Home / Yaad Shayari

Yaad Shayari

find here all type heart touching yaad related shayari, for facebook status update and tweets.

Milan Ki Saat Ko Is Tarah Se Amar Kiya Hai

Milan Ki Saat Ko Is Tarah Se Amar Kiya Hai – Aanis Moeen Ghazal

Milan ki saat ko is tarah se amar kiya hai
tumhari yaadon ke saath tanha safar kiya hai .!

Suna hai us rut ko dekh kar tum bhi ro pade the
suna hai baarish ne pattharon par asar kiya hai .!

Saleeb ka baar bhi uthao tamaam jeewan
ye lab-kushaai ka jurm tum ne agar kiya hai .!

Tumhein khabar thi haqeeqaten talkh hain jabhi toh
tumhari aankhon ne khwaab ko mo’atabar kiya hai .!

Ghutan badhi hai toh phir usi ko sadaayen di hain
ki jis hawa ne har ek shajar be-samar kiya hai .!

Hai tere andar basi hui ek aur duniya
magar kabhi tune itna lamba safar kiya hai .!

Mere hi dum se toh raunaqen tere shehar mein thin
mere hi qadmon ne dasht ko rah-guzar kiya hai .!

Tujhe khabar kya mere labon ki khamoshiyon ne
tere fasaane ko kis qadar mukhtasar kiya hai .!

Bahut si aankhon mein teergi ghar bana chuki hai
bahut si aankhon ne intezaar-e-sahar kiya hai .!!

Aanis Moeen

Agar Kabhi Meri Yaad Aaye..

Agar Kabhi Meri Yaad Aaye..

Agar kabhi meri yaad aaye,
Toh chaand raaton ki naram dilgeer roshni mein,
Kisi sitaare ko dekh lena,
Agar woh nakhl-e-falak se udd kar tumhare qadmon mein aa gire toh,
Ye jaan lena woh istaara tha mere dil ka,
Agar na aaye..
Magar ye mumkin hi kis tarah hai ki tum kisi par nigaah daalo,
Toh uski deewar-e-jaan na toote,
Woh apni hasti na bhool jaaye,
Agar kabhi meri yaad aaye,
Gurez karti hawaa ki lehron pe haath rakhna,
Main khushbuon mein tumhen miluga,
Mujhe gulaabon ki patiyon mein talaash karna,
Main oss qatron ke aainon mein tumhen milunga,
Agar sitaaron mein, oss qatron mein, khushbuon mein na paao mujh ko,
Toh apne qadmon mein dekh lena,
Main gard karti masaafton mein tumhen milunga,
Kahin pe roshan chiraagh dekho toh jaan lena,
Ki har patange ke saath main bhi bikhar chuka hoon,
Tum apne haathon se un patangon ki khaak dariya mein daal dena,
Main khaak ban kar samandaron mein safar karunga,
Kisi na dekhe hue jazeere pe ruk ke tum ko sadaayen dunga,
Samandaron ke safar pe niklo toh us jazeere pe bhi utarna,
Agar kabhi meri yaad aaye…

  • Amjad Islam Amjad

अगर कभी मेरी याद आये..

अगर कभी मेरी याद आये
तो चाँद रातों की नर्म दिलगीर रौशनी में
किसी सितारे को देख लेना
अगर वो नख्ल-ए फलक से उड़ कर तुम्हारे क़दमों में आ गिरे तो
ये जान लेना वो इस्तारा था मेरे दिल का
अगर ना आये..
मगर ये मुमकिन ही किस तरह है कि तुम किसी पर निगाह डालो
तो उसकी निग़ाह-ए जान ना टूटे
वो अपनी हस्ती ना भूल जाए
अगर कभी मेरी याद आये..
गुरेज़ करती हवा की लहरों पे हाथ रखना
मैं खुशबुओं में तुम्हें मिलूंगा
मुझे गुलाबों की पत्तियों में तलाश करना
मैं ओस क़तरों के आइनों में तुम्हें मिलूंगा
अगर सितारों में, ओस क़तरों में, खुशबुओं में ना पाओ मुझको
तो अपने क़दमों में देख लेना
मैं गर्द करती मसाफ़तों में तुम्हें मिलूंगा
कहीं पे रौशन चिराग़ देखो तो जान लेना
कि हर पतंगे के साथ मैं भी बिखर चुका हूं
तुम अपने हाथों से उन पतंगों कि खाक दरिया में डाल देना
मैं खाक बन कर समन्दरों में सफर करूंगा
किसी ना देखे हुए जज़ीरे पे रुक के तुम को सदायें दूंगा
समन्दरों के सफर पे निकलो तो उस जज़ीरे पे भी उतरना
अगर कभी मेरी याद आये…

– अमजद इस्लाम अमजद

Woh Jo Guzare The Tere Saath Kabhi..

Woh jo guzre the tere saath kabhi,
Wohi lamhen meri hayaat bane …!

Jisne Jo Bhi Ise Khyaal Kiya | Best Urdu Ghazal | Shairy

 Jis ne jo bhi isey khyaal kiya,
 maine toh Ishq behrhaal kiya.
 Aaj sab ka mizaaz zar-e qalaam,
 kal bhi aahon ne inteqaal kiya.
 Baat karte toh baat ban jaati,
 khamoshi khamoshi kamaal kiya.
 Shor barpa hua aandhi aandhi,
 jab hunar ka chiraagh laal kiya.
 Mauj uthi deeda-e tar mein,
 jab maazi ko maine haal kiya.
Waqt qurbat mein ruk raha na tha,
ab ke maah-o saal kiya. !!

