Home / Poets

Poets

Shayars and poets list whose shayaries are posted on poetry One.

Milan Ki Saat Ko Is Tarah Se Amar Kiya Hai

Milan Ki Saat Ko Is Tarah Se Amar Kiya Hai – Aanis Moeen Ghazal

Milan ki saat ko is tarah se amar kiya hai
tumhari yaadon ke saath tanha safar kiya hai .!

Suna hai us rut ko dekh kar tum bhi ro pade the
suna hai baarish ne pattharon par asar kiya hai .!

Saleeb ka baar bhi uthao tamaam jeewan
ye lab-kushaai ka jurm tum ne agar kiya hai .!

Tumhein khabar thi haqeeqaten talkh hain jabhi toh
tumhari aankhon ne khwaab ko mo’atabar kiya hai .!

Ghutan badhi hai toh phir usi ko sadaayen di hain
ki jis hawa ne har ek shajar be-samar kiya hai .!

Hai tere andar basi hui ek aur duniya
magar kabhi tune itna lamba safar kiya hai .!

Mere hi dum se toh raunaqen tere shehar mein thin
mere hi qadmon ne dasht ko rah-guzar kiya hai .!

Tujhe khabar kya mere labon ki khamoshiyon ne
tere fasaane ko kis qadar mukhtasar kiya hai .!

Bahut si aankhon mein teergi ghar bana chuki hai
bahut si aankhon ne intezaar-e-sahar kiya hai .!!

Aanis Moeen

Kabhi Dhanak Si Utarti Thi Un Nigahon Mein – Fahmida Riaz Ghazal

Kabhi Dhanak Si Utarti Thi Un Nigahon Mein – Ghazal by Fahmida Riaz

Kabhi dhanak si utarti thi un nigahon mein
woh shokh rang bhi dheeme pade hawaon mein.

Main tez-gaam chali ja rahi thi us ki samt
kashish ajeeb thi us dasht ki sadaon mein.

Woh ek sada jo fareb-e-sada se bhi kam hai
na doob jaaye kahin tund-rau hawaon mein.

Sukoot-e-shaam hai aur main hoon gosh-bar-aawaaz
ki ek vaade ka afsun sa hai fazaaon mein.

Meri tarah yunhi gum-karda-raah chhodegi
tum apni baanh na dena hawa ki baanhon mein.

Nuqoosh paanv ke likhte hain manzil-e-na-yaft
mera safar toh hai tahreer meri raahon mein. !!

Fahmida Riaz

Chaar-su Hai Badi Wahshat Ka Saman – Fahmida Riaz Ghazal

Chaar-su Hai Badi Wahshat Ka Saman – Ghazal by Fahmida Riaz

Chaar-su hai badi wahshat ka saman
kisi aaseb ka saaya hai yahan.

Koi aawaz si hai marsiyan-khwan
shahr ka shahr bana goristan.

Ek makhluq jo basti hai yahan
jis pe insaan ka guzarta hai gumaan.

Khud toh saakit hai misaal-e-tasweer
jumbish-e-ghair se hai raqs-kunan.

Koi chehra nahin juz zer-e-naqaab
na koi jism hai juz be-dil-o-jaan.

Ulma hain dushman-e-fahm-o-tahaqeeq
kodani sheva-e-daanish-mandan.

Shayar-e-qaum pe ban aayi hai
kizb kaise ho tasawwuf mein nihan.

Lab hain masroof-e-qaseeda-goi
aur aankhon mein hai zillat uryan.

Sabz khat aaqibat-o-din ke aseer
paarsa khush-tan-o-nau-khez jawaan.

Ye jan-e-naghmagaar-o-ishq-shiaar
yaas-o-hasrat se hui hai hairaan.

Kis se ab aarzu-e-wasl karen
is kharaabe mein koi mard kahan. !!

Fahmida Riaz

Ye Kis Ke Aansuon Ne Us Naqsh Ko Mitaya – Fahida Riaz Ghazal

Ye Kis Ke Aansuon Ne Us Naqsh Ko Mitaya – Ghazal by Fahida Riaz

Ye kis ke aansuon ne us naqsh ko mitaya
jo mere lauh-e-dil par tune kabhi banaya.

Tha dil jab us pe maail tha shauq sakht mushkil
targhib ne usey bhi aasaan kar dikhaya.

Ek gard-baad mein tu ojhal hua nazar se
is dasht-e-besamar se juz khaak kuchh na paaya.

Aey chob-e-khushk-e-sahra woh baad-e-shauq kya thi
meri tarah barahna jisne tujhe banaya.

Phir hum hain neem-shab hai andesha-e-abas hai
woh wahima ki jis se tera yaqeen aaya. !!

Fahmida Riaz

Hum Se Tanhai Ke Maare Nahin Dekhe Jaate – Farhat Shahzad Ghazal

Hum Se Tanhaai Ke Maare Nahin Dekhe Jaate – Ghazal by Farhat Shahzad

Hum se tanhaai ke maare nahin dekhe jaate
bin tere chaand sitaare nahin dekhe jaate.

Haarna din ka hai manzoor magar jaan-e-azeez
hum se gesu tere haare nahin dekhe jaate.

Dil phansa bhi ho bhanvar mein toh koi baat nahin
ranj mein doobte pyaare nahin dekhe jaate.

Jin ke pairon mein samundar the jhukaaye nazren
un ki aankhon mein kinaare nahin dekhe jaate.

Chheen le meri samaat ki basaarat ya rabb
un labon par mere naare nahin dekhe jaate.

Jin ki aahat se bandhi thi mere dil ki dhadkan
un nigaahon ke ishaare nahin dekhe jaate.

