Home / Love Shayari (page 2)

Love Shayari

Kuchh Iss Ada Se Usne Poochha Mera Mizaaj..

Two Line Urdu Poetry

Kuchh is adaa se uss ne poochha mera mizaaj,
kehna pada ki shukr hai parwar-digaar ka …! 

Two Line Urdu Poetry

Subscribe us for two line urdu shayari, shair, ghazals, nazms, poems, poets. 

Tu Mere Dil Pe Haath Toh Rakh..

Two (2) Line Love Poetry

Tu mere dil pe haath toh rakh,
main tere haath pe dil na rakh dun toh kehna …!

Two Line Poetry Collection  Love Poetry Collection

Subscribe us for all types two line urdu shayari, ghazals, poems, urdu poets, nazms, urdu poets. 

Kaaghaz Pe Nahin Likhte Kuchh Raaz Mohabbat Ke..

Kaaghaz pe nahin likhte kuchh raaz mohabbat ke,
pal bhar mein bikhar jaate hain alfaaz mohabbat ke.

Usey toot ke chaaha toh hum khud hi bikhar gaye,
aise bhi badalte hain andaaz mohabbat ke.

Qaasid se zara kehna unhen saath hi le aaye,
mujhe phir se sajaane hain kuchh khwaab mohabbat ke.

Jeene – marne ki qasmen woh sada saath rehne ke waade,
kitne hi suhaane hote hain iqraar mohabbat ke.

Usey keh do ab toh laut aaye,,
arey ! tum bhi toh rakho kuchh lihaaz mohabbat ke .!!

Jis Ki Jhankaar Mein Dil Ka Aaraam Tha Woh Tera Naam Tha..

Jis ki jhankaar mein dil ka aaraam tha woh tera naam tha,
mere honthon pe raqsaan jo ek naam tha woh teraa naam tha

Mujh se mansoob thi daastaanen kayi ek se ek nayi,
khubsoorat magar jo ek ilzaam tha woh tera naam tha.

Kaise karta kisi aur ki guftagu yaad tha sirf tu,
mujh ko mere junoon ka jo inaam tha woh tera naam tha.

Subh se shaam tak jo mere paas thi woh teri aas thi,
shaam tak jo kuchh lab-e-baam woh tera naam tha.

Dost jitne the na-aashna ban gaye paarsa ban gaye,
jo mere saath ruswa sar-e-aam tha woh tera naam tha.

Ghum ne taarikiyon mein uchhaala mujhe maar daala mujhe,
ek nayi chaandni ka jo paigham tha woh tera naam tha.

Tere hi dum se hai ye ‘qateel aaj bhi shairy ka wali,
uss ki ghazlon mein kal bhi jo ilhaam tha woh tera naam tha. !!

Qateel Shifai

Likh Diya Apne Dar Pe Kisi Ne Iss Jagah Pyar Karna Mana Hai..

Likh diya apne dar pe kisi ne iss jagah pyar karna mana hai,
pyar agar ho bhi jaaye kisi ko iss ka izhaar karna mana hai.

Un ki mehfil mein jab koi aaye pehle nazaren woh apni jhukaaye,
woh sanam jo khuda ban gaye hain un ka deedar karna mana hai.

Jaag uthenge toh aahen bharenge husn waalon ko ruswa karenge,
so gaye hain jo furkat ke maare un ko bedaar karna mana hai.

Hum ne ki arz-e banda-parwar kyon sitam dha rahe ho hum par,
baat sun kar woh humari bole hum se taqraar karna mana hai.

Saamne jo khula hai jharokha kha na jaana ‘qateel uss ka dhokha,
ab bhi apne liye uss gali mein shuak-e-deedar karna mana hai. !!

Qateel Shifai

Main Rozgaar Ke Silsile Mein..

Main rozgaar ke silsile mein,
kabhi kabhi uss ke shehar jaata hun toh,
guzarta hun uss gali se..
woh neem-taariq si gali !
aur ussi ke nukkad pe unghta sa purana khambha!
ussi ke neeche tamaam shab intezaar kar ke,
main chhod aaya tha shehar uss ka..
bahut hi khasta si roshni ki chhadi ko teke,
woh khambha ab bhi wahin khada hai.!

Futoor hai ye! magar,
main khambhe ke paas ja kar..
nazar bacha kar mohalle walon ki,
poochh leta hun aaj bhi ye..
woh mere jaane ke bad bhi,
aayi toh nahin thi?
woh aayi thi kya.??

Gulzar

Bheed Mein Ek Ajnabi Ka Saamna Achchha Laga..

