Home / Manzil Shayari (page 2)

Manzil Shayari

Aur Hain Kitni Manzilen Baaqi..

Aur hain kitni manzilen baaqi,
jaan kitni hai jism mein baaqi.

Zinda logon ki bood-o-baash mein hain,
murda logon ki aadaten baaqi.

Uss se milna woh khwaab-e-hasti mein,
khwaab maadoom hasraten baaqi.

Beh gaye rang-o-noor ke chashme,
rah gayi un ki rangaten baaqi.

Jin ke hone se hum bhi hain aye dil,
shehar mein hain woh sooraten baaqi.

Woh toh aa ke ‘munir jaa bhi chuka,
ek mehak si hai baagh mein baaqi. !!

Munir Niazi

Kya Toota Dil Bhi Joda Hai Kisi Ne.. ?

Kya Toota Dil Bhi Joda Hai Kisi Ne. ?

Dil-e umeed toda hai kisi ne,
sahara de kar chhoda hai kisi ne.

Na manzil hai na manzil ka nasha hai,
kahan par la kar chhoda hai kisi ne.

Main un sheeshaguron se puchhta hun,
kya toota dil bhi joda hai kisi ne. ?

Hai deewano ko zanjeeron se nisbat,
ye rishta bhi khoob joda hai kisi ne.

Mohabbat mein mujhe barbaad kar ke,
lahoo dil ka nichoda hai kisi ne. !!

Mere Dard Ne Meri Manzil Ko Paar Kiya Hai..

poetry 1

Andhkar ke iss bhanwar ko,
Ujaale ke samandar mein uthte hue,
Pehli baar dekha hai !
Shayad mere dard ne,
Bina Ijaazat meri manjil ko,
Ek baar phir paar kiya hai …!