Toor patthar tha mere dil ko dikha apni jhalak
phir ye kahna ki nazaare nahin dekhe jaate.

Maah-e-kaamil bhi jise dekh ke sajde mein gire
aankh mein us ki sitaare nahin dekhe jaate. !!

Farhat Shahzad

Alfaaz Narm Ho Gaye Lahje Badal Gaye – Shakeel Jamali Ghazal

Alfaaz Narm Ho Gaye Lahje Badal Gaye – Ghazal by Shakeel Jamali

Alfaaz narm ho gaye lahje badal gaye
lagta hai zaalimon ke iraade badal gaye.

Ye faayeda zaroor hua ehtijaaj se
jo dho rahe the hum ko woh kaandhe badal gaye.

Ab khushbuon ke naam pate dhundte phiro
mahfil mein ladkiyon ke dupatte badal gaye.

Ye sarkashi kahan hai humare khameer mein
lagta hai aspataal mein bachche badal gaye.

Kuchh log hain jo jhel rahe hain musibaten
kuchh log hain jo waqt se pahle badal gaye.

Mujh ko meri pasand ka saame toh mil gaya
lekin ghazal ke saare hawaale badal gaye. !!

Shakeel Jamali

Agar Humare Hi Dil Mein Thikana Chahiye Tha – Shakeel Jamali Ghazal

Agar Hamare Hi Dil Mein Thikana Chahiye Tha – Ghazal by Shakeel Jamali

Agar humare hi dil mein thikana chahiye tha
toh phir tujhe zara pahle batana chahiye tha.

Chalo hamin sahi saari buraaiyon ka sabab
magar tujhe bhi zara sa nibhana chahiye tha.

Agar naseeb mein taarikiyan hi likhi thi
toh phir charagh hawa mein jalana chahiye tha.

Mohabbaton ko chhupaate ho buzdilon ki tarah
ye ishtihaar gali mein lagana chahiye tha.

Jahan usool khata mein shumaar hote hon
wahañ waqaar nahin sar bachana chahiye tha.

Laga ke baith gaye dil ko rog chaahat ka
ye umar woh thi ki khaana kamaana chahiye tha. !!

Shakeel Jamali

 

Deep Tha Ya Tara Kya Jaane – Ada Jafri Ghazal

Dip Tha Ya Tara Kya Jaane – Ghazal by Ada Jafri

Deep tha ya taara kya jaane
dil mein kyon dooba kya jaane.

Gul par kya kuchh beet gayi hai
albela jhonka kya jaane.

Aas ki maili chaadar odhe
woh bhi tha mujh sa kya jaane.

Reet bhi apni rutt bhi apni
dil rasm-e-duniya kya jaane.

Ungli thaam ke chalne waala
nagri ka rasta kya jaane.

Kitne mod abhi baaqi hain
tum jaano saaya kya jaane.

Kaun khilauna toot gaya hai
baalak be-parwa kya jaane.

Mamta ott dahakte sooraj
aankhon ka taara kya jaane. !!

Ada Jafri

दीप था या तारा क्या जाने – अदा जाफरी ग़ज़ल

दीप था या तारा क्या जाने
दिल में क्यूँ डूबा क्या जाने.

गुल पर क्या कुछ बीत गई है
अलबेला झोंका क्या जाने.

आस की मैली चादर ओढ़े
वो भी था मुझ सा क्या जाने.

रीत भी अपनी रुत भी अपनी
दिल रस्म-ए-दुनिया क्या जाने.

उँगली थाम के चलने वाला
नगरी का रस्ता क्या जाने.

कितने मोड़ अभी बाक़ी हैं
तुम जानो साया क्या जाने.

कौन खिलौना टूट गया है
बालक बे-परवा क्या जाने.

ममता ओट दहकते सूरज
आँखों का तारा क्या जाने. !!

अदा जाफरी

Sirf Mere Liye Nahin Rahna – Aslam Kolsari Ghazal

Sirf Mere Liye Nahin Rahna – Ghazal by Aslam Kolsari

Sirf mere liye nahin rahna
tum mere baad bhi haseen rahna.

Ped ki tarah jis jagah phuta
umar-bhar hai mujhe wahin rahna.

Mashġhala hai shareef logon ka
soorat-e-maar-e-aastin rahna.

Dili ujdi udaas basti mein
chaahte the kayi makeen rahna.

Mar na jaaye tumhari phulwaari
qaarya-e-zakhm ke qareen rahna.

Muskurata hoon aadatan ‘aslam’
kaun samjhe mera ġhumeen rahna. !!

Aslam Kolsari

Agar Chaman Ka Koi Dar Khula Bhi Mere Liye..

Agar chaman ka koi dar khula bhi mere liye,
sumoom ban gayi baad-e-saba bhi mere liye.

Mera sukhan bhi hua uss ke naam se mausoom,
abas hua mera apna kaha bhi mere liye.

Yahi nahin ki woh raste se mod kaat gaya,
na chhoda uss ne koi naqs-e-paa bhi mere liye.

Taaluqaat ka rakhna bhi todna bhi muhaal,
azaab-e-jaan hai ye rasm-e-wafa bhi mere liye.

Mujhe taweel safar ka mila tha huqm toh phir,
kuchh aur hoti khushaada faza bhi mere liye.

Mere liye jo hai zanjeer mere auj-e-nazar,
kamand hai meri fikr-e-rasaa bhi mere liye.

Dawa hai mere liye jis ki khaak-e-paa ‘mohsin
ussi ka ism hai harf-e-dua bhi mere liye. !!