Bheed mein ek ajnabi ka saamna achchha laga,
sab se chhup kar woh kisi ka dekhna achchha laga.

Surmayi aankhon ke neeche phool se khilne lage,
kehte kehte kuchh kisi ka sochna achchha laga.

Baat toh kuchh bhi nahin thi lekin uss ka ek dum,
haath ko honthon pe rakh kar rokna achcha laga.

Chaai mein cheeni milaana uss ghadi bhaya bahut,
zer-e-lab woh muskurata shukriya achchha laga.

Dil mein kitne ahad baandhe the bhulane ke usey,
woh mila toh sab iraade todna achchha laga.

Be-iraada lams ki woh sansani pyaari lagi,
kam tawajjo aankh ka woh dekhna achchha laga.

Neem shab ki khamoshi mein bheegti sadakon pe kal,
teri yaadon ke jaalo mein ghoomna achchha laga.

Uss udu-e-jaan ko ‘amjad’ main bura kaise kahun,
jab bhi aaya saamne woh bewafa achchha laga. !!

Amjad Islam Amjad

Chaand Ke Saath Kayi Dard Puraane Nikle..

Chaand ke saath kayi dard puraane nikle,
kitne ghum the jo tere ghum ke bahaane nikle.

Fasl-e gul aayi phir ik baar asiraan-e-wafa,
apne hi khoon ke dariya mein nahaane nikle.

Hijr ki chot ajab sang-shikan hoti hai,
dil ki befaiz zameenon se khazaane nikle.

Umar guzri hai shab-e-taar mein aankhein malte,
kis ufaaq se mera khursheed na jaane nikle.

Ku-e-qaatil mein chale jaise shaheedon ka juloos,
khwaab yun bheegti aankhon ko sajaane nikle.

Dil ne ek eent se taameer kiya taj-mahal,
tune ek baat kahi laakh fasaane nikle.

Dasht-e tanhaai-e-hijraan mein khada sochta hun,
haaye kya log mera saath nibhaane nikle.

Maine ‘amjad’ usey bewaasta dekha hi nahin,
woh toh khushboo mein bhi aahat ke bahaane nikle. !!

Amjad Islam Amjad

Usne Aahista Se Jab Pukaara Mujhe..

Uss ne aahista se jab pukaara mujhe,
jhuk ke takne laga har sitaara mujhe.

Tera ghum iss fishaar-e-shab-o-roz mein,
hone deta nahin besahaara mujhe.

Har sitaare ki bujhti hui roshni,
mere hone ka hai isti.aara mujhe.

Aye khuda koi aisa bhi hai mojza,
jo ki mujh par kare aashkaara mujhe.

Koi sooraj nahin koi taara nahin,
tune kis jhutpute mein utaara mujhe.

Aks-e-imroz mein naqsh-e-deeroz mein,
ek ishaara tujhe ek ishaara mujhe.

Hain azal ta-abad toote aaine,
aagahi ne kahan laa ke maara mujhe. !!

Amjad Islam Amjad

Apne Ghar Ki Khidki Se Main Aasmaan Ko Dekhunga..

Apne ghar ki khidki se main aasmaan ko dekhunga,
jis par tera naam likha hai uss taare ko dhoondunga.

Tum bhi har shab diya jala kar palkon ki dehleez par rakhna,
main bhi roz ek khwaab tumhare shehar ki jaanib bhejunga.

Aur hijr ke dariya mein tum padhna lehron ki tahreeren bhi,
paani ki har satr pe main kuchh dil ki baaten likhunga.

Jis tanha se ped ke neeche hum baarish mein bheege the,
tum bhi uss ko chhoo ke guzarna main bhi uss se liptunga.

Khwaab musaafir lamhon ke hain saath kahan tak jaayenge,
tum ne bilkul theek keha hai main bhi ab kuchh sochunga.

Baadal odh ke guzrunga main tere ghar ke aangan se,
qaus-e-qaza ke sab rangon mein tujh ko bheega dekhunga.

Be-mausam baarish ki soorat der talak aur door talak,
tere dayaar-e- husn pe main bhi kin-min kin-min barsunga.

Sharm se dohra ho jaayega kaan pada woh bunda bhi,
baad-e-saba ke lahje mein ek baat main aisi poochhunga.

Safha safha ek kitaab-e-husn si khulti jaayegi,
aur ussi ki layy mein phir main tum ko azbar kar lunga.

Waqt ke ek kankar ne jis ko akson mein taqseem kiya,
aab-e-rawan mein kaise ‘amjad’ ab woh chehra jodunga. !!

Amjad Islam Amjad