Home / Ghazals (page 20)

Ghazals

Poetry, Shayaries, and poems best collections from around the World. Best, memorable, and most Popular Ghazals,Geets, songs, poems, poetry of the All time Classics.

Ab Jo Ek Hasrat e Jawaani Hai..

Meer Taqi Meer Poetry

Ab jo ek hasrat-e-jawaani hai,
umar-e-rafta ki ye nishaani hai.

Rashk-e-yusuf hai aah waqt-e-azeez,
umr ek baar-e-kaarwaani hai.

Girya har waqt ka nahin be-hech,
dil mein koi ghum-e-nihaani hai.

Hum qafas-zaad qaidi hain warna,
taa chaman ek par-fishaani hai.

Uss ki shamsheer tez hai humdum,
mar rahenge jo zindagaani hai.

Ghum-o-ranj-o-alam niko yaan se,
sab tumhaari hi mehrbaani hai.

Khaak thi maujzan jahaan mein aur,
hum ko dhokha ye tha ki pani hai.

Yaan hue ‘meer’ tum baraabar khaak,
waan wahi naaz-o-sargiraani hai. !!

– Click here for Meer Taqi Meer Poetry Collection

Ab Jo Ek Hasrat e Jawaani Hai..
Please Rate this poetry!

Aam Hukm e Sharaab Karta Hun..

Meer Taqi Meer Poetry

Aam hukm-e-sharaab karta hun,
mohtasib ko kabaab karta hun.

Tuk to reh aey bina-e-hasti tu,
tujh ko kaisa kharaab karta hun.

Behas karta hun ho ke abjad-khwaan,
kis qadar be-hisaab karta hun.

Koi bujhti hai ye bhadak mein abas,
tishnagi par itaab karta hun.

Sar talak aab-e-tegh mein hun gharq,
ab ta.iin aab aab karta hun.

Jee mein phirta hai  ‘meer’  woh mere,
jaagta hun ki khwaab karta hun. !!

– Click here for Meer Taqi Meer Poetry Collection

Aam Hukm e Sharaab Karta Hun..
Please Rate this poetry!

Aah Jis Waqt Sar Uthaati Hai..

Meer Taqi Meer Poetry

Aah jis waqt sar uthaati hai,
arsh par barchhiyaan chalaati hai.

Naaz-bardaar-e-lab hai jaan jab se,
tere khat ki khabar ko paati hai.

Aey shab-e-hijr raast keh tujh ko,
baat kuchh subh ki bhi aati hai

Chashm-e-baddoor-chasm-e-tar aey ‘meer
aankhen toofaan ko dikhaati hai. !!

– Click here for Meer Taqi Meer Poetry Collection

Aah Jis Waqt Sar Uthaati Hai..
Please Rate this poetry!

Har Ek Maqaam Se Aage Guzar Gaya Maah e Nau..

Allama Iqbal Poetry

Har ek maqaam se aage guzar gaya mah-e-nau,
kamaal kis ko mayasar hua hai be-tag-e-dau.

Nafas ke zor se woh ghuncha wa hua bhi toh kya,
jise naseeb nahin aaftaab ka partav.

Nigaah paak hai teri toh paak hai dil bhi,
ki dil ko haq ne kiya hai nigaah ka pairav.

Panap saka na khayaabaan mein lala-e-dil soz,
ki saazgaar nahin ye jahaan-e-gandum-o-jau.

Rahe na aibak-o-ghauri ke maarke baaqi,
humesha taaza-o-sheerin hai naghma-e-khusro. !!

Click here for Allama Iqbal Poetry collection

Har Ek Maqaam Se Aage Guzar Gaya Maah e Nau..
Please Rate this poetry!

Jab Ishq Sikhaata Hai Aadaab e Khud Aagaahi..

Allama Iqbal Poetry

Jab ishq sikhaata hai aadaab-e-khud aagaahi,
khule hain ghulaamon par asraar-e-shehanshaahi.

Attar’ ho ‘rumi’ ho ‘raazi’ ho ‘ghazaali’ ho,
kuchh haath nahin aata be-aah-e-sahar-gaahi.

Naumeed na ho in se aey rahbar-e-farzaana,
kam-kosh toh hain lekin be-zauq nahin raahi.

Aey taair-e-laahauti uss rizq se maut achchhi,
jis rizq se aati ho parwaaz mein kotaahi.

Daara-o-sikandar se woh mard-e-faqeer aula,
ho jis ki faqeeri mein boo-e-asadul-laahai.

Aaeen-e-jawaan-mardaan haq-goi-o-bebaaki,
allah ke sheron ko aati nahin roobaahi. !!

– Click here for Allama Iqbal Poetry collection

Jab Ishq Sikhaata Hai Aadaab e Khud Aagaahi..
Please Rate this poetry!

Har Shai Musaafir Har Cheez Raahi..

Allama Iqbal Poetry

Har shayy musaafir har cheez raahi,
kya chaand taare kya murgh-o-maahi.

Tu mard-e-maidaan tu meer-e-lashkar,
noori huzoori tere sipaahi.

Kuchh qadar apni tu ne na jaani,
ye be-sawaadi ye kam-nigaahi.

Duniya-e-doon ki kab tak ghulaami,
ya raahebi kar ya padshaahi.

Peer-e-haram ko dekha hai meine,
kirdaar-e-be-soz guftaar waahi. !!

– Click here for Allama Iqbal Poetry collection

 

Har Shai Musaafir Har Cheez Raahi..
Please Rate this poetry!

Sitaaron Se Aage Jahaan Aur Bhi Hain..

Allama Iqbal Poetry

Sitaaron se aage jahaan aur bhi hain,
abhi ishq ke imtihaan aur bhi hain.

Tahi zindagi se nahin ye fazaayen,
yahan saikadon kaarwaan aur bhi hain.

Qanaa.at na kar aalam-e-rang-o-boo par,
chaman aur bhi aashiyaan aur bhi hain.

Agar kho gaya ek nasheman toh kya ghum,
maqaamaat-e-aah-o-fughaan aur bhi hain.

Tu shaaheen hai parwaaz hai kaam tera,
tere saamne aasmaan aur bhi hain.

Issi roz-o-shab mein ulajh kar na reh jaa,
ki tere zamaan-o-makaan aur bhi hain.

Gaye din ki tanha tha main anjuman mein,
yahan ab mere raazdaan aur bhi hain. !!

– Click here for Allama Iqbal Poetry collection

Sitaaron Se Aage Jahaan Aur Bhi Hain..
Please Rate this poetry!