh jalte hue sehraaon ka ek patthar tha,
tum toh dariya the meri pyaas bujhaate jaate.

Mujh ko rone ka saleeqa bhi nahin hai shayad,
log hanste hain mujhe dekh ke aate jaate.

Hum se pehle bhi musaafir kayi guzre honge,
kam se kam raah ke patthar toh hataate jaate. !!

Rahat Indori

Haath Khaali Hain Tere Shehar Se Jaate Jaate..
3.8 (76.67%) 6 votes

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Bakhshe Phir Us Nigaah Ne Armaan Naye Naye..

Bakhshe phir us nigaah ne armaan naye naye mahsoos ho rahe hain dil-o jaan naye …

Leave a Reply

Your email address will not be published.