Home / Poets / Habib Jalib (page 2)

Habib Jalib

Kahin Aah Ban Ke Lab Pe Tera Naam Aa Na Jaaye..

Habib Jalib Poetry

Kahin aah ban ke lab pe tera naam aa na jaaye,
tujhe bewafa kahun main woh maqaam aa na jaaye.

Zara khud ko sambhaalo mera dil dhadak raha hai,
koi aur tair-e-dil tah-e-daam aa na jaaye.

Jise sun ke toot jaaye mera aarzoo bhara dil,
teri anjuman se mujh ko woh payaam aa na jaaye.

Woh jo manzilon pe laa kar kisi humsafar ko looten,
unhi rahzahon mein tera kahin naam aa na jaaye.

Issi fikr mein hain ghaltaan ye nizaam-e-zar ke bande,
jo tamaam-e-zindagi hai woh nizaam aa na jaaye.

Ye mah-o-nujoom hans len mere aansuon pe ‘jalib
mera mehtaab jab tak lab-e-baam aa na jaaye. !!

–  Click Here For Habib Jalib Poetry, Poems  Collection

Hujoom Dekh Ke Rasta Nahin Badalte Hum..

Habib Jalib Poetry

Hujoom dekh ke rasta nahin badalte hum,
kisi ke dar se taqaaza nahin badalte hum.

Hazaar zer-e-qadam raasta ho khaaron ka,
jo chal paden toh iraada nahin badalte hum.

Issi liye toh nahin mo’tabar zamane mein,
ki rang-e-soorat-e-duniya nahin badalte hum.

Hawa ko dekh ke ‘jalib’misaal-e-hum-asraan,
baja ye zom humara nahin badalte hum. !!

–  Click Here For Habib Jalib Poetry, Poems  Collection

Darakht Sookh Gaye Ruk Gaye Nadi Naale..

Habib Jalib Poetry

Darakht sookh gaye ruk gaye nadi naale,
ye kis nagar ko rawaana hue ghar waale.

Kahaaniyan jo sunaate the ahd-e-rafta ki,
nishaan woh gardish-e-ayyaam ne mita daale.

Main shehar shehar phira hun issi tamanna mein,
kisi ko apna kahun koi mujh ko apna le.

Sadaa na de kisi mahtaab ko andheron mein,
laga na de ye zamaana zabaan par taale.

Koi kiran hai yahan toh koi kiran hai wahan,
dil-o-nigaah ne kis darja rog hain paale.

Hamin pe un ki nazar hai hamin pe un ka karam,
ye aur baat yahan aur bhi hain dil waale.

Kuchh aur tujh pe khulengi haqeeqaten ‘jalib
jo ho sake toh kisi ka fareb bhi kha le. !!

– Click Here For Habib Jalib Poetry, Poems  Collection

Dil Par Jo Zakhm Hain Woh Dikhayen Kisi Ko Kya..

Habib Jalib Poetry

Dil par jo zakhm hain woh dikhaayen kisi ko kya,
apna shareek-e-dard banaayen kisi ko kya.

Har shakhs apne apne ghumon mein hai mubtalaa,
zindaan mein apne saath rulaayen kisi ko kya.

Bichhde hue woh yaar woh chhode hue dayaar,
reh reh ke hum ko yaad jo aayen kisi ko kya.

Rone ko apne haal pe tanhaai hai bahut,
uss anjuman mein khud pe hansaayen kisi ko kya.

Woh baat chhed jis mein jhalakta ho sab ka ghum,
yaadein kisi ko tujh ko sataayen kisi ko kya.

Soye hue hain log toh honge sukoon se,
hum jaagne ka rog lagaayen kisi ko kya.

Jalib’ na aayega koi ahwaal poochhne,
dein shehar-e-be-hisaan mein sadaayen kisi ko kya. !!

– Click Here For Habib Jalib Poetry, Poems  Collection

Dil Ki Baat Labon Par Laa Kar Ab Tak Hum Dukh Sahte Hain..

Habib Jalib Poetry

Dil ki baat labon par laa kar ab tak hum dukh sehte hain,
hum ne suna tha iss basti mein dil waale bhi rahte hain.

Beet gaya saawan ka mahina mausam ne nazren badli,
lekin in pyaasi aankhon mein ab tak aansoo bahte hain.

Ek humein aawaara kehna koi bada ilzaam nahin,
duniya waale dil waalon ko aur bahut kuchh kehte hain.

Jis ki khaatir shehar bhi chhoda jis k liye badnaam hue,
aaj wahi hum se begaane begaane se rahte hain.

Woh jo abhi rahguzar se chak-e-gareban guzra tha,
uss aawara deewane ko ‘jalib’ ‘jalib’ kehte hain. !!

