Home / Poets (page 30)

Poets

Shayars and poets list whose shayaries are posted on poetry One.

Meri Nazar Se Na Ho Door Ek Pal Ke Liye..

Qateel Shifai Poetry

Meri nazar se na ho door ek pal ke liye,
tera wajood hai laazim meri ghazal ke liye.

Kahan se dhoond ke laaun charaagh se woh badan,
taras gaye hain nigaahen kanwal kanwal ke liye.

Kisi kisi ke naseebon mein ishq likha hai,
har ek dimaagh bhala kab hai iss khalal ke liye.

Hui na jurrat-e-guftaar toh sabab ye tha,
mile na lafz tere husn-e-be-badal ke liye.

Sadaa jiye ye mera shehar-e-bemisaal jahaan,
hazaar jhonpade girte hain ek mehal ke liye.

Qateel’ zakhm sahun aur muskurata rahun,
bane hain daayre kya kya mere amal ke liye. !!

– Click Here For Qateel Shifai Poetry, Poems Collection

Har Bezaban Ko Sholanawa Keh Liya Karo..

Har bezaban ko shola-nawa keh liya karo,
yaaro sukoot hi ko sadaa keh liya karo.

Khud ko fareb do ki na ho talkh zindagi,
har sang-dil ko jaan-e-wafa keh liya karo.

Gar chaahte ho khush rahen kuchh bandagaan-e-khaas,
jitne sanam hain un ko khuda keh liya karo.

Yaaro ye daur zof-e-basaarat ka daur hai,
aandhi uthe toh uss ko ghataa keh liya karo.

Insaan ka agar qad-o-qaamat na badh sake,
tum iss ko nuqs-e-aab-o-hawa keh liya karo.

Apne liye ab ek hi raah-e-najaat hai,
har zulm ko razaa-e-khuda keh liya karo.

Le de ke ab yahi hai nishaan-e-ziya ‘qateel
jab dil jale toh iss ko diya keh liya karo. !!

Qateel Shifai

Haalaat Ki Ujdi Mehfil Mein Ab Koi Sulagta Saaz Nahin..

Qateel Shifai Poetry

Haalaat ki ujdi mehfil mein ab koi sulagta saaz nahin,
naghme toh lapakte hain lekin sholon sa kahin andaaz nahin.

Har barq-e-haseen ko dete hain zakhmon ke mehakte nazraane,
kaanton se bada iss gulshan mein phoolon ka koi dum-saaz nahin.

Ya saaya-e-gul ka hai ye karam ya farq hai daane paani ka,
panchhi toh wahi hain gulshan mein pehli si magar parwaaz nahin.

Marqad sa bana hai khushbu ka munh band kali ke seene mein,
aye shaam-e-gulistaan tu hi bataa ye bhi toh kisi ka raaz nahin.

Chhilke na suboo aur jhoom uthen qatra na mile aur pyaas bujhe,
ye zarf hai peene waalon ka saaqi ka koi eajaaz nahin.

Aye sehn-e-chaman ke zindaani kar jashn-e-tarab ki tayyaari,
bajte hain bahaaron ke kangan zanjeer ki ye aawaaz nahin. !!

 Click Here For Qateel Shifai Poetry, Poems Collection

Ek Jaam Khanakta Jaam Ki Saqi Raat Guzarne Waali Hai..

Qateel Shifai Poetry

Ek jaam khanakta jaam ki saaqi raat guzarne waali hai,
ek hosh-ruba inaam ki saaqi raat guzarne waali hai.

Woh dekh sitaaron ke moti har aan bikharte jaate hain,
aflaak pe hai kohraam ki saaqi raat guzarne waali hai.

Go dekh chuka hun pehle bhi nazaara dariya-noshi ka,
ek aur salaa-e-aam ki saaqi raat guzarne waali hai.

Ye waqt nahin hai baaton ka palkon ke saaye kaam mein laa,
ilhaam koi ilhaam ki saaqi raat guzarne waali hai.

Madhoshi mein ehsaas ke oonche zeene se gir jaane de,
iss waqt na mujh ko thaam ki saaqi raat guzarne waali hai. !!

