Home / Dua Shayari (page 5)

Dua Shayari

Aisa Khamosh Toh Manzar Na Fana Ka Hota..

said girl with boy picture

Aisa khamosh toh manzar na fana ka hota,
Meri tasweer bhi girti toh chhanaaka hota.

Yun bhi ek baar toh hota ki samundar bajta,
Koi ehsaas toh dariya ki anaa ka hota.

Saans mousam ki bhi kuchh der ko chalne lagti,
Koi jhaunka teri palkon ki hawa ka hota.

Kaanch ke paar tere haath nazar aate hain,
Kaash khushboo ki tarah rang hina ka hota.

Kyon meri shaql pehan leta hai chhupne ke liye,
Ek chehra koi apna bhi khuda ka hota. !!

 

Farz Karo Tum Chhat Par Baithe Apne Baal Sukhate Ho..

sad girl in thoughts

Farz karo tum chhat par baithe apne baal sukhate ho..
Farz karo ki dhoop ka uss din kuchh kuchh rang gulaabi ho..
Farz karo tum baithe baithe gehri soch mein kho jaao.
Baal sukhana chhod ke sar ghutnon pe rakh kar so jaao.
Farz karo uss neend mein tum ne dekha aisa sapna ho..
Bekal ho kar mann ye chaahe kaash ye sapna apna ho.
Farz karo tum khat likhne ko kaaghaz kalam uthate ho..
Khat likhne se pehle kaaghaz ko khushboo khoob lagaate ho..
Farz karo *alqaab pe aa kar kalam tumhara ruk jaaye.
Nazar tumhari dhak dhak karte dil ki jaanib jhuk jaaye.
Farz karo ek naam likho aur likh kar kaato, phir likho..
Farz karo apne afsaane khat ka naam muhabbat ho.
Farz karo hum dono ke dil ek hi saath dhadakte hon.
Farz karo ye saari baatein Farz na karni padti hon ..!

*[ Alqaab=titles, form of address in letter-writing ]

Zara Thehar Jaao..

Khade hain khwaab hatheli pe rakh kar,
Subah ki aas mein ye jugnu lamhe.
Tumhare dastakein gumm ho rahi hain,
Na aane ke bahaane dhundate ho..
Samajhna hai samajh jaao,
Jo jana hai chale jaao,
Magar ye dil kyon ab tak keh reha hai ?
Zara thehar jaao..
Zara thehar jaao..!

Ulajhte hain sulajhte hain,
Bikhar ke khush bhi rehte hain.
Dilon ki kashmakash mein aise bhi,
Kuchh mod milte hain..
Naye lafzon se likhi jayegi ab ye kahaani.
Muhabbat naam hai jis ka..
Usey sab jhooth kehte hain.
Samajhna hai samajh jaao..
Jo jana hai chale jaao..
Magar ye dil kyon ab tak keh raha hai
Zara thehar jaao..
Zara thehar jaao …!!

Kahin Aah Ban Ke Labb Par Tera Naam Aa Na Jaye..

Kahin aah ban ke labb par tera naam aa na jaye,
tujhe bewafa kahun main, woh muqaam aa na jaye.

Jise sun ke toot jaye mera aarzoo bhara dil,
teri anjuman se mujh ko woh paiyaam aa na jaye.

Woh jo manzilon par laa kar kisi humsafar ko lootein,
unhi raahzano mein tera kahin naam aa na jaye.

Isi fikar mein hain ghalat yeh nizaam ke bande,
jo tamaam zindagi hai woh nizaam aa na jaye .!!

Ab Ke Tajdeed-e Wafa Ka Nahi Imkaan Janaan..

Ab ke tajdeed-e-wafa* ka nahi imkaan* janaa,
yaad kya tujh ko dilaayen tera paimaan janaa.

Yun hi mausam ki adaa dekh ke yaad aaya hai,
kis qadar jald badal jaate hain insaan janaa.

Zindagi teri ataa thi so tere naam ki hai,
hum ne jaise bhi basar ki tera ehsaan janaan.

Dil ye kehta hai ki shayad hai fasurda* tu bhi,
dil ki kya baat karein dil toh hai nadaan janaan.

Awwal awwal ki mohabbat ke nashe yaad toh kar,
be-piye bhi tera chehra tha gulishtaan janaan.

Aakhir aakhir toh ye aalam hai ki ab hosh nahi,
ragg-e meena sulag uthi ki ragg-e-jaan janaan.

Muddaton se yahi aalam na tawaqqo na umeed,
dil pukaare hi chala jata hai janaan janaan.

Hum bhi kya sada the hum ne bhi samajh rakha tha,
ghum-e-dauran se juda hai ghum-e-janaan janaan.

Ab ke kuchh aisi saji mehfil-e-yaraan janaan,
sar-ba-zaanu hai koi sar-ba-girebaan janaan.

Har koi apni hi aawaaz se kaanp uthta hai,
har koi apne hi saaye se hiraasaan janaan.

Jis ko dekho wahi zanzeer-ba-paa lagta hai,
shehar ka shehar hua daakhil-e-zindaan janaan.

Ab tera zikar bhi ghazal mein shayad hi aaye,
aur se aur hue dard ke unwaan janaan.

Hum ki roothi hui rutt ko bhi mana lete the,
hum ne dekha hi na tha mausam-e-hijraan janaa.

Hosh aaya toh sabhi khwaab the raiza raiza,
jaise udte hue auraaq-e-pareshaan* janaa. !!

*[ Tajdeed-e-wafa=Renewal Of Faith,
Imkaan=possibility , Fasurda=Disappointed
Auraaq-e-pareshaan=scattered pages ]