Home / Poets (page 10)

Poets

Shayars and poets list whose shayaries are posted on poetry One.

Shamm-e Mazar Thi Na Koi Sogwar Tha..

Bekhud Dehlvi Poetry

Shamm-e-mazaar thi na koi sogwaar tha,
tum jis pe ro rahe the woh kis ka mazaar tha.

Tadpunga umar bhar dil-e-marhoom ke liye,
kambakht na-muraad ladkpan ka yaar tha.

Jaadu hai ya tilism tumhari zubaan main,
tum jhooth keh rahe the mujhe aitbaar tha.

Kya kya humaare sajde ki ruswaaiyaan hui,
naqsh-e-qadam kisi ka sare rahguzaar tha. !!

Bekhud Dehlvi Poetry Collection

Subscribe us for Bekhud Dehlvi Shayari, Ghazals, Shayari, Urdu Poetry, Nazms, Poems, Urdu Poets, Shair.

Dard-e Dil Mein Kami Na Ho Jaye..

Bekhud Dehlvi Poetry

Dard-e dil mein kami na ho jaaye,
dosti dushmani na ho jaaye.

Tum meri dosti ka dum na bharo,
aasmaan muddai na ho jaaye.

Baithta hun humesha rindon mein,
kahin zaahid wali na ho jaaye.

Apne khu-e-wafa se darta hun,
aashiqi bandagi na ho jaaye. !!

Bekhud Dehlvi Poetry Collection

Subscribe us for Bekhud Dehlvi Shayari, Ghazals, Nazms,  Urdu Poetry, Shair, Poems, Urdu Poets. 

Ye Dil Kabhi Na Mohabbat Mein Kamyaab Hua..

Bekhud Dehlvi Poetry

Ye dil kabhi na mohabbat mein kaamyaab hua,
mujhe kharaab kiya, aap bhi kharaab hua.

Ajal mein, zeest mein, turabat mein, hashr mein zaalim
tere sitam ke liye main hi intekhaab hua.

Nigaah-e mast ko saaqi ki kaun de ilzaam,
mera naseeb ki ruswa mera shabaab hua.

Humaare ishq ki dus – bees ne bhi daad na di,
kisi ka husn zamaane mein intekhaab hua.

Fanaa ka daava hazaaron ko tha zamaane mein,
habaab* ne mujhe dekha toh aab* aab hua. !!

*[ Habaab=bulbulaa, bubble | Aab=paani, water ]

Bekhud Dehlvi Poetry Collection

Subscribe us for Bekhud Dehlvi Shayari, Urdu Poetry, Ghazals, Poems, Nazms, Shair, Sad, Love, Life.

Zakhm Yun Muskura Kar Khilte Hain..

Bashir Badr Poetry

Zakhm yun muskura kar khilte hain,
jaise woh dil ko chhoo kar gujre hain.

Dard ka chaand aansuon ke taare,
dil ke aangan mein aaj utre hain.

Raakh ke dher jaise sard makaan,
chaand un badliyon mein rehte hain.

Aaino ka koi qasoor nahin,
un mein apne hi photo hote hain.

Gaur se dekh khaak tanha nahin,
saath phoolon ke rang udte hain.

Un se raat ki khabar suno saahab,
badr’ ji raat raat ghume hain. !!

Bashir Badr Poetry Collection

Subscribe us for bashir badr shayari , urdu poetry , nazms , poetry, ghazals , poems , shair.

Sahil Par Ruk Gaye The Zara Der Ke Liye..

Bashir Badr Poetry

Saahil par ruk gaye the zara der ke liye,
aankhon se dil mein kitne samandar utar gaye.

Jin par likhi hui thi mohabbat ki daastaan,
woh chaak chaak purje hawa mein bikhar gaye.

Paaya jo muskaraate hue keh uthi bahaar,
jo zakhm pichhle saal lagaaye gaye the bhar gaye. ?

Mere labon par chaand ke tukde laraj gaye,
aankhon par jaise raat ke gesu bikhr gaye.

Talvon par jab narm dhoop ne gudgudi si kari,
palkon par soye chandani ke khwab dar gaye. !!

Bashir Badr Poetry Collection

Subscribe us for bashir badr shayari, urdu poetry, shayari, ghazals, nazms, poems, poetry, shair.

Humara Dard Humari Dukhi Aawaz Se Lade..

Bashir Badr Poetry

Humara dard humari dukhi aawaz se lade,
sulgati aag kabhi sirfiri hawa se lade.

Main jaanta hun ki aakhir kya hoga,
akela pataa agar raat bhar hawa se lade.

Mere azeez mujhe qatal kar ke phenk aate,
bhala hua ki mere lab meri sada se lade.

Siyaah barf mein thithuri hai qaaynaat meri,
koi sitaara uthe toot kar khala se lade.

Humare shehar mein kya ho gaya tha jis ke liye,
bashir’ rote rahe raat bhar khuda se lade. !!

Bahir Badr Poetry Collection

Subscribe us for Bashir Badr Shayari, Urdu Poetry, Ghazals, Poems, Nazms, Shair, Urdu Poets.

Aaj Chandni Bhi Meri Tarah Jaag Rahi Hai..

Bashir Badr Poetry

Aaj chaandani bhi meri tarah jaag rahi hai,
palakon pe sitaroon ko liye raat khadi hai.

Ye baat ki soorat ke bhale dil ke bure hon,
allaah kare jhooth ho bahuton se suni hai.

Woh maathe ka matlaa ho ki honthon ke do misre,
bachpan ki ghazal hi meri mehboob rahi hai.

Ghazlon ne wahin zulfon ke phailaa diye saaye,
jin raahon pe dekha hai bahut dhoop kadi hai.

Hum dilli bhi ho aaye hain lahore bhi ghume,
aey  yaar magar teri gali, teri gali hai. !!

Bashir Badr Poetry Collection

Subscribe Us For Bashir Badr Shayari, Urdu Poetry, Ghazals, Urdu Legend Poets, Nazms, Shair-o-shairy.