–  Click Here For Qateel Shifai Poetry, Poems Collection

Halaat Ki Bheegi Raat Bhi Hai Jazbaat Ka Tez Alaav Bhi..

Qateel Shifai Poetry

Halaat ki bheegi raat bhi hai jazbaat ka tez alaav bhi,
main kaun si aag mein jal jaaun aye nukta-waro samjhaao bhi.

Har-chand nazar se jhele hain har baar sunahre ghaao bhi,
hum aaj bhi dhokha kha lenge tum bhesh badal kar aao bhi.

Girdaab ke khooni halqon se jab khel chuki hai naav bhi,
patwaar badalna kya maani? mallaahon ko samjhaao bhi.

Be-kaif jhakole kaanton ko shaadaab toh kya kar paayenge,
jo phool pade hain raahon mein un phoolon ko mehkaao bhi.

Hum se toh jafaaon ke shikwe tum hans kar chheen bhi sakte ho,
hum dil ko pashemaan kar lenge tum pyaar se aankh jhukaao bhi.

Gulrang charaaghon ki lau se tareek ujaale phoot bahe,
taaq mein ghor andhera hai is rang-mehal ko dhaao bhi. !!

–  Click Here For Qateel Shifai Poetry, Poems Collection

Mar Mar Ke Roz Hi Jeete Hain..

Sandeep Bhutani Poetry

Mar mar ke roz hi jeete hain,
chal aaj toh khul ke jeete hain.

Ab bas daftar aur nahin,
kuchh toh bhi kar chal jeete hain.

Hairaan hun ab raftaar se main,
zara ruk toh sahi chal peete hain.

Ab bas bhi kar chal jeete hain,
ab shaam hui chal peete hain.

Bheje ki bas kar dil ki sun,
ab dil ki pyaas mein peete hain.

Ab hosh ki baat ka naam na le,
chal be-hoshi tak peete hain.

Umeed pe duniya qaayam hai,
ab chhutti hai chal jeete hain.

Har mod pe mushqil taaq mein hai,
mushqil ko jeet ke jeete hain.

Kuchh aur jo ab ke na ho sake,
do ghoont zehar ke peete hain. !!

मर मर के रोज़ ही जीते हैं,
चल आज तो खुल के जीते हैं.

अब बस दफ़्तर और नहीं,
कुछ तो भी कर चल जीते हैं.

हैरान हूँ अब रफ़्तार से मैं,
ज़रा रुक तो सही चल पीते हैं.

अब बस भी कर चल जीते हैं,
अब शाम हुई चल पीते हैं.

भेजे की बस कर दिल की सुन,
अब दिल की प्यास में पीते हैं.

अब होश की बात का नाम न ले,
चल बे-होशी तक पीते हैं.

उम्मीद पे दुनिया क़ायम है,
अब छुट्टी है चल जीते हैं.

हर मोड़ पे मुश्किल ताक़ में है,
मुश्किल को जीत के जीते हैं.

कुछ और जो अब के न हो सके,
दो घूँट ज़हर के पीते हैं. !!

 

Sandeep Bhutani Poetry Collection

Subscribe Us For All Types & All Urdu Legend Poet’s Poetry. Ghazals, Poems, Poetry, Shayari, Shairi, Shair, Nazms, Sad, Life, Love.

Aye Deeda e Giryaan Kya Kahiye Iss Pyaar Bhare Afsaane Ko..

Qateel Shifai Poetry

Aye deeda-e-giryaan kya kahiye iss pyaar bhare afsaane ko,
ek shama jali bujhne ke liye ek phool khila murjhaane ko.

Main apne pyaar ka deep liye aafaaq mein har su ghoom gaya,
tum door kahin ja pahunche the aakaash pe jee behlaane ko.

Woh phool se lamhe bhaari hain ab yaad ke naazuk shaanon par,
jo pyaar se tum ne saunpe the aaghaaz mein ek deewaane ko.

Ek saath fanaa ho jaane se ek jashn toh barpaa hota hai,
yun tanha jalna theek nahin samjhaaye koi parwaane ko.

Main raat ka bhed toh kholunga jab neend na mujh ko aayegi,
kyon chaand sitaare aate hain har raat mujhe samjhaane ko. !!

–  Click Here For Qateel Shifai Poetry, Poems Collection