Home / Poets / Sudarshan Faakir

Sudarshan Faakir

Kuchh Toh Duniya Ki Inaayat Ne Dil Tod Diya..

Sudarshan Faakir Poetry

Kuchh toh duniya ki inaayat ne dil tod diya,
aur kuchh talkhi-e haalaat ne dil tod diya.

Hum toh samjhe the ki barsaat mein barsegi sharaab,
aayi barsaat toh barsaat ne dil tod diya.

Dil toh rota rahe aur aankh se aansoo na bahe,
ishq ki aisi rawaayat ne dil tod diya.

Woh mere hain, mujhe mil jaayenge, aa jaayenge..
aise bekaar khyaalaat ne dil tod diya.

Aap ko pyaar hai mujh se ki nahin hai mujh se,
jaane kyon aise sawaalaat ne dil tod diya. !!

Sudarshan Faakir Poetry Collection

Subscribe us for sudarshan faakir shayari, ghazals, poems, urdu poets, shair, shairy.

Agar Hum Kahen Aur Woh Muskura Dein..

Sudarshan Faaqir Poetry

Agar hum kahen aur woh muskura den,
hum un ke liye zindgaani luta den.

Har ek mod par hum ghumon ko sazaa den,
chalo zindagi ko mohabbat bana den.

Agar khud ko bhoole toh kuchh bhi na bhoole,
ki chaahat mein un ki khuda ko bhula den.

Kabhi ghum ki aandhi jinhen chhoo na paaye,
wafaaon ke hum woh nasheman bana den.

Qayaamat ke deewaane kehte hain hum se,
chalo un ke chehre se parda hata den.

Saza den, silaa den, bana den, mitaa den
magar woh koi faislaa toh sunaa den. !!

Sudarshan Faakir Poetry Collection

Subscribe us for Urdu Poetry. Legend Urdu Poets Poetry.