Home / Sad Poetry (page 3)

Sad Poetry

Phir Wohi Raat, Wohi Dard, Wohi Khamoshi..

Two Line Urdu Raat Poetry

Phir wohi raat, wohi dard, wohi khaamoshi..
itna sannata hai ki kaan phatey jaate hain …! 

Raat Poetry Colection

– Subscribe our Urdu Poetry Blog for Ghazals, Shairy, Nazms, Poems, Shaayri, Poets.

Ye Woh Khidki Hai Jo Dariya Ki Taraf Khulti Hai..

Two Line Aankhen Shayari

Tum meri aankh ke baare mein bahut poochhte ho,
ye woh khidki hai jo dariya ki taraf khulti hai …! 

Aankhen Poetry Collection

Subscribe our Urdu Poetry Blog for Ghazals, Shayari, Nazms, Poems, Shairy, Shair.

Har Saans Ukhad Jaane Ki Koshish Mein Pareshaan..

2 Line Urdu Poetry

Har saans ukhad jaane ki koshish mein pareshaan,
seene mein koi hai jo giraftaar bahut hai …!

 

Subscribe PoetryOne for Urdu-Hindi Latest Shayari.

Two Line Poetry Collection

 

Kabhi Kabhi Mere Dil Mein Khyaal Aata Hai by Sahir Ludhianvi

Kabhi Kabhi Mere Dil Mein Khyaal Aata Hai by Sahir Ludhianvi

Kabhi kabhi mere dil mein khyaal aataa hai..

Ki zindagi teri zulfon ki naram chhaaon mein,
guzrne paati toh shaadaab ho bhi saktii thi.
Ye teeragi jo meri zeest ka muqaddar hai,
teri nazar ki shuaaon mein kho bhi sakti thi.

Ajab na tha ki main begaana-e-aalam ho kar,
teri jamaal ki raanaaiyon mein kho rehta.
Tera gudaaz badan, teri neembaaz aankhen
inhin haseen fasaanon mein mahv ho rehta.

Pukaarti mujhe jab talkhiyaan zamaane ki,
tere labon se halaavat ke ghoont pee leta.
Hayaat cheekhti phirti barhana- sar aur main,
ghaneri zulfon ke saaye mein chhup ke jee leta.

Magar ye ho na saka aur ab ye aalam hai..
ki tu nahin.. tera ghum, teri justajoo bhi nahin.
Guzar rahi hai kuchh is tarah zindagi jaise,
isey kisi ke sahaare ki aarzoo bhi nahin.

Zamaane bhar ke dukhon ko laga chuka hun gale,
guzar reha hun kuchh anjaani rah-guzaaron se.
Muheeb saaye meri simt badhte aate hain,
hayaat-o maut ke purhaul khaarzaaron se..

Na koi jaada, na manzil, na roshni ka suraagh
bhatak rahi hai khalaaon mein zindagi meri.
Inhi khalaaon mein reh jaaunga kabhi kho kar,
main jaanta hun meri hum-nafas magar yun hi..

Kabhi kabhi mere dil mein khyaal aata hai …….

Sahir Ludhianvi Poetry Collection

 

Shabnam Ke Aansoo Phool Par, Ye Toh Wahi Qissa Hua..

Bashir Badr Poetry

Shabnam ke aansoo phool par ye toh wahi qissa hua,
aankhen meri bheegi hui chehra tera utra hua.

Ab in dinon meri ghazal khushboo ki ek tasveer hai,
har lafz ghunche ki tarah khil kar tera chehra hua.

Shayad usey bhi le gaye achchhe dinon ke qaafile,
is bagh mein ek phool tha teri tarah hansta hua.

Har cheez hai bazaar mein is haath de us haath le,
izzat gayi, shohrat gayi, rushwa hue, charcha hua.

Mandir gaye, masjid gaye, peeron faqeeron se mile,
ek us ko paane ke liye kya kya kiya, kya kya hua.

Anmol moti pyar ke duniya chura kar le gayi,
dil ki haveli mein koi darwaza tha toota hua.

Barsaat mein deewar-o-dar ki saari tahreeren mitin,
dhoya bahut mita nahin taqdeer ka likha hua. !!

Bashir Badr Poetry Collection

Subscribe us for latest urdu poetry, ghazals, urdu poets, poems, nazms, shairy, shair, shayari.

Woh Mujh Ko Dekhne Mere Qareeb Aaya Hai..

December or Sardi Poetry

Woh mujh ko dekhne mere qareeb aaya hai,
ye dhundh saare maheenon mein kyon nahin padti …! ??

December Poetry Collection Two Line Urdu Poetry

Subscribe us for two line urdu december shayari, ghazals, nazms, poems. 

Tumhare Paas Hun Lekin Jo Doori Hai, Samajhta Hun..

Sad Love Poetry

Tumhare paas hun lekin jo doori hai, samajhta hun..
tumhare bin meri hasti adhoori hai, samajhta hun…

Tumhen main bhool jaaunga ye mumkin nahin hai lekin,
tumhin ko bhoolna sab se zaroori hai, samajhta hun .!!

Sad Poetry Collection

Subscribe us for urdu shayari, ghazals, poems, poets, shair.