Home / Shaam Shayari (page 4)

Shaam Shayari

Mere Saath Tum Bhi Dua Karo Yun Kisi Ke Haq Mein Bura Na Ho..

Mere saath tum bhi dua karo yun kisi ke haq mein bura na ho,
kahin aur ho na ye haadsa koi raaste mein juda na ho.

Mere ghar se raat ki sej tak woh ek aansoo ki laqeer hai,
zara badh ke chaand se poochhana woh iss taraf se gaya na ho.

Sar-e shaam thehri hui zameen, aasmaan hai jhuka hua
isi mod par mere waaste woh charaagh le kar khada na ho.

Woh farishte aap hi dhoondhiye kahaaniyon ki kitaab mein,
jo bura kahe na bura sune , koi shakhs un se khafa na ho.

Woh wisaal ho ke firaaq ho teri aag mahkegi ek din,
woh gulaab ban ke khilega kya jo charaagh ban ke jala na ho.

Mujhe yun laga ki khamosh khushboo ke honth titli ne chhoo liye,
inhi zard patton ki aout mein koi phool soya hua na ho.

Isi ehtiyaat mein main raha, isi ehtiyaat mein woh raha
woh kahan kahan mere saath hai kisi aur ko ye pata na ho. !!

Bashir Badr

Abhi Iss Taraf Na Nigaah Kar Main Ghazal Ki Palken Sanwaar Lun..

couple_painting_artpic_bashir_badr_ghazal_shayari_poetry

Abhi iss taraf na nigaah kar main ghazal ki palken sanwaar lun,
mera lafz lafz ho aaina, tujhe aine mein utaar lun.

Main tamaam din ka thaka hua, tu tamaam shab ka jaaga hua
zara thehar ja isi mod par tere saath shaam guzaar lun.

Agar aasman ki numaaishon mein mujhe bhi izn-e qayaam ho,
toh main motiyon ki dukaan se teri baaliyan, tere haar lun.

Kahin aur baant de shohraten, kahin aur bakhsh de izzaten
mere paas hai mera aaina, main kabhi na gard-o ghubaar lun.

Kayi ajnabi teri raah mein mere paas se yun guzar gaye,
jinhe dekh kar ye tadap hui, tera naam le ke pukaar lun. !!

Bashir Badr

Sar Se Chaadar Badan Se Qabaa Le Gayi..

Sar se chaadar badan se qabaa le gayi,
zindagi hum faqeeron se kya kya le gayi.

Meri mutthi mein sookhe hue phool hain,
khusbuon ko udaa kar hawaa le gayi.

Main samundar ke seene mein chattaan tha,
raat ek mauj aayi baha le gayi.

Hum jo kaaghaz the ashqon se bheege hue,
kyon chiraaghon ki lau tak hawaa le gayi.

Chaand ne raat mujh ko jaga kar keha,
ek ladki tumhara pata le gayi.

Meri shoharat siyaasat se mahfoos hai,
ye tawaayaf bhi ismat bacha le gayi. !!

Bashir Badr

Aas Hogi Na Aasara Hoga..

Aas hogi na aasara hoga,
aane waale dinon mein kya hoga.

Main tujhe bhool jaaunga ek din,
waqt sab kuchh badal chuka hoga.

Naam hum ne likha tha aankhon mein,
aansuon ne mita diya hoga.

Aasmaan bhar gaya parindon se,
pedd koi haraa gira hoga.

Kitna dushwaar tha safar uss ka,
woh sar-e shaam so gaya hoga. !!

Bashir Badr

Kise Khabar Thi Tujhe Iss Tarah Sajaaunga..

Kise khabar thi tujhe iss tarah sajaaunga,
zamaana dekhega aur main na dekh paaunga.

Hayaat-o maut firaaq-o wisaal sab yakjaan,
main ek raat mein kitne diye jalaaunga.

Pala – badha hun abhi tak inhi andheron mein,
main tez dhoop se kaise nazar milaaunga.

Mere mizaaj ki ye maadrana fitrat hai,
sawere saari azeeyat main bhool jaaunga.