– Click Here For Habib Jalib Poetry, Poems  Collection

Jeevan Mujh Se Main Jeevan Se Sharmaata Hun..

Habib Jalib Poetry

Jeevan mujh se main jeevan se sharmaata hun,
mujh se aage jaane waalo main aata hun.

Jin ki yaadon se roshan hain meri aankhen,
dil kehta hai un ko bhi main yaad aata hun.

Sur se saanson ka naata hai todun kaise,
tum jalte ho kyon jeeta hun kyon gaata hun.

Tum apne daaman mein sitaare baith kar taanko,
aur main naye biran lafzon ko pehnaata hun.

Jin khwaabon ko dekh ke maine jeena seekha,
un ke aage har daulat ko thukraata hun.

Zehar ugalte hain jab mi kar duniya waale,
meethe bolon ki waadi mein kho jaata hun.

Jalib’ mere sher samajh mein aa jaate hain,
issi liye kam rutba shayar kehlaata hun. !!

– Click Here For Habib Jalib Poetry, Poems  Collection

Kaise Kahen Ki Yaad-e-Yaar Raat Ja Chuki Bahut..

Habib Jalib Poetry

Kaise kahen ki yaad-e-yaar raat jaa chuki bahut,
raat bhi apne saath saath aansoo baha chuki bahut.

Chaand bhi hai thaka thaka taare bhi hain bujhe bujhe,
tere milan ki aas phir deep jala chuki bahut.

Aane lagi hai ye sadaa door nahin hai shehar-e-gul,
duniya humari raah mein kaante bichha chuki bahut.

Khulne ko hai qafas ka dar paane ko hai sukoon nazar,
aey dil-e-nazar shaam-e-ghum hum ko rula chuki bahut.

Apni qayaadaton mein ab dhoondenge log manzilen,
raahzanon ki rahbari raah dikha chuki bahut. !!

– Click Here For Habib Jalib Poetry, Poems  Collection

Aur Sab Bhool Gaye Harf-e-Sadaqat Likhna..

Habib Jalib Poetry

Aur sab bhool gaye harf-e-sadaaqat likhna,
reh gaya kaam humara hi baghaawat likhna.

Laakh kehte rahen zulmat ko na zulmat likhna,
hum ne seekha hi nahin pyaare ba-ijaazat likhna.

Na sile ki na sitaaish ki tamanna hum ko,
haq main logon ke humari toh hai aadat likhna.

Hum ne jo bhool ke bhi shaah ka qasida na likha,
shayad aaya issi khoobi ki badaulat likhna.

Uss se badh kar meri tehseen bhala kya hogi,
padh ke na-khush hai mera saahab-e-sarvat likhna.

Dahar ke ghum se hua rabt toh hum bhool gaye,
sarv-qaamat ki jawaani ko qayaamat likhna.

Kuchh bhi kehte hain kahen shah ke masahib ‘jalib’
rang rakhna yehi apna issi soorat likhna. !!

– Click Here For Habib Jalib Poetry, Poems  Collection

Ab Teri Zaroorat Bhi Bahut Kam Hai Meri Jaan..

Habib Jalib Poetry

Ab teri zaroorat bhi bahut kam hai meri jaan,
ab shauq ka kuchh aur hi aalam hai meri jaan.

Ab tazkira-e-khanda-e-gul baar hai jee par,
jaan waqf-e-giriya-e-shabnam hai meri jaan.

Rukh par tere bikhri hui ye zulf-e-siyah-taab,
tasweer-e-pareshaani-e-aalam hai meri jaan.

Ye kya ki tujhe bhi hai zamaane se shikayat,
ye kya ki teri aankh bhi purnam hai meri jaan.

Hum saada dilon par ye shab-e-ghum ka tasallut,
maayoos na ho aur koi dum hai meri jaan.

Ye teri tawajjoh ka hai ejaaz ki mujh se,
har shakhs tere shehar ka barham hai meri jaan.

Aye nuzhat-e-mahtaab tera ghum hai meri zeest,
aye naazish-e-khurshid tera ghum hai meri jaan. !!

– Click Here For Habib Jalib Poetry, Poems  Collection

Bade Bane The Jalib Saahab Pite Sadak Ke Beech..

Habib Jalib Poetry

Bade bane the ‘jalib’saahab pite sadak ke beech,
goli khaayi laathi khaayi gire sadak ke beech.

Kabhi girebaan chaak hua kabhi hua dil khoon,
humen toh yun hi mile sukhan ke sile sadak ke beech.

Jism pe jo zakhmon ke nishaan hain apne tamghe hain,
mili hai aisi daad wafa ki kise sadak ke beech. !!

–  Click Here For Habib Jalib Poetry, Poems  Collection