Home / Zindagi Shayari

Zindagi Shayari

Begunaahi Ki Saza Kaat Raha Hoon..

Be’gunaahi ki sazaa kaat raha hoon,
bas itna hi kaha tha ki wahan laash padi hai …!

Charwaha Bhedon Ko Le Kar Ghar Ghar Aaya Raat Hui..

Bashir Badr Poetry

Charwaha bhedon ko le kar ghar ghar aaya raat hui,
tu panchhi dil tera pinjra, pinjre mein ja raat hui.

Koi humen haathon pe utha kar bistar mein rakh deta hai,
duniya waale ye kahte hain sooraj dooba raat hui.

Shehar, makaan, dukaanon waale sab parde kirnon ne lapete,
khatm hua sab khel tamasha ja ab ghar ja raat hui.

Soorkh sunehra saafa bandhe shahzada ghode se utra,
kaale ghar se kambal odhe jogi nikla raat hui.

Shaam ke saaye zindaan ki deewaren oonchi karne lage,
phool sa dil lohe ke panje mein phir aaya raat hui.

Kis ki khatir dhoop ke gajre in shaakhon ne pahne the,
jungle jungle roye meera koi na aaya raat hui. !!

Bashir Badr Poetry Collection

Subscribe us for shayari, urdu poets, ghazals, nazms, poetry, shairy.

Shabnam Ke Aansoo Phool Par, Ye Toh Wahi Qissa Hua..

Bashir Badr Poetry

Shabnam ke aansoo phool par ye toh wahi qissa hua,
aankhen meri bheegi hui chehra tera utra hua.

Ab in dinon meri ghazal khushboo ki ek tasveer hai,
har lafz ghunche ki tarah khil kar tera chehra hua.

Shayad usey bhi le gaye achchhe dinon ke qaafile,
is bagh mein ek phool tha teri tarah hansta hua.

Har cheez hai bazaar mein is haath de us haath le,
izzat gayi, shohrat gayi, rushwa hue, charcha hua.

Mandir gaye, masjid gaye, peeron faqeeron se mile,
ek us ko paane ke liye kya kya kiya, kya kya hua.

Anmol moti pyar ke duniya chura kar le gayi,
dil ki haveli mein koi darwaza tha toota hua.

Barsaat mein deewar-o-dar ki saari tahreeren mitin,
dhoya bahut mita nahin taqdeer ka likha hua. !!

Bashir Badr Poetry Collection

Subscribe us for latest urdu poetry, ghazals, urdu poets, poems, nazms, shairy, shair, shayari.

Hum Log Hain Slate Par Likhe Hue..

Two Line Zindagi Poetry

Hum log hain slate par likhe hue,
agle sawaal ke liye mitna hoga …!

Two Line Poetry Collection Zindagi Poetry Collection

Subscribe us for latest poems, shayari, shair, ghazals, nazms, urdu poets. 

Jo Aql Ke Maare The Apne Bhi Na Kaam Aaye..

Urdu Two Line Zindagi Poetry

Jo aql ke maare the apne bhi na kaam aaye,
deewaanon ne duniya ki taqdeer badal daali …!

Two Line Poetry Collection Zindagi Shayari Collection

Subscribe us for latest hindi, urdu shayari, ghazals, poems, nazms, shair. 

Apne Hone Par Mujh Ko Yaqeen Aa Gaya – Javed Akhtar

Zindagi Na Milegi Dobara [ZNMD]  Poem

Pighle neelam sa behta hua ye shamaan,
Neeli neeli si khaamoshiyaan,
Na kahin hai zameen, na kahin aasmaan !
Sarsaraati hui tehniyaan.. pattiyaan,
Keh rahi hain ki bas ek tum ho yahan.. sirf main hun !
Meri saansen hain.. aur meri dhadkanen !
Aisi gehraaiyaan.. Aisi tanhaaiyaan,
Aur main.. Sirf main !

Apne hone par mujh ko yaqeen aa gaya. !!

Javed Akhtar Poems Collection

Subscribe us for latest Javed Akhtar Shayari, ghazals, nazms, urdu poets, poems, poetry. 

Mujhe Aey Dost Ja Kar Shehar Mein Apna Pata Likhna..

Urdu – Hindi Poetry

 Mujhe aey dost! jaa kar shehar mein apna pataa likhna..
 ye tum ne gaaon kyon chhoda ?.. hui thi kya khata likhna .

 Ye panghat, khet aur khalihaan, nehren, gaaon ka mandir..
 jo tum ko yaad aa jaayen toh apni kathaa likhna .

 Wahan oonchi imaarat, kaarkhaane, roshni, dhuaan..
 laga kar jod-baaqi, kul kitna hua nafaa likhna. !!

Subscribe us for hindi – urdu shayari, ghazals, poems, nazms, poets, shair. 

 

Woh Banjar Khet Ke Hissey Ka Paani Bech Deta Hai..

Urdu Poetry Ghazal

 Woh banjar khet ke hissey ka paani bech deta hai,
 kabhi dariya kabhi uss ki rawaani bech deta hai.

 Kisi bhi mantiqi* anjaam tak jaane nahin deta,
 kisi kirdaar se mil kar kahaani bech deta hai.

 Kisi taaza mohabbat ki kharidaari ki khaatir woh,
 kisi pichhli mohabbat ki nishaani bech deta hai.

 Koi tehreer bhi paaband kar sakti nahin uss ko,
 woh dastaawez ko bhi munh-zubaani bech deta hai.

 Usey tabdeel hone mein zara sa waqt lagta hai,
 nayi poshaak milte hi puraani bech deta hai. !!
 

*[Mantiqi=Logical

Urdu Ghazal Collection

Subscribe us for urdu shayari, ghazals, nazms, poems, shair-o-shayari. 

 

Kahan Kisi Ki Himayat Mein Mara Jaunga..

Urdu Poetry

 Kahan kisi ki himaayat mein maara jaaunga,
 main kam shanas murrwwat mein maara jaaunga.

 Main maara jaaunga pehle kisi fasaane mein,
 phir uss ke baad haqeeqat mein maara jaaunga.

 Main bargalaaya hua lad raha hun apne khilaaf,
 main apne shauq-e shahaadat mein maara jaaunga.

 Mujhe bataaya hua hai meri chhathi hiss ne,
 main apne ehd-e qilaafat mein maara jaaunga.

 Mera ye khoon mere dushmanon ke sar ho gaya,
 main apne doston ki hiraasat mein maara jaaunga.

 Yahan kamaan uthaana meri zaroorat hai,
 wagarna main bhi sharaafat mein maara jaaunga.

 Faraagh mere liye maut ki alaamat hai,
 main  apni pehli faraaghat mein maara jaaunga.

 Main chup raha ton mujhe maar dega mera zameer,
 gawaahi di toh adaalat mein maara jaaunga.

 Bas ek sulah ki soorat mein jaan bakhshi hai,
 kisi bhi doosri soorat mein maara jaaunga.

 Nahin marunga kisi jung mein ye soch liya hai,
 main ab ki baar mohabbat mein maara jaaunga. !!

Urdu Ghazals Collection

Subscribe us for urdu shayari, urdu poets, ghazals, nazms, poems, shair, shairy.  

Is Waqt Wahan Kaun Dekhne Jaaye..

Two (2) Line Urdu Poetry

Iss waqt wahan kaun dhuaan dekhne jaaye,
akhbaar mein padh lenge kahan aag lagi thi ..!

Two  Line Urdu Poetry Collection

Subscribe us for  2 line urdu shayari, poetry, shair, ghazals, nazms, poems, shairy.