Home / Poets / Firaq Gorakhpuri / Deedaar Mein Ek Tarfa Deedaar Nazar Aaya..

Deedaar Mein Ek Tarfa Deedaar Nazar Aaya..

Firaq Gorakhpuri Poetry

Deedaar mein ek tarfa deedaar nazar aaya,
har baar chhupa koi har baar nazar aaya.

Subh-e-shab-e-hijraan ki woh chaak-girebaani,
ek aalam-e-nairangi har taar nazar aaya.

Jab chashm-e-siyah teri thi chhaai hui dil par,
uss mulk ka har khitta taataar nazar aaya.

Ghash kha ke gire moosa allaah re maayoosi,
halka sa woh parda bhi deewaar nazar aaya.

Zarra ho ki qatra ho khum-khaana-e-hasti mein,
makhmoor nazar aaya sarshaar nazar aaya.

Kya kuchh na hua ghum se kya kuchh na kiya ghum ne,
aur yun toh hua jo kuchh bekaar nazar aaya.

Aye ishq kasam tujh ko maamoora-e-aalam ki,
koi ghum-e-furqat mein ghum-khwaar nazar aaya.

Shab kat gayi furqat ki dekha na ‘firaq aakhir,
tool-e-ghum-e-hijraan bhi bekaar nazar aaya. !!

–  Click Here For Firaq Gorakhpuri Poetry Collection

Deedaar Mein Ek Tarfa Deedaar Nazar Aaya..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Bakhshe Phir Us Nigaah Ne Armaan Naye Naye..

Bakhshe phir us nigaah ne armaan naye naye mahsoos ho rahe hain dil-o jaan naye …

Leave a Reply

Your email address will not be published.