Home / Ghazals (page 96)

Ghazals

Poetry, Shayaries, and poems best collections from around the World. Best, memorable, and most Popular Ghazals,Geets, songs, poems, poetry of the All time Classics.

Almaari Se Khat Uske Puraane Nikal Aaye..

sad-man-boy-in-evening-dark-night-with-letters-book

Almaari se khat uske puraane nikal aaye,
phir se mere chehre pe ye daane nikal aaye.

Maa baith ke takti thi jahan se mera raasta,
mitti ko hataate hi khazaane nikal aaye.

Mumkin hai humein gaaon bhi pehchan na paaye,
bachpan mein hi hum ghar se kamaane nikal aaye.

Aye rett ke zarre tera ehsaan bahut hai,
aankhon ko bhigone ke bahaane nikal aaye .

Cheekhein bhi yahan gaur se sunta nahi koi,
kis shehar mein tum shair sunaane nikal aaye ? ..!!

Munawwar Rana

Hum Teri Yaad Ke Pinjre Mein Qaid Panchhi..

yaadein, yaad ke panchhi

 

Hum teri yaad ke pinjre mein Qaid panchhi
udna chaahen bhi toh ye soch kar udd nahi paate ..

baahar tanhaai ki hawa hogi,
beraham waqt ki fiza hogi,
kaun daalega tere pyar ka daana hum ko ?
tujh se milne ka milega na bahana hum ko,
din kahan guzrega,
uski toh khabar hi nahi ..

Kaise guzregi raat apna toh koi Ghar bhi nahi ?

Bas yahi Soch kar khud ko Samjhate hain aksar ..

Teri yaadon se hi dil ko behlate hain aksar ..

“Hum Teri Yaad Ke Pinjre Mein Qaid Panchhi” …!!

Main Roi Toh Nahi Hun..

Aankhon ka kaajal roya

 

Na jaane Kyon mera kaajal,
jab bhi daalun aankhon mein
ab aksar phail jata hai ..

Tum toh jaante ho inn dinon,
bahut hi thand hoti hai
tab hi hai surkh meri naak ..

Main Roi Toh Nahi Hun …

Keha toh hai yunhi bas,
bheega hai aanchal ka kona
chhodo tum fikar mat karo ..

Main Roi Toh Nahi Hun …

Nahi, udaas kab hun main ?
zyada kaam ke baayes,
thakaawat ho hi jati hai ..

Main Roi Toh Nahi Hun …

Eid aayi hai woh ab bhi
nahi aata toh na aaye,
ab uss ki yaad mein dekho ..

Main Roi Toh Nahi Hun …

Bata dena uss ko jaa kar
koi khush-fehmi na paaley,
waise hi surkh hain aankhen ..

Main Roi Toh Nahi Hun ….!!

Zikr-e Shab-e Firaaq se Wehashat Usey Bhi Thi..

Sad Boy-happy girl, Mohsin Naqvi Ghazal

Zikr-e shab-e firaaq se wehashat usey bhi thi
Meri tarah kisi se muhabbat usey bhi thi

Mujh ko bhi shauq tha naye cheharon ki deed ka
Rastaa badal ke chalane ki aadat usey bhi thi

Uss raat der tak woh raha mahv-e guftagu
Masroof main bhi kam tha faraagat usey bhi thi

Sunta tha woh bhi sab se puraani kahaaniyan
Taaza rafaaqaton ki zarurat usey bhi thi

Mujh se bichhad ke shehar mein ghul-mil gaya woh shakhs
Haalanki shehar bhar se raqabat usey bhi thi

Woh mujh se badh ke zabt ka aadii tha jee gaya
Warna har ek saans qayaamat usey bhi thi …!!

Mohsin Naqvi

Khud Bhi Roya Bahut Rula Ke Mujh Ko..

Weeping girl hugs, woh bahut roya

 

Tha Bahut Khush Jo Bhula Ke Mujh Ko ,
Aaj Roya Galey Laga Ke Mujh Ko ,
Usne Pehla Sawaal Ye Puchha ..

“Tum Ko Kaisa Laga Ganwa Ke Mujh Ko.” ?

Zindagi Ne Toh Azmaaya Hai,
Dekh Lo Tum Bhi Aazma Ke Mujh Ko,

Usne Raasta Badal Liya Apna,
Pyar Ki Raah Par Chala Ke Mujh Ko,

De Gaya Umar Bhar Ke Aansoo ,
Jo Kabhi Hansta Tha, Hansa Ke Mujh Ko ,

Ajeeb Shakhs Tha Jaate Hue Woh ,
Khud Bhi Roya Bahut Rula Ke Mujh Ko ,

Mujh Ko Patthar Bana Ke Kehta Hai..

“ Jaan Dekho Na Muskura Ke Mujh Ko.” ….!!

Wohi Ratt’jaggi Puraani, Wohi Dukh Bhari Kahani..

sad boy in love at night

 

Wohi Ratt’jaggi Puraani, Wohi Dukh Bhari Kahani,
Mere Aansoon Mein Shamil Meri Daastan Puraani..

Meri Inkasariyoun Par, Tera Tund-O- Tezz Lehja,
Wohi Meri Jee-Hazoori, Wohi Teri Hukamaraani..

Teri Be’Niyaziaan Hain.. Meri Zindagi Ka Haasil,
Meri Shayari Mein Shamil Mere Zabt Ki Kahaani..

Wohi Hijar Ka Samundar, Wohi Aankh Mein Udaasi,
Wohi Sardiyon Ki Shaamein, Wohi Dard Ki Nishaani..

Tere Husn Ki Nazar Se, Ab Main Utar Gaya Hun,
Mujhe Khud Bhi Chubh Reha Hai Mere Aansuon Ka Pani …!!

Mata-e Shaam-e Safar Bastiyon Mein Chhod Aaye..

Mata-e shaam-e safar bastiyon mein chhod aaye,
Bujhe charaagh hum apne gharon mein chhod aaye..!

Ghire hain lashkar-e aada mein ab ye sochte hain,
Hum apne teer toh apni safoon mein chhod aaye.

Hum apni darbadari ke mushahidey aksar,
Naseehaton ki tarah kamsino mein chhod aaye.

Bichhad ke tujh se chale hum toh ab ke youn bhi hua,
Ki teri yaad kahin raaston mein chhod aaye.

Hawa hi din mein parinde udaaye phirti hai,
Hawa hi phir se unhen ghonslon mein chhod aaye.

Humare baad bhi rounaq rahegi maqtal mein,
Hum ahl-e dil ko bade hoslon mein chhod aaye.

Udenge kya woh parinde jo apne rizq samait,
Safar ka shauq bhi toote paron mein chhod aaye.

Sada sukhi rahein chehre woh hum jinhe mohsin,
Bujhe gharon ki khuli khidkiyon mein chhod aaye. !!

Mohsin Naqvi