Tum ek pedd se wabasta ho magar main toh,
hawaa ke saath bahut door door jaaunga.

Mera ye ehad hai main aaj shaam hone tak,
jahan se rizq likha hai wahin se laaunga. !!

Bashir Badr

Kabhi Toh Aasmaan Se Chaand Utare Jaam Ho Jaye..

Sad_boy_man_in_evening_in_thoughts_memories_shayari_poetry

Kabhi toh aasmaan se chaand utare jaam ho jaye,
tumhare naam ki ek khoobsurat shaam ho jaye.

Humara dil sawere ka sunehra jaam ho jaye,
charaaghon ki tarah aankhen jalen jab shaam ho jaye.

Ajab halaat the yun dil ka sauda ho gaya aakhir,
mohabbat ki haweli jis tarah neelaam ho jaye.

Samandar ke safar mein iss tarah aawaaz do hum ko,
hawaayen tez hon aur kashtiyon mein shaam ho jaye.

Main khud bhi ehtiyaatan uss gali se kam guzarta hun,
koi masoom kyon mere liye badnaam ho jaye.

Mujhe maloom hai uss ka thikaana phir kahan hoga,
parinda aasmaan chhoone mein jab nakaam ho jaye.

Ujaale apni yaadon ke humare saath rahne do,
na jaane kis gali mein zindagi ki shaam ho jaye. !!

Bashir Badr

Mehsoos Hota Hai Sare Ehad Nibhane Laut Aaoge..

 

 December Poetry

Surmayi shaamon mein bikhri..
maljagge dhundhlakon mein lipti..
tumhari kayi yaadein,
december ke saath phir laut aai hain..
ye sard mausam !
tumhare waadon aur iraadon ki tarha,
labon par ek jamad chup laye,
khushk patton ki tarha,
meri dehleez par bikhar gaya hai..
aur jaane kyon ?
iski sarsarahat se,
jab bhi ek manoos si aahat ubhar rahi hai,
ye mehsoos hota hai..
tum saare waade eefa karne,
saare bhoole ehad nibhane,
phir laut aaoge …!!

December Poetry Collection

Subscribe us for december shayari, sad poetry, ghazals, nazms, poems, shairy, urdu poets.  

Kisi Roj Shaam Ke Waqt, Suraj Ke Aaraam Ke Waqt..

Romantic girl-boy in evening

Kisi roj shaam ke waqt,
Sooraj ke aaram ke waqt..
Mil jaaye saath tera,
Haath mein le ke haath tera..
Door kahin tanhai mein,
Duniya se judaai mein..
Apne sang bithaau tujhe,
Dil ka haal sunaau tujhe..
Tere haath ke lakeeron mein,
Talaash apna naam karun..
Usi waqt iraada karun,
Phir milne ka waada karun..
Kisi roj shaam ke waqt,
Sooraj ke aaram ke waqt….
Mil jaaye saath tera.. !!

Love Poetry Collection

Subscribe us for hindi love shayari, urdu poetry, ghazals, nazms, poetry, shair, poems, urdu poets.

Mar Jaane Ki Khwaahish Mein Jeete Chale Jaate Hain..

p 11

Hum woh bedard hain,
khwaab ganwa kar bhi jinhe neend aa jaati hai.

Soch soch kar bhi jin ke zehnon ko kuchh nahin hota,
toot phoot kar bhi jin ke dil dhadakna yaad rakhte hain.

Toot kar rone ki koshish mein jo,
baat – bebaat muskarate hain.

Shaam se pehle mar jaane ki khwaahish mein jo jeete hain,
aur jeete hi chale jaate hain. !!

Doobta Hua Sooraj Kisi Ko Kuchh Nahi De Sakta..

523836_189553757831552_403414214_n

Sooraj ko dubte dekh kar maine har shaam ki tarah,
Phir aankhen band kar ke usey manga.. !
Es baat se bilkul anjaan ki doobti hui cheez,
Kisi ko kuchh nahi de sakti.. !
Jo khud andheron mein doob reha hai,
Woh mujhe roshani nahin de sakta.. !
Magar naa jaane kyon..?
Mujhe shaam ka ye manzar bahut pasand hai …!