Home / Poets (page 103)

Poets

Shayars and poets list whose shayaries are posted on poetry One.

Shaikh Saahab se Rasm-o Raah Na Ki..

Shaikh saahab se rasm-o-raah na ki
shukr hai zindagii tabaah na ki

Tujh ko dekhaa toh ser-e chashm hue
tujh ko chaahaa toh aur chaah na ki

tere dast-e-sitam kaa ajz nahii.n
dil hii kaafir thaa jis ne aah na kii

They shab-e hijr kaam aur bahut
hum ne fikr-e dil-e tabaah na ki

Kaun qaatil bachaa hai shehar mein ‘Faiz
jis se yaaron ne rasm-o raah na ki …!!

-> Faiz Ahmed Faiz

Shaikh Saahab se Rasm-o Raah Na Ki..
3.8 (75%) 8 votes

Ye Meri Umar, Mere Maah-o Saal De Uss Ko..

Ye Meri Umar,  Mere Maah-o Saal De Uss Ko,

Mere Khuda Mere Dukh Se Nikaal De Uss Ko …!

Ye Meri Umar, Mere Maah-o Saal De Uss Ko..
3.6 (72%) 5 votes

Mata-e Shaam-e Safar Bastiyon Mein Chhod Aaye..

Mata-e shaam-e safar bastiyon mein chhod aaye,
Bujhe charaagh hum apne gharon mein chhod aaye..!

Ghire hain lashkar-e aada mein ab ye sochte hain,
Hum apne teer toh apni safoon mein chhod aaye.

Hum apni darbadari ke mushahidey aksar,
Naseehaton ki tarah kamsino mein chhod aaye.

Bichhad ke tujh se chale hum toh ab ke youn bhi hua,
Ki teri yaad kahin raaston mein chhod aaye.

Hawa hi din mein parinde udaaye phirti hai,
Hawa hi phir se unhen ghonslon mein chhod aaye.

Humare baad bhi rounaq rahegi maqtal mein,
Hum ahl-e dil ko bade hoslon mein chhod aaye.

Udenge kya woh parinde jo apne rizq samait,
Safar ka shauq bhi toote paron mein chhod aaye.

Sada sukhi rahein chehre woh hum jinhe mohsin,
Bujhe gharon ki khuli khidkiyon mein chhod aaye. !!

Mohsin Naqvi

Mata-e Shaam-e Safar Bastiyon Mein Chhod Aaye..
4.7 (94.55%) 11 votes

Teri Tasweer Dekh Ke Bahut Roye..

weeping girl with book

Tujhe Khabar Nahi  Hum Dekh Kar Bauht Roye,

Nayi Kitaab Mein Tasveer Ek Puraani Teri …!

Teri Tasweer Dekh Ke Bahut Roye..
4 (80%) 5 votes

Insha Ji Utho Abb Kooch Karo..

“Insha” Ji Utho Abb Kooch Karo Iss Shehar Mein Jii Ka Lagana Kya,
Wehashi Ko Sukoon se Kya Matalab, Joggi Ka Nagar Mein Thikana Kya ?

Iss Dil Ke Darida-Daaman Ko Dekho Toh Sahi, Socho Toh Sahi..
jis Jholi Mein Sau Chhed Hue Uss Jholi Ko Phailana Kya ?

Shab Beeti Chand Bhi Doob Gaya Zanjir Padi Darawaze Mein,
Kyon Der Gaye Ghar Aaye Ho Sajani se Karoge Bahana Kya ?

Uss Husn Ke Sacche Moti Ko Hum Dekh Saken Par Chhu Na Saken,
Jise Dekh Saken Par Chhu Na Saken woh Daulat Kya Woh Khazana Kya ?

Uss Ko Bhi Jalaa Dukhate Hue Mann Ek Shola Laal Bhabhuka Ban,
Yun Aansu Ban Beh Jana Kya, YuN Matti Mein Mil Jana Kya ?

Jab Shehar Ke Log Na Raasta Dekhen Kyon Bann Mein Na Ja Vishram Kare ?
Deewanon Ki Si Na Baat Kare Toh Aur Kare Deewana Kya ..??

Insha Ji Utho Abb Kooch Karo..
3.8 (75%) 4 votes

Khuda Jaane Tumhare Zehan Mein Kya Hai.. ?

Narajagi, rude boy and girl

Khuda Jaane tumhaare zehan mein kya hai?
Mere baare mein tum kya sochti ho keh nahi sakta ..

Magar main is liye milney se katraata hun tum se ,
Ki woh baaten jo hum likhte hain apne khat mein chaahat se ..

Woh baaten aur baaten hain ,
Woh baaten aisi baaten hain ki bas baaten hi baaten hain..

Haqeeqat mukhtalif hai aisi baaton se ,
Haqeeqat munkashif hoti nahi alfaaz likhne se ..

Zubaani guftgoo se bahami izhar-o arz-e haal kerne se ,
Bahut si aisi baaten hain ..

Jinhen sunne ko kaano ki nahi aankhon ki haajat hai ,
Agar tum mujh se milne par bahut israar kerti ho ..

Toh phir ek shart hai ..
Ek lafz bhi kehna na hothon se ..

Faqat aankhon se aankhen guftgoo karti rahen ,
Khala apne sawaalon ka ..

Inn aankhon ki sadayen khud – bakhud bharti rahengi ,
Agar milna zaroori hai ..

Toh chhoti si meri yeh shart apne zehan mein rakhna ….!!

Khuda Jaane Tumhare Zehan Mein Kya Hai.. ?
4.8 (95%) 4 votes

Nazar Samete Hue Khada Hun..

waiting sad boy

Kadam Usi Mod Par Jame Hain,
Nazar Samete Hue Khada Hun,
Junoon Ye Majboor Kar Raha Hai Palat Ke Dekhun,
Khudi Ye Kehti Hai Mod Mud Jaa,
Agarche Ehsaas Keh Raha Hai, 
Khule Dareeche Ke Pichhe Do Aankhein Jhaankti Hain,
Abhi Mere Intezaar Mein Woh Bhi Jagati Hai, 
Kahin Toh Uske Gosha-e Dil Mein Dard Hoga, 
Usey Ye Zidd Hai Ki Main Pukarun,
Mujhe Taqaaza Hai Woh Bula Le, 
Kadam Usi Mod Par Jame Hain,
Nazar Samete Hue Khada Hun …!!

Nazar Samete Hue Khada Hun..
4.3 (85.71%) 7 votes