Home / Chaand Shayari

Chaand Shayari

Soz Itna Toh Nava Mein Aaye..

Soz itna toh navaa mein aaye Young-Mohsin-Naqvi-his-poems-biography
uska paighaam hawa mein aaye .! 

Misl-e gul ab ke ho wehshat apni
zakhm ka rang qaba mein aaye .!

Dil mein yun chupke se utra koi
jaise jibreel “hira” mein aaye .!

Yun achaanak tujhe paaya maine
jaise taaseer Dua mein aaye .!

Chaand ne jhuk ke sitaaron se kaha
kitne insaan khalaa mein aaye .!

Haadsa zabt ka dushman hai agar
Hausla ahl-e wafa mein aaye .!

Ab toh labb khol dahan-bastaa mere
zalzala arz-o samaa mein aaye .!

Rogg kya jee ko laga hai ‘Mohsin
zehar ka naam dawa mein aaye .!!

Mohsin Naqvi Poetry Collection

Ronaq-e Rahguzar Hai Tanhaai..

Mohsin Naqvi Ghazal


Ronaq-e rahguzar hai tanhaai,
phir meri humsafar hai tanhaai. !

Chaand kyon mand padta jata hai,
tu hai ya baam par hai tanhaai. !

Kya maseehaa’on ko talaash karen,
zakhm ki chaaragar hai tanhaai. !

Shaam-e ghum odh kar hi so jaao,
shaam-e ghum se udhar hai tanhaai. !

Kirchiyon se bhi aks chunti hai,
sangdil kis qadar hai tanhaai. !

Jinke mehmaan hon shab ke andeshe,
aise logon ka ghar hai tanhaai. !

Lamha bhar ko hai saath saans’on ka,
aur phir umar bhar hai tanhaai. !

Jaane kis ki talaash mein ‘Mohsin
aaj kal dar-ba dar hai tanhaai. !!

Mohsin Naqvi Poetry Collection

Chalta Hun Aasmaan Ki Taraf Dekhta Hua..

Two Line Aasmaan Poetry, Shairy..

Chalta hun aasmaan ki taraf dekhta hua,
mere sar pe sitaare na aa giren kahin …!

Hum Jise Apna Chaand Kehte The..

Two (2) Line Poetry

Hum jise apna chaand kehte the,
us ne taare dikha diye hum ko …!

 

Two (2) Line Poetry Collection

Chalo Ki Hum Bujhe Bujhe Se Ghar Ka Marsiya Kahen..

Mohsin Naqvi Two Line Urdu Poetry

Chalo ki hum bujhe bujhe se ghar ka marsiya kahen,
woh chaand toh utar gaya haweliyon ki aut mein …!

Mohsin Naqvi Poetry Collection 2 Line Urdu Poetry Collection

Subscribe us for latest urdu poets, ghazals, poems, shayari, hindi, english, shairy.

Woh Ghazal Walon Ka Uslub Samajhte Honge – Bashir Badr

Bashir Badr Poetry

Woh ghazal waalon ka uslub samajhte honge,
chaand kehte hain kise khoob samajhte honge.

Itni milti hai meri ghazlon se soorat teri,
log tujh ko mera mehboob samajhte honge.

Main samajhta tha mohabbat ki zabaan khushboo hai,
phool se log usey khoob samajhte honge.

Dekh kar phool ke auraaq pe shabnam kuchh log,
tera ashkon bhara maqtoob samajhte honge.

Bhool kar apna zamaana ye zamaane waale,
aaj ke pyaar ko maayub samajhte honge. !!

Bashir Badr Poetry Collection

Subscribe Us For More Bashir Badr Poetry,  Urdu Poetry , Ghazals, Nazms, Shayari & Urdu Poems.

Patthar Tha Magar Barf Ke Golon Ki Tarah Tha..

Urdu Sad Poetry

Patthar tha magar barf ke golon ki tarah tha,
ek shakhs andheron mein ujaalon ki tarah tha.

Khwaabon ki tarah tha na khyaalon ki tarah tha,
woh ilm-e riyaazi ke sawaalon ki tarah tha.

Uljha hua aisa ki kabhi hall ho na paaya,
suljha hua aisa ki misaalon ki tarah tha.

Woh mil toh gaya tha magar apna hi muqaddar,
shatranj ki uljhi hui chaalon ki tarah tha.

Woh rooh mein khushboo ki tarah ho gaya tahleel,
jo door bahut chaand ke haalon ki tarah tha. !!

Click Here For  Urdu Poems (Nazms) Collection

Namaabar Apna Hawaaon Ko Banaane Waale..

Namaabar apna hawaaon ko banaane waale,
ab na aayenge plat kar kabhi jaane waale.

Kya milega tujhe bikhre hue khwaabon ke siwa,
ret par chaand ki tasweer banaane waale.

Maikade band hue dhoond raha hun tujh ko,
tu kahan hai mujhe aankhon se pilaane waale.

Tu pighal jaaye koi mom ka putla toh nahin,
khud na jal jaaye tujhe haath lagaane waale.

Sab ne pehna tha bade shouq se kaaghaz ka libaas,
jis qadar log the baarish mein nahaane waale.

Mar gaye hum toh ye qatbe pe likha jaayega.
so gaye aap zamaane ko jagaane waale.

Dar-o-deewar pe hasrat si barasti hai ‘qateel
jaane kis desh gaye pyaar nibhaane waale. !!

Qateel Shifai

Ab Khushi Hai Na Koi Dard Rulaane Wala..

Ab khushi hai na koi dard rulaane wala,
hum ne apna liya har rang zamaane wala.

Ek be-chehra si ummeed hai chehra chehra,
jis taraf dekhiye aane ko hai aane wala.

Uss ko rukhsat toh kiya tha mujhe maloom na tha,
sara ghar le gaya ghar chhod ke jaane wala.

Door ke chaand ko dhoondo na kisi aanchal mein,
ye ujaala nahin aangan mein samaane wala.

Ek musaafir ke safar jaisi hai sab ki duniya,
koi jaldi mein koi der se jaane wala. !!

Nida Fazli

Ek Nazm Meri Chori Kar Li Kal Raat Kisi Ne..

Ek nazm meri chori kar li kal raat kisi ne..
yahin padi thi balcony mein!
gol tipaahi ke ooper thi!
whisky waale glaas ke neeche rakhi thi!
nazm ke halke halke sip,
main ghol raha tha honthon mein..

shayad koi phone aaya tha!
andar jaa kar lauta toh phir nazm wahan se gaayab thi !
abar ke ooper neeche dekha,
soot shafaaq ki jeb tatoli
jhaank ke dekha paar uffaaq ke!
kahin nazar naa aayi woh nazm mujhe!

Aadhi raat aawaaz suni toh uth ke dekha..
taang pe taang rakh ke aakaash mein,
chaand tarannum mein padh padh ke,
duniya bhar ko apni keh ke..
nazm sunaane baitha tha. !!

Gulzar