Home / Ghazals / Dil Tha Ki Khush Khyaal Tujhe Dekh Kar Hua..

Dil Tha Ki Khush Khyaal Tujhe Dekh Kar Hua..

Dil tha ki khush khyaal tujhe dekh kar hua,
ye shehar be-misaal tujhe dekh kar hua.

Apne khilaaf shehar ke andhe huzoom mein,
dil ko bahut malaal tujhe dekh kar hua.

Tool-e shab-e firaaq teri khair ho ki dil,
amaada-e visaal tujhe dekh kar hua.

Ye hum hu jaante hain judaai ke mod par,
iss dil ka jo bhi haal tujhe dekh kar hua.

Aayi na thi kabhi mere lafzon mein roshani,
aur mujh se ye kamaal tujhe dekh kar hua.

Bichhde toh jaise zehan muattal sa ho gaya,
shehar-e sukhan bahaal tujhe dekh kar hua.

Phir log aa gaye mera maazi kuredne,
phir mujh se ek sawaal tujhe dekh kar hua. !!

Noshi Gilani

Dil Tha Ki Khush Khyaal Tujhe Dekh Kar Hua..
5 (100%) 1 vote

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Begunaahi Ki Saza Kaat Raha Hoon..

Be’gunaahi ki sazaa kaat raha hoon, bas itna hi kaha tha ki wahan laash padi …

Leave a Reply

Your email address will not be published.