Home / Ghazals (page 97)

Ghazals

Poetry, Shayaries, and poems best collections from around the World. Best, memorable, and most Popular Ghazals,Geets, songs, poems, poetry of the All time Classics.

Zikr-e Shab-e Firaaq se Wehashat Usey Bhi Thi..

Sad Boy-happy girl, Mohsin Naqvi Ghazal

Zikr-e shab-e firaaq se wehashat usey bhi thi
Meri tarah kisi se muhabbat usey bhi thi

Mujh ko bhi shauq tha naye cheharon ki deed ka
Rastaa badal ke chalane ki aadat usey bhi thi

Uss raat der tak woh raha mahv-e guftagu
Masroof main bhi kam tha faraagat usey bhi thi

Sunta tha woh bhi sab se puraani kahaaniyan
Taaza rafaaqaton ki zarurat usey bhi thi

Mujh se bichhad ke shehar mein ghul-mil gaya woh shakhs
Haalanki shehar bhar se raqabat usey bhi thi

Woh mujh se badh ke zabt ka aadii tha jee gaya
Warna har ek saans qayaamat usey bhi thi …!!

Mohsin Naqvi

Khud Bhi Roya Bahut Rula Ke Mujh Ko..

Weeping girl hugs, woh bahut roya

 

Tha Bahut Khush Jo Bhula Ke Mujh Ko ,
Aaj Roya Galey Laga Ke Mujh Ko ,
Usne Pehla Sawaal Ye Puchha ..

“Tum Ko Kaisa Laga Ganwa Ke Mujh Ko.” ?

Zindagi Ne Toh Azmaaya Hai,
Dekh Lo Tum Bhi Aazma Ke Mujh Ko,

Usne Raasta Badal Liya Apna,
Pyar Ki Raah Par Chala Ke Mujh Ko,

De Gaya Umar Bhar Ke Aansoo ,
Jo Kabhi Hansta Tha, Hansa Ke Mujh Ko ,

Ajeeb Shakhs Tha Jaate Hue Woh ,
Khud Bhi Roya Bahut Rula Ke Mujh Ko ,

Mujh Ko Patthar Bana Ke Kehta Hai..

“ Jaan Dekho Na Muskura Ke Mujh Ko.” ….!!

Wohi Ratt’jaggi Puraani, Wohi Dukh Bhari Kahani..

sad boy in love at night

 

Wohi Ratt’jaggi Puraani, Wohi Dukh Bhari Kahani,
Mere Aansoon Mein Shamil Meri Daastan Puraani..

Meri Inkasariyoun Par, Tera Tund-O- Tezz Lehja,
Wohi Meri Jee-Hazoori, Wohi Teri Hukamaraani..

Teri Be’Niyaziaan Hain.. Meri Zindagi Ka Haasil,
Meri Shayari Mein Shamil Mere Zabt Ki Kahaani..

Wohi Hijar Ka Samundar, Wohi Aankh Mein Udaasi,
Wohi Sardiyon Ki Shaamein, Wohi Dard Ki Nishaani..

Tere Husn Ki Nazar Se, Ab Main Utar Gaya Hun,
Mujhe Khud Bhi Chubh Reha Hai Mere Aansuon Ka Pani …!!

Mata-e Shaam-e Safar Bastiyon Mein Chhod Aaye..

Mata-e shaam-e safar bastiyon mein chhod aaye,
Bujhe charaagh hum apne gharon mein chhod aaye..!

Ghire hain lashkar-e aada mein ab ye sochte hain,
Hum apne teer toh apni safoon mein chhod aaye.

Hum apni darbadari ke mushahidey aksar,
Naseehaton ki tarah kamsino mein chhod aaye.

Bichhad ke tujh se chale hum toh ab ke youn bhi hua,
Ki teri yaad kahin raaston mein chhod aaye.

Hawa hi din mein parinde udaaye phirti hai,
Hawa hi phir se unhen ghonslon mein chhod aaye.

Humare baad bhi rounaq rahegi maqtal mein,
Hum ahl-e dil ko bade hoslon mein chhod aaye.

Udenge kya woh parinde jo apne rizq samait,
Safar ka shauq bhi toote paron mein chhod aaye.

Sada sukhi rahein chehre woh hum jinhe mohsin,
Bujhe gharon ki khuli khidkiyon mein chhod aaye. !!

Mohsin Naqvi

Khuda Jaane Tumhare Zehan Mein Kya Hai.. ?

Narajagi, rude boy and girl

Khuda Jaane tumhaare zehan mein kya hai?
Mere baare mein tum kya sochti ho keh nahi sakta ..

Magar main is liye milney se katraata hun tum se ,
Ki woh baaten jo hum likhte hain apne khat mein chaahat se ..

Woh baaten aur baaten hain ,
Woh baaten aisi baaten hain ki bas baaten hi baaten hain..

Haqeeqat mukhtalif hai aisi baaton se ,
Haqeeqat munkashif hoti nahi alfaaz likhne se ..

Zubaani guftgoo se bahami izhar-o arz-e haal kerne se ,
Bahut si aisi baaten hain ..

Jinhen sunne ko kaano ki nahi aankhon ki haajat hai ,
Agar tum mujh se milne par bahut israar kerti ho ..

Toh phir ek shart hai ..
Ek lafz bhi kehna na hothon se ..

Faqat aankhon se aankhen guftgoo karti rahen ,
Khala apne sawaalon ka ..

Inn aankhon ki sadayen khud – bakhud bharti rahengi ,
Agar milna zaroori hai ..

Toh chhoti si meri yeh shart apne zehan mein rakhna ….!!

Tujhe Hi Sochta Hoon Subah Se Shaam Hone Tak..

sad-alone boy at night

 

Andheri Raat Ke Lamhe Tamaam Hone Tak,
Tujhe Hi Sochta Hoon Subah Se Shaam Hone Tak..

Main Aisa Jism Hoon Jis Ki Rooh Bhi Tu Hai,
Adhuri Zaat Hoon Main Bin Tere Naam Hone Tak..

Teri Aawaz Sun Na Loon Toh Mera Dil Nahi Lagta,
Tadapta Rehta Hoon Tujh Se Hum Kalaam Hone Tak..

Teri Nazar Ki Keemat Pe Bik Raha Hun Main Jaana,
Mujhe Khareed Le Tu Mehnge Daam Hone Tak..

Ishq Ki Aag Jo Seene Mein Laga Baithe Hain,
Sulagti Rehti Hai Ye Neendein Haraam Hone Tak… !!