Ho Jaayegi Jab Tum Se Shanasai Zara Aur..

Aanis Moeen 

Ho jaayegi jab tum se shanasaai zara aur,
badh jaayegi shayad meri tanhaai zara aur.

Kyon khul gaye logon pe meri zaat ke asraar,
aey kaash ki hoti meri gehraai zara aur.

Phir haath pe zakhmon ke nishaan gin na sakoge,
ye uljhi hui dor jo suljhaai zara aur.

Tardeed toh kar sakta tha phailegi magar baat,
iss taur bhi hogi teri ruswaai zara aur.

Kyon tark-e-taalluq bhi kiya laut bhi aaya?
achchha tha ki hota jo woh harjaai zara aur.

Hai deep teri yaad ka raushan abhi dil mein,
ye khauf hai lekin jo hawa aayi zara aur.

Ladna wahin dushman se jahan gher sako tum,
jeetoge tabhi hogi jo paspaai zara aur.

Badh jaayenge kuchh aur lahoo bechne waale,
ho jaaye agar shehar mein mehngaai zara aur.

Ek doobti dhadkan ki sadaa log na sun lein,
kuchh der ko bajne do ye shehnaai zara aur. !!

Aanis Moeen Poetry Collection

Yaadon Ki Shaal Odh Ke Aawaaragardiyaan..

December Poetry

Yaadon ki shaal odh ke aawara-gardiyaan,
kaati hain hum ne yun bhi december ki sardiyaan …!

December Poetry Collection

Two (2) Line Poetry Collection

Yaad Poetry Collection

Subscribe us for december two line yaad shayari, ghazals, nazms, poem, shair, urdu poets. 

Dil Ne Hazaar Baar Usey Saaf Kar Diya..

Two Line Sad Poetry

Dil ne hazaar baar usey saaf kar diya,
Lekin tumhari yaad ke jaale nahin gaye …!

Two (2) Line Poetry Collection

Sad Poetry Collection

Subscribe us for two line sad shayari, ghazals, nazms, poems, shair, urdu poets. 

Jahan Ped Par Chaar Daane Lage – Bashir Badr Ghazal

Bashir Badr Poetry

Jahan ped par chaar daane lage,
hazaaron taraf se nishaane lage.

Hui shaam yaadon ke ek gaaon mein,
parinde udaasi ke aane lage.

Ghadi do ghadi mujh ko palkon pe rakh,
yahan aate aate zamaane lage.

Kabhi bastiyaan dil ki yun bhi basi,
dukaanen khuli kaarakhaane lage.

Wahin zard patton ka kaalin hai,
gulon ke jahan shaamiyane lage.

Padhaai likhaai ka mausam kahan,
kitaabon mein khat aane jaane lage. !!

Bashir Badr Poetry Collection

Subscribe Us For More Bashir Badr Poetry,  Urdu Poetry , Ghazals, Nazms, Shayari & Poems

Thodi Der Ko Jee Behla Tha..

Nasir Kazmi Poetry

Thodi der ko jee behla tha,
phir teri yaad ne gher liya tha.

Yaad aayi woh pehli baarish,
jab tujhe ek nazar dekha tha.

Hare gilaas mein chaand ke tukde,
laal suraahi mein sona tha.

Chaand ke dil mein jalta sooraj,
phool ke seene mein kaanta tha.

Kaghaz ke dil mein chingaari,
khas ki zabaan par angaara tha.

Dil ki soorat ka ek patta,
teri hatheli par rakha tha.

Shaam toh jaise khwaab mein guzri,
aadhi raat nasha toota tha.

Shehar se door hare jangal mein,
barish ne humein gher liya tha.

Subh hui toh sab se pehle,
maine tera munh dekha tha.

Der ke baad mere aangan mein,
surkh anaar ka phool khila tha.

Der ke murjhaaye pedon ko,
khushbu ne aabaad kiya tha.

Shaam ki gehri unchaai se,
hum ne dariya ko dekha tha.

Yaad aayi kuchh aisi baaten,
main jinhen kab ka bhool chuka tha. !!

– Click here for  Nasir Kazmi Poetry collection

Mil Kar Juda Hue Toh Na Soya Karenge Hum..

Qateel Shifai Poetry

Mil kar juda hue toh na soya karenge hum,
ek doosre ki yaad mein roya karenge hum.

Aansoo chalak chalak ke sataayenge raat bhar,
moti palak palak mein piroyaa karenge hum.

Jab dooriyon ki aag dilon ko jalaayegi
jismon ko chaandni mein bhigoya karenge hum.

Been kar har ek bazm ka mauzu-e-guftugoo,
sheron mein tere ghum ko samoya karenge hum.

Mazbooriyon ke zehar se kar lenge khudkushi,
ye buzdili ka jurm bhi goya karenge hum.

Dil jal raha hai zard shajar dekh dekh kar,
ab chaahton ke beej na boya karenge hum.

Gar de gaya daghaa humen toofaan bhi ‘qateel
saahil pe kashtiyon ko duboya karenge hum. !!

– Click Here For Qateel Shifai Poetry, Poems Collection