Home / Ghazals (page 10)

Ghazals

Poetry, Shayaries, and poems best collections from around the World. Best, memorable, and most Popular Ghazals,Geets, songs, poems, poetry of the All time Classics.

Ibadaton Ki Tarah Main Ye Kaam Karta Hun – Bashir Badr

Bashir Badr Poetry

Ibaadaton ki tarah main ye kaam karta hun,
mera usool hai pehle salaam karta hun.

Mukhaalifat se meri shakhsiyat sanwarti hai,
main dushmanon ka bada ehtaraam karta hun.

Main apni jeb mein apna pata nahin rakhta,
Safar mein sirf yahi ehtemaam karta hun.

Main dar gaya hun bahut sayadaar pedon se,
zara si dhoop bichha kar qayaam karta hun.

Mujhe khuda ne ghazal ka dayyar bakhsha hai,
ye saltanat main mohabbat ke naam karta hun. !!

Bashir Badr Poetry Collection

Subscribe us for Bashir badr & all urdu  legend poet’s poetry, Ghazals, poems, nazms, shayaries.

Ye Chiragh Benazar Hai Ye Sitara Bezuban Hai – Bashir Badr

Bashir Badr Poetry

Ye chiraagh benazar hai ye sitaara bezubaan hai,
abhi tujh se milta julta koi dusra kahan hai.

Wahi shakhs jis pe apne dil-o-jaan nisaar kar dun,
woh agar khafa nahin hai toh zaroor badgumaan hai.

Kabhi paa ke tujh ko khona kabhi kho ke tujh ko paana,
ye janam janam ka rishta tere mere darmiyaan hai.

Mere saath chalne waale tujhe kya mila safar mein,
wahi dukh bhari zameen hai wahi ghum ka aasmaan hai.

Main issi gumaan mein barson mutmain raha hun,
tera jism betgaiyyur hai mera pyaar zaavidaan hai.

Unhi raaston ne jis par kabhi tum the saath mere,
mujhe rok rok poochha tera humsafar kahan hai. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.

Woh Ghazal Walon Ka Uslub Samajhte Honge – Bashir Badr

Bashir Badr Poetry

Woh ghazal waalon ka uslub samajhte honge,
chaand kehte hain kise khoob samajhte honge.

Itni milti hai meri ghazlon se soorat teri,
log tujh ko mera mehboob samajhte honge.

Main samajhta tha mohabbat ki zabaan khushboo hai,
phool se log usey khoob samajhte honge.

Dekh kar phool ke auraaq pe shabnam kuchh log,
tera ashkon bhara maqtoob samajhte honge.

Bhool kar apna zamaana ye zamaane waale,
aaj ke pyaar ko maayub samajhte honge. !!

Bashir Badr Poetry Collection

Subscribe Us For More Bashir Badr Poetry,  Urdu Poetry , Ghazals, Nazms, Shayari & Urdu Poems.

Jahan Ped Par Chaar Daane Lage – Bashir Badr Ghazal

Bashir Badr Poetry

Jahan ped par chaar daane lage,
hazaaron taraf se nishaane lage.

Hui shaam yaadon ke ek gaaon mein,
parinde udaasi ke aane lage.

Ghadi do ghadi mujh ko palkon pe rakh,
yahan aate aate zamaane lage.

Kabhi bastiyaan dil ki yun bhi basi,
dukaanen khuli kaarakhaane lage.

Wahin zard patton ka kaalin hai,
gulon ke jahan shaamiyane lage.

Padhaai likhaai ka mausam kahan,
kitaabon mein khat aane jaane lage. !!

Bashir Badr Poetry Collection

Subscribe Us For More Bashir Badr Poetry,  Urdu Poetry , Ghazals, Nazms, Shayari & Poems

Ye Kasak Dil Ki Dil Mein Chubhi Reh Gayi..

Bashir Badr Poetry

Ye kasak dil ki dil mein chubhi rah gayi,
zindagi mein tumhari kami reh gayi.

Ek main, ek tum, ek deewar thi
zindagi aadhi aadhi bati reh gayi.

Raat ki bheegi bheegi chhaton ki tarah,
meri palkon pe thodi nami reh gayi.

Ret par aansuon ne tere naam ki,
j0 kahaani likhi be  padhi reh gayi.

Maine roka nahin woh chala bhi gaya,
bebasi door tak dekhti reh gayi.

Mere ghar ki taraf dhoop ki peeth thi,
aate aate idhar chandni reh gayi. !!

 Bashir Badr Poetry Collection 

Sabhi Jazbaat Khayalat Badal Jaate Hain..

Urdu Poetry

Sabhi jazbaat khyaalaat badal jaate hain,
yun mohabbat mein ye din raat badal jaate hain.

Pyaar toh un ko bhi hum se hai magar jaane kyon,
hum karen baat toh woh baat badal jaate hain.

Aarzoo toh hai ki izhaar-e-mohabbat kar dun,
lafz chunta hun toh lamhaat badal jaate hain.

Kitni nafrat thi kabhi pehle mohabbat se humein.
ho mohabbat toh khyaalaat badal jaate hain.

Ek sa waqt mohabbat mein kahan rehta hai,
gardish-e-waqt se haalaat badal jaate hain. !!

