Home / Intezaar Poetry (page 8)

Intezaar Poetry

Hum Ko Toh Umar Lagi Yaar Tak Aate Aate..

Lafz toote lab-e izhaar tak aate aate,
Mar gaye hum tere mayaar tak aate aate.

Hum samajhte the ki kuchh waqt lagega shaayad,
Ek inkaar ko iqraar tak aate aate.

Haath rakhna pada seene pe humein bhi aakhir,
Dil kahan rehta hai dildaar tak aate aate.

Ek lamhe ki musaafat bhi badi hoti hai,
Hum ko toh umar lagi yaar tak aate aate. !!

Sundar Komal Sapano Ki Baraat Guzar Gayi Janaa..

sad girl at night, at morning

Sundar komal sapano ki baraat guzar gayi janaa,
Dhoop aankhon tak aa pahunchi hai raat guzar gayi jana.

Bhor samay tak jis ne humein baham uljhaye rakha,
woh albeli resham jaisi baat guzar gayi jana.

Sada ki dekhi raat humein iss baar mili toh chupke se,
Khali haath pe rakh ke kya saugaat guzar gayi jana.

Kis konpal ki aas mein ab tak waise hi sar-sabz ho tum?
Ab toh dhoop ka mausam hai barsaat guzar gayi jana.

Log na jaane kin raaton ki muraadein maanga karte hain?
Apni raat toh woh jo tere saath guzar gayi jana..!!

Wafa Mein Ab Ye Hunar Ikhtiyaar Karna Hai..

sad wating girl at night

Wafa mein ab ye hunar ikhtiyaar karna hai,
Woh sach kahe na kahe aitbaar karna hai.

Ye tujh ko jaagte rehne ka shouq kab se hua ?
Mujhe toh khair tera intezaar karna hai.

Hawa ke zadd mein jalaane hain ansuon ke chiraagh,
Kabhi ye jashn sar-e- raah guzaar karna hai.

Woh muskura ke naye waswason mein daal gaya,
Khyaal tha ki usey sharamsaar karna hai.

Misaal-e shaakh-e barhana khizan ke rutt mein kabhi,
Khud apne jism ko be’barg-o baar karna hai.

Tere firaaq mein din kis tarha katte apne,
Ki shughal-e shab toh sitaare shumaar karna hai.

Chalo ye ashk hi moti samajh ke bech aayein,
Kisi tarah toh humein rozgaar karna hai.

Kabhi toh dil mein chhupe zakhm bhi numayan hon,
Qaba samajh ke badan taar taar karna hai.

Khuda khabar ye koi zidd ki shouq hai mohsin,
Khud apni jaan ke dushman se pyaar karna hai. !!

Mohsin Naqvi

Nishaan Tak Na Milenge Meri Wafa Ke Usey..

rude girl-boy, naraaj

Nishaan Tak Na Milenge Meri Wafa Ke Usey,
Ki Maine Raah Badal Di Hai Aazma Ke Usey.

Kabhi Na Harf Koi Uski Saadgi Ka Khula,
Warq Warq Padha Maine Dil Laga Ke Usey.

Jo Sab Ka Haal Hua Tha Woh Mera Haal Hua,
Bani Na Baat Koi Baat Bhi Suna Ke Usey.

Mujhe Yaqeen Hai Woh Laut Kar Bhi Aayega,
Magr Udaas Hun Ab Raasta Dikha Ke Usey. !!

 

Wohi Ratt’jaggi Puraani, Wohi Dukh Bhari Kahani..

sad boy in love at night

 

Wohi Ratt’jaggi Puraani, Wohi Dukh Bhari Kahani,
Mere Aansoon Mein Shamil Meri Daastan Puraani..

Meri Inkasariyoun Par, Tera Tund-O- Tezz Lehja,
Wohi Meri Jee-Hazoori, Wohi Teri Hukamaraani..

Teri Be’Niyaziaan Hain.. Meri Zindagi Ka Haasil,
Meri Shayari Mein Shamil Mere Zabt Ki Kahaani..

Wohi Hijar Ka Samundar, Wohi Aankh Mein Udaasi,
Wohi Sardiyon Ki Shaamein, Wohi Dard Ki Nishaani..

Tere Husn Ki Nazar Se, Ab Main Utar Gaya Hun,
Mujhe Khud Bhi Chubh Reha Hai Mere Aansuon Ka Pani …!!

Tujhe Hi Sochta Hoon Subah Se Shaam Hone Tak..

sad-alone boy at night

 

Andheri Raat Ke Lamhe Tamaam Hone Tak,
Tujhe Hi Sochta Hoon Subah Se Shaam Hone Tak..

Main Aisa Jism Hoon Jis Ki Rooh Bhi Tu Hai,
Adhuri Zaat Hoon Main Bin Tere Naam Hone Tak..

Teri Aawaz Sun Na Loon Toh Mera Dil Nahi Lagta,
Tadapta Rehta Hoon Tujh Se Hum Kalaam Hone Tak..

Teri Nazar Ki Keemat Pe Bik Raha Hun Main Jaana,
Mujhe Khareed Le Tu Mehnge Daam Hone Tak..

Ishq Ki Aag Jo Seene Mein Laga Baithe Hain,
Sulagti Rehti Hai Ye Neendein Haraam Hone Tak… !!

 

Nazar Samete Hue Khada Hun..

waiting sad boy

Kadam Usi Mod Par Jame Hain,
Nazar Samete Hue Khada Hun,
Junoon Ye Majboor Kar Raha Hai Palat Ke Dekhun,
Khudi Ye Kehti Hai Mod Mud Jaa,
Agarche Ehsaas Keh Raha Hai, 
Khule Dareeche Ke Pichhe Do Aankhein Jhaankti Hain,
Abhi Mere Intezaar Mein Woh Bhi Jagati Hai, 
Kahin Toh Uske Gosha-e Dil Mein Dard Hoga, 
Usey Ye Zidd Hai Ki Main Pukarun,
Mujhe Taqaaza Hai Woh Bula Le, 
Kadam Usi Mod Par Jame Hain,
Nazar Samete Hue Khada Hun …!!

Akele Chaand ko Takna Toh Mujh ko Yaad Kar Lena..

sad girl, girl writing

Akele chand ko takna toh mujh ko yaad kar lena,
Kisi bhi baat pe hansna toh mujh ko yaad kar lena …!
Bahut se kaam aise hain jinhe karna zarori hai,
Zaroori kaam ko karna toh mujh ko yaad kar lena …!
Mohabbat woh haqeqat hai jise badla na jayega,
Kitaab-e ishq ko padhna toh mujh ko yaad kar lena …!
Mere pyar ki khushboo tumhe kaaghaz se aayegi,
Ksi ko shair jo likhna toh mujh ko yaad kar lena … !!

 

 

Mera Ye Intezaar Khatm Kar Do..

Intezaar Poetry

Mujhe jaare ka mousam yun pasand hai.
ki iss ke baad phir bahaar aayegi,
tumhaare pasndeeda soorkh gulaabon ka mousam !

Har saal ki tarha iss saal bhi zard patton ka mousam guzar gaya..
phir wohi soorkh gulaabon ka mousam hai.. wohi jagah hai aur main hun,
pahle ki tarha tanha !
wahin khada hun,
jahan hum milte the aksar.
bas ek baar aa jaao aur,
mera ye intezaar khatm kar do !

Ye soorkh gulaab mujh se le lo aur,
faqat itna keh do ki ” mujhe tum se mohabbat nahin”
soorkh gulaabon ki ye qataar khatm kar do,
aur ye bahaar khatm kar do,
bas
mera ye intezaar khatm kar do. !!