Home / Poets / Bashir Badr (page 3)

Bashir Badr

Khandani Rishton Mein Raqaabat Bahut Hai..

Bashir Badr Poetry

Khaandaani rishton mein aksar raqaabat hai bahut,
ghar se nikalo toh ye duniya khubsoorat hai bahut.

Apne kaalez mein bahut maghroor jo mash-hoor hai,
dil mera kehta hai uss ladki mein chaahat hai bahut.

Un ke chehre chaand taaron ki tarah roshan hue,
jin ghareebon ke yahan husn-e kifaayat hai bahut.

Hum se ho nahin sakti duniya ki duniyadaariyan,
ishq ki deewar ke saaye mein raahat hai bahut.

Dhoop ki chaadar mere sooraj se kehna bhej de,
ghurbaton ka daur hai jaadon ki shiddat hai bahut.

Un andheron mein jahan sehami hui thi ye zameen,
raat se tanha lada, jugnu mein himmat hai bahut. !!

Bashir Badr Poetry Collection

Subscribe us for Bashir Badr Shayari, Urdu Poetry, Poems, Nazms, Ghazals, Urdu Legend Poets.

Aaj Dariya Chadha Chadha Sa Hai..

Bashir Badr Poetry

Aaj dariya chadha chadha sa hai,
koi hum se khafa khafa sa hai.

Shehar yaadon ka ek basaaya tha,
ab nishaan bhi mita mita sa hai.

Dil se ek roshni jahaan mein thi,
ye diyaa bhi bujha bujha sa hai.

Shabnami aag bhi jalaati hai,
phool ka dil jala jala sa hai.

Kis ko fursat ki ek nazar dekhe,
badr’ tanha bujha bujha sa hai. !!

Bashir Badr Poetry Collection

Subscribe us for Bashir Badr Poems, Urdu Poetry, Shayari, Nazms, Ghazals, Shairy, Sher,

Har Janam Mein Usi Ki Chahat The..

Bashir Badr Poetry

Har janam mein usi ki chaahat the,
hum kisi aur ki amaanat the.

Uss ki aankhon mein jhilmilaati hui,
hum ghazal ki koi alaamat the.

Teri chaadar mein tan samet liya,
hum kahan ke daraaz qaamat the.

Jaise jungle mein aag lag jaaye,
hum kabhi itne khoobsurat the.

Paas reh kar bhi door door rahe,
hum naye daur ki mohabbat the.

Is khushi mein mujhe khyaal aaya,
ghum ke din kitne khoobsurat the.

Din mein in jugnuon se kya lena,
ye diye raat ki zaroorat the. !!

Bashir Badr Poetry Collection

Subscribe us for bashir badr poems, urdu poetry, shayari, nazms, poetry, shair, ghazals, shairy.

Sisakte Aab Mein Kis Ki Sada Hai..

Bashir Badr Poetry

Sisakte Aab mein kis ki sada hai,
koi dariya ki teh mein ro raha hai.

Savere meri in aankhon ne dekha,
khuda chaaron taraf bikhra hua hai.

Sameto aur seene mein chhupa lo,
ye sannaata bahut faila hua hai.

Pake genhoon ki khusboo cheekhti hai,
badan apna sunehara ho chala hai.

Haqeekat soorkh machhli jaanti hai,
samandar kaisa burha devta hai.

Humari shaakh ka nau-khez patta,
hawa ke honth aksar choomta hai.

Mujhe un neeli aankhon ne bataaya,
tumhaara naam paani par likha hai. !!

Bashir Badr Poetry Collection

Subscribe us for bashir badr poetry, urdu poetry, nazms, poems, urdu poets, shayari, ghazals.

Subah Ka Jharna, Humesha Hansne Wali Aurten..

Bashir Badr Poetry

Subah ka jharna, humesha hansne waali aurten
jhutpute ki nadiyaan, khaamosh gehari aurten.

Sadkon, baazaaron, makaanon, daftron mein raat din
laal, peeli, sabz, neeli, jalti bujhti aurten.

Shehar mein ek baagh hai aur baagh mein taalaab hai,
tairti hai uss mein saaton rang waali aurten.

Saikadon aisi dukaanen hai jahan mil jaayengi,
dhaat ki, patthar ki, sheeshe ki, rabar ki aurten.

In ke andar pak raha hai waqt ka aatish-fishaan,
ki pahaadon ko dhake hai barf jaisi aurten. !!

Bashir Badr Poetry Collection

Subscribe us for bashir badr poetry, all types urdu poetry, Legend urdu poets, Nazms, shayari, ghazals in hindi, english fonts.

 

Mere Bistar Pe So Raha Hai Koi – Bashir Badr

Bashir Badr Poetry

Mere bistar pe so raha hai koi,
meri aankhon mein jaagta hai koi.

In pahaadon mein rehte hain humzaad,
bol kar dekh bolta hai koi.

Aaj main jaagunga ki sote hue,
meri palkon ko choomta hai koi.

Mera shaitaan mar gaya shayad,
mere seene pe so raha hai koi.

Rang ye bhi bahut puraana hai,
sochta koi, bolta hai koi.

Saat pardon mein chhup ke dekh liya,
kapde badlo toh dekhta hai koi.

Ye maine kab kaha.. nahin ye main nahin kehta,
aawaaz meri hai par iss mein bolta hai koi. !!

Bashir Badr Poetry Collection

Subscribe us for urdu legend poets poetry. Meer, Ghalib se.. Gulzar tak. Urdu Poetry

Udas Raat Hai Koi Toh Khwab De Jaao – Bashir Badr

Bashir Badr Poetry

Udaas raat hai koi toh khwaab de jaao,
mere gilaas mein thodi sharaab de jaao.

Bahut se aur bhi ghar hain khuda ki basti mein,
faqeer kab se khada hai jawaab de jaao.

Main zard patton pe shabnam saza ke laaya hun,
kisi ne mujh se keha tha hisaab de jaao.

Meri nazar mein rahe doobne ka manzar bhi,
guroob hota hua aaftaab de jaao.

Fir iss ke baad nazaare nazar ko tarsenge,
woh ja raha hai khizaan ke gulaab de jaao.

Hazaar safhon ka deewan kaun padhta hai,
bashir badr’ koi intekhaab de jaao. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.