____________________________________

Read All Urdu Legend Poet’s Poetry

Woh Ghazal Padhne Mein Lagta Bhi Ghazal Jaisa Tha..

Munawwar Rana Poetry

Woh ghazal padhne mein lagta bhi ghazal jaisa tha,
sirf ghazlen nahin lehja bhi ghazal jaisa tha.

Waqt ne chehre ko bakhshi hai kharaashen warna,
kuchh dinon pehle ye chehra bhi ghazal jaisa tha.

Tum se bichchda toh pasand aa gayi betarteebi,
iss se pehle mera kamra bhi ghazal jaisa tha.

Koi mausam bhi bichchad kar humein achchha na laga,
waise paani ka barasna bhi ghazal jaisa tha.

Neem ka ped tha, barsaat thi aur jhoola tha,
gaaon mein guzra zamana bhi ghazal jaisa tha.

Woh bhi kya din the tere paaon ki aahat sun kar,
dil ka seene mein dhadakna bhi ghazal jaisa tha.

Ek ghazal dekhti rehti thi dareeche se mujhe,
sochta hun woh zamana bhi ghazal jaisa tha.

Kuchh tabiyat bhi ghazal kehne pe amaada thi,
kuchh tera phoot ke rona bhi ghazal jaisa tha.

Mera bachpan tha, mera ghar tha, khilone the mere,
sar par maa-baap ka saaya bhi ghazal jaisa tha.

Narm-o-naazuk sa, bahut shokh sa, sharmeela sa,
kuchh dinon pehle toh ‘rana’ bhi ghazal jaisa tha. !!

Click Here For Munawwar Rana Poetry Collection

Khud Nawed e Zindagi Layi Qaza Mere Liye

Meer Anees Poetry

Khud nawed-e-zindagi laayi qaza mere liye,
sham-e-kushta hun fanaa mein hai baqaa mere liye.

Zindagi mein toh na ek dum khush kiya hans bol kar,
aaj kyon rote hain mere aashna mere liye.

Kunj-e-uzlat mein misaal-e-aasiya hun gosha-gir,
rizq pahunchaata hai ghar baithe khuda mere liye.

Tu saraapa ajr aey zaahid main sar-ta-pa gunaah,
baagh-e-jannat teri khaatir karbala mere liye.

Naam raushan kar ke kyonkar bujh na jaata misl-e-shama,
na-muwaafiq thi zamaane ki hawaa mere liye.

Har nafas aaina-e-dil se ye aati hai sadaa,
khaak tu ho ja toh haasil ho jila mere liye.

Khaak se hai khaak ko ulfat tadapta hun ‘anees
karbala ke waaste main karbala mere liye. !!

Click Here For Meer Anees Poetry Collection

Mera Raaz e Dil Aashkara Nahin..

Meer Anees Poetry

Mera raaz-e-dil aashkaara nahin,
woh dariya hun jis ka kinaara nahin.

Woh gul hun juda sab se hai jis ka rang,
woh bu hun ki jo aashkaara nahin.

Woh paani hun sheerin nahin jis mein shor,
woh aatish hun jis mein sharaara nahin.

Bahut zaal-e-duniya ne deen baaziyan,
main woh naujawaan hun jo haara nahin.

Jahannam se hum be-qaraaron ko kya,
jo aatish pe thehre woh paara nahin.

Faqeeron ki majlis hai sab se juda,
ameeron ka yaan tak guzaara nahin.

Sikandar ki khaatir bhi hai sadd-e-baab,
jo dara bhi ho to madara nahin

Kisi ne teri tarah se aey ‘anees
urus-e-sukhan ko sanwaara nahin. !!

Click Here For Meer Anees Poetry Collection

Koi Anees Koi Aashna Nahin Rakhte..

Meer Anees Poetry

Koi ‘anees’ koi aashna nahin rakhte,
kisi ki aas baghair az khuda nahin rakhte.

Kisi ko kya ho dilon ki shikastagi ki khabar,
ki tootne mein ye sheeshe sadaa nahin rakhte.

Faqeer dost jo ho hum ko sarfaraaz kare,
kuchh aur farsh ba-juz boriya nahin rakhte.

Musaafiro shab-e-awwal bahut hai tera-o-taar,
charaagh-e-qabr abhi se jala nahin rakhte.

Woh log kaun se hain aey khuda-e-kaun-o-makaan,
sukhan se kaan ko jo aashna nahin rakhte.

Musaafiraan-e-adam ka pata mile kyonkar,
woh yun gaye ki kahin naqsh-e-paa nahin rakhte.

Tap-e-darun ghum-e-furqat waram-e-payaada-rawi,
maraz toh itne hain aur kuchh dawaa nahin rakhte.

khulega haal unhen jab ki aankh band hui,
jo log ulfat-e-mushkil-kusha nahin rakhte.

Jahaan ki lazzat-o-khwaahish se hai bashar ka khameer,
woh kaun hain ki jo hirs-o-hawaa nahin rakhte.

Anees’ bech ke jaan apni hind se niklo,
jo tosha-e-safar-e-karbala nahin rakhte. !!

Click Here For Meer Anees Poetry Collection