Home / Poets / Urdu Unknown Poet

Urdu Unknown Poet

Chhoota Jo Tera Haath Toh Hum Toot ke Roye..

Chhoota jo tera haath, toh hum toot ke roye
tum jo na rahe saath, toh hum toot ke roye.

Chahat ki tamanna thi aur zakhm diye tum ne
paayi jo ye saughat, toh hum toot ke roye.

Imkaan na tha door talak tajdeed-e taalluq ka
dekhe jo ye haalaat, toh hum toot ke roye.

Anjaan the hum ab tak dard ki soorat se
hui jo mulaaqaat, toh hum toot ke roye.

Jeeti thi sadaa hum ne har baazi tere saath
tanha jo sahi maat, toh hum toot ke roye

Logon ne bahut poochha sabab veeraani-e dil ka
jab ho na saki baat, toh hum toot ke roye.

Thi dhoop bahut tezz har simt judaai ki
barsi jo na barsaat, toh hum toot ke roye.

Zadd mein tha khizaaon ki ab ke dil-e barbaad
bichhde jo shajar-paat, toh hum toot ke roye.

Din bhar toh rahe chup, ki duniya ki nazar thi
bheegi jo siyaah raat, toh hum toot ke roye.

Samjha tha sadaa tujh ko apna hi koi hissa
tukdon mein bati zaat, toh hum toot ke roye.

Hum karte rahe aaj talak uss ‘chaand’ ki khwaahish
yaad aayi jo auqaat, toh hum toot ke roye .!!

Umar Bhar Seena-e Fankaar Se Behta Hai Lahoo..

Umar bhar seena-e fankaar se behta hai lahoo,

Tab kahin jaa kar koi lafz mahak deta hai .!!

Le De ke Wohi Shakhs Hai is Sheher Mein Apna..

Le de ke wohi shakhs hai is sheher mein apna,
Duniya kahin usko bhi samajhdaar na kar de …!

Teri Firaq Ke Lamhe Guzaarne Ke Liye..

Teri firaaq ke lamhen guzarne ke liye,
Humne har kisi se bana ke rakhi hai …! 

Jisne Jo Bhi Ise Khyaal Kiya | Best Urdu Ghazal | Shairy

 Jis ne jo bhi isey khyaal kiya,
 maine toh Ishq behrhaal kiya.
 Aaj sab ka mizaaz zar-e qalaam,
 kal bhi aahon ne inteqaal kiya.
 Baat karte toh baat ban jaati,
 khamoshi khamoshi kamaal kiya.
 Shor barpa hua aandhi aandhi,
 jab hunar ka chiraagh laal kiya.
 Mauj uthi deeda-e tar mein,
 jab maazi ko maine haal kiya.
Waqt qurbat mein ruk raha na tha,
ab ke maah-o saal